ഇനി എഫ്ഡിയിൽ കാശിടണോ? ഒരു വർഷത്തെ സ്ഥിര നിക്ഷേപത്തിന് എസ്‌ബി‌ഐയിൽ വെറും 4.9% പലിശ

സ്ഥിര ബാങ്ക് നിക്ഷേപത്തിന്റെ പലിശനിരക്ക് സ്റ്റേറ്റ് ബാങ്ക് ഓഫ് ഇന്ത്യ കഴിഞ്ഞ മാസം ആദ്യം പരിഷ്കരിച്ചു. സെപ്റ്റംബർ 10 മുതൽ പ്രാബല്യത്തിൽ വന്ന നിരക്ക് അനുസരിത്ത് എസ്‌ബി‌ഐ മുതിർന്ന പൗരന്മാർക്ക് 5.40 ശതമാനവും മറ്റ് ഉപഭോക്താക്കൾക്ക് 4.90 ശതമാനവുമാണ് ഒരു വർഷം മുതൽ രണ്ട് വർഷത്തിൽ താഴെയുള്ള മെച്യൂരിറ്റി കാലയളവിൽ നൽകിയിരുന്ന പലിശ നിരക്ക്. എസ്‌ബി‌ഐ പോലുള്ള വാണിജ്യ ബാങ്കുകൾ‌ നിശ്ചിത കാലാവധികളിൽ വിവിധ ധനകാര്യ നിക്ഷേപങ്ങൾ‌ക്ക് ബാധകമായ പലിശനിരക്കുകൾ‌ പരിഷ്കരിക്കാറുണ്ട്.

വിവിധ കാലാവധികളിലെ എഫ്ഡി പലിശ നിരക്കുകൾ

• ഏഴു ദിവസം മുതൽ 45 ദിവസം വരെ - 2.9% 3.4%
• 46 ദിവസം മുതൽ 179 ദിവസം വരെ - 3.9% 4.4%
• 180 ദിവസം മുതൽ 210 ദിവസം വരെ - 4.4% 4.9%
• 211 ദിവസം മുതൽ ഒരു വർഷത്തിൽ താഴെ - 4.4% 4.9%
• ഒരു വർഷം മുതൽ രണ്ട് വർഷത്തിൽ താഴെ - 4.9% 5.4%
• രണ്ട് വർഷം മുതൽ മൂന്ന് വർഷത്തിൽ താഴെ - 5.1% 5.6%
• മൂന്ന് വർഷം മുതൽ അഞ്ച് വർഷത്തിൽ താഴെ - 5.3% 5.8%
• അഞ്ച് വർഷം മുതൽ 10 വർഷം വരെ - 5.4% 6.2%

മുതി‍ർന്ന പൗരന്മാ‍ർക്കുള്ള എഫ്ഡി പലിശ നിരക്കുകൾ

• ഏഴു ദിവസം മുതൽ 45 ദിവസം വരെ - 3.4%
• 46 ദിവസം മുതൽ 179 ദിവസം വരെ - 4.4%
• 180 ദിവസം മുതൽ 210 ദിവസം വരെ - 4.9%
• 211 ദിവസം മുതൽ ഒരു വർഷത്തിൽ താഴെ - 4.9%
• ഒരു വർഷം മുതൽ രണ്ട് വർഷത്തിൽ താഴെ - 5.4%
• രണ്ട് വർഷം മുതൽ മൂന്ന് വർഷത്തിൽ താഴെ - 5.6%
• മൂന്ന് വർഷം മുതൽ അഞ്ച് വർഷത്തിൽ താഴെ - 5.8%
• അഞ്ച് വർഷം മുതൽ 10 വർഷം വരെ - 6.2%

എഫ്ഡിയും റിപ്പോ നിരക്കും

പൊതുവെ റിസ്ക് എടുക്കാൻ താത്പര്യമില്ലാത്ത യാഥാസ്ഥിതിക നിക്ഷേപകർക്ക് തിരഞ്ഞെടുക്കാനുള്ള സാമ്പത്തിക ഉപകരണമാണ് എഫ്ഡി. കഴിഞ്ഞ മാസം, റിസർവ് ബാങ്ക് (ആർ‌ബി‌ഐ) റിപ്പോ നിരക്ക് - അല്ലെങ്കിൽ എസ്‌ബി‌ഐ പോലുള്ള വാണിജ്യ ബാങ്കുകൾക്ക് ഹ്രസ്വകാല ഫണ്ട് നൽകുന്ന പ്രധാന പലിശ നിരക്ക് 4 ശതമാനമാക്കി നിലനി‍ർത്തിയിരുന്നു.