അച്ചടക്കവും കോമ്പൗണ്ടിംഗിന്റെ കരുത്തും; 1000 രൂപ നിക്ഷേപിച്ച് ഒരു കോടി രൂപ സമ്പാദിക്കാം

മ്യൂച്വൽ ഫണ്ടുകളിൽ നിക്ഷേപിക്കുന്നതിനുള്ള ലളിതവും സൗകര്യപ്രദവുമായ മാർഗമാണ് എസ്ഐപി അഥവ സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ. ദീർഘകാല സാമ്പത്തിക ലക്ഷ്യങ്ങൾക്കുള്ള ഏറ്റവും മികച്ച തിരഞ്ഞെടുപ്പായും എസ്ഐപി മാറുന്നു. ഒരു നിശ്ചിത കാലത്തേയ്ക്ക് കൃത്യമായ ഇടവേളകളിൽ നിശ്ചിത തുക നിക്ഷേപിക്കുന്ന എസ്ഐപി അച്ചടക്കത്തോടെയുള്ള നിക്ഷേപം ഉറപ്പുവരുത്തുകയും കോമ്പൗണ്ടിംഗിന്റെ കരുത്തിൽ മികച്ച റിട്ടേൺസ് വാഗ്ദാനം ചെയ്യുകയും ചെയ്യുന്നു. എസ്ഐപികൾ ഇന്ത്യൻ നിക്ഷേപകർക്കിടയിൽ ജനപ്രിയമാണ്, കാരണം അവ നിക്ഷേപച്ചെലവ് ശരാശരിയാക്കാനും പതിവ് നിക്ഷേപം പ്രോത്സാഹിപ്പിക്കാനും സഹായിക്കുന്നു. ഈ സമീപനം വിപണിയിലെ ഉയർച്ച താഴ്ചകളെ കുറിച്ചുള്ള ആശങ്കകൾ കുറയ്ക്കുന്നതുമാണ്.

സ്ത്രീകൾക്കുള്ള മികച്ച 5 ബിസിനസ് ലോണുകൾ, വിശദമായി അറിയാം

പ്രതിമാസം 1,000, 2,000, 3,000, 5,000 രൂപ നിക്ഷേപിച്ച് ഒരു കോടി രൂപയുടെ സമ്പാദ്യം സൃഷ്ടിക്കാൻ നിക്ഷേപകന് എത്ര വർഷം വേണ്ടി വരുമെന്നാണ് ഈ ലേഖനത്തിലൂടെ വിശകലനം ചെയ്യുന്നത്. ഇവിടെ വാർഷിക റിട്ടേൺസ് 12 ശതമാനമായാണ് കണക്കാക്കുന്നത്. നിലവിലെ വിപണി സാധ്യതകളെ അടിസ്ഥാനപ്പെടുത്തിയാണിത്. അതേസമയം ഓരോ വർഷവും നിക്ഷേപ തുകയിൽ 10 ശതമാനം വർധനവ് വരുത്തുന്ന സ്റ്റെപ്പ്-അപ്പ് രീതിയുമാണ് അവലംബിക്കുന്നത്.

പ്രതിമാസം 1,000 രൂപ നിക്ഷേപിക്കുകയും പ്രതിവർഷം ശരാശരി 12 ശതമാനം റിട്ടേൺ പ്രതീക്ഷിക്കുകയും 10 ശതമാനം വാർഷിക വാർഷിക വർധനവ് നിക്ഷേപ തുകയിൽ വരുത്തുകയും ചെയ്താൽ, 31 വർഷത്തിനുള്ളിൽ നിങ്ങൾക്ക് ഏകദേശം 1.02 കോടി രൂപ സമാഹരിക്കാനാകും. ഇതിൽ, നിങ്ങളുടെ മൊത്തം നിക്ഷേപം ഏകദേശം 21.83 ലക്ഷം രൂപയും ബാക്കിയുള്ള 79.95 ലക്ഷം രൂപ കോമ്പൗണ്ടിംഗ് പലിശയിനത്തിൽ നിങ്ങൾക്ക് ലഭിക്കുന്നതുമാണ്. 31 വർഷത്തിനു ശേഷമുള്ള മൊത്തം കോർപ്പസ് 1.02 കോടി രൂപയായിരിക്കും.

1.2 ലക്ഷം 50 ലക്ഷമായി വളരും, എവിടെ നിക്ഷേപിക്കാം? എസ്.ഐ.പിയാണോ പി.പി.എഫാണോ ബെസ്റ്റ്?

അതേ 10 ശതമാനം വാർഷിക സ്റ്റെപ്പ്-അപ്പിനൊപ്പം നിങ്ങളുടെ ആദ്യത്തെ പ്രതിമാസ എസ്ഐപി അടവ് 2,000 രൂപയായി ഉയർത്തുകയാണെങ്കിൽ, 12 ശതമാനം വാർഷിക റിട്ടേണിൽ നിങ്ങൾക്ക് 27 വർഷത്തിനുള്ളിൽ 1.15 കോടി രൂപയുടെ കോർപ്പസ് നേടാനാകും. മൊത്തം നിക്ഷേപം 29.06 ലക്ഷം രൂപയാകും, അതേസമയം റിട്ടേണുകൾ നിങ്ങളുടെ കോർപ്പസിലേക്ക് 85.69 ലക്ഷം രൂപ സംഭാവന ചെയ്യും.

3,000 രൂപയുടെ പ്രതിമാസ എസ്ഐപി, പ്രതിവർഷം 10 ശതമാനം വർധിപ്പിക്കുകയും 12 ശതമാനം വാർഷിക റിട്ടേൺസ് പ്രതീക്ഷിക്കുകയുമാണെങ്കിൽ 24 വർഷത്തിനുള്ളിൽ നിങ്ങൾക്ക് 1.10 കോടി രൂപ സമാഹരിക്കാനാകും. ഈ കാലയളവിൽ, നിങ്ങളുടെ മൊത്തം നിക്ഷേപം 31.86 ലക്ഷം രൂപയും പലിശ വരുമാനം 78.61 ലക്ഷം രൂപയും ആയിരിക്കും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.