Click it and Unblock the Notifications
കടലാസ് അഥവാ ഭൗതിക സര്ട്ടിഫിക്കറ്റുകളുടെ ഡിജിറ്റല് രൂപമാണ് ഡിജിറ്റല് സിഗ്നേച്ചര് സര്ട്ടിഫിക്കറ്റുകള് (ഡിഎസ്സി) എന്ന് പറയുന്നത്. അതുപോലെത്തന്നെ ഒരാളുടെ വ്യക്തിത്വം തെളിയിക്കുവാന് ഇലക്ട്രോണിക് രൂപത്തില് ഡിജിറ്റല്
കടലാസ് അഥവാ ഭൗതിക സര്ട്ടിഫിക്കറ്റുകളുടെ ഡിജിറ്റല് രൂപമാണ് ഡിജിറ്റല് സിഗ്നേച്ചര് സര്ട്ടിഫിക്കറ്റുകള് (ഡിഎസ്സി) എന്ന് പറയുന്നത്. അതുപോലെത്തന്നെ ഒരാളുടെ വ്യക്തിത്വം തെളിയിക്കുവാന് ഇലക്ട്രോണിക് രൂപത്തില് ഡിജിറ്റല് സര്ട്ടിഫിക്കറ്റ് സമര്പ്പിക്കാവുന്നതാണ്. കൂടാതെ വിവരങ്ങളോ സേവനങ്ങളോ ഇന്റര്നെറ്റിലൂടെ ലഭിക്കുന്നതിനും ഡിജിറ്റല് രീതിയില് ചില രേഖകളില് ഒപ്പു വയ്ക്കുവാനും ഡിജിറ്റല് സര്ട്ടിഫിക്കറ്റിലൂടെ സാധിക്കും.
ഫിസിക്കല് സര്ട്ടിഫിക്കറ്റുകളായ ഡ്രൈവിംഗ് ലൈസന്സ്, പാസ്പോര്ട്ട്, മെമ്പര്ഷിപ്പ് കാര്ഡുകള് തുടങ്ങിയവ പ്രത്യേക ആവശ്യങ്ങള്ക്കായി വ്യക്തിയുടെ തിരിച്ചറിയല് രേഖയായി ഉപയോഗിക്കാറുണ്ട്. അതേ രീതിയില് ഇന്റര്നെറ്റിലൂടെ എന്തെങ്കിലും സേവനമോ വിവരങ്ങളോ ലഭിക്കുവാനോ, ഏതെങ്കിലും രേഖ ഡിജിറ്റല് രീതിയില് ഒപ്പു വയ്ക്കുവാനോ ഡിജിറ്റല് സര്ട്ടിഫിക്കറ്റ് ഇലക്ട്രോണിക് രീതിയില് സമര്പ്പിച്ച് തിരിച്ചറിയല് രേഖയായി ഉപയോഗിക്കാവുന്നതാണ്.
ഫിസിക്കല് ഡോക്യുമെന്റുകള് നേരിട്ട് ഒപ്പു വയ്ക്കുമ്പോള് ഇ ഫോംമ്സ് പോലുള്ള ഇലക്ട്രോണിക് ഡോക്യുമെന്റുകള് ഡിജിറ്റല് സിഗ്നേച്ചര് സര്ട്ടിഫിക്കറ്റ് ഉപയോഗിച്ച് ഡിജിറ്റല് രീതിയില് ഒപ്പു വയ്ക്കുകയാണ് ചെയ്യുക. ്വിടെയും നമുക്ക് ഡിജിറ്റല് സിഗ്നേച്ചര് സര്ട്ടിഫിക്കറ്റ് ആവശ്യമായി വരുന്നു.
എന്താണ് ഈ ഡിജിറ്റല് സിഗ്നേച്ചര് സര്ട്ടിഫിക്കറ്റ് എന്നാവും ഇപ്പോള് നിങ്ങള് ചിന്തിക്കുന്നത്. സെര്ട്ടിഫിക്കറ്റ് അതോറിറ്റി (സി.എ) ഇഷ്യൂ ചെയ്യുന്ന ഇലക്ട്രോണിക് രൂപത്തിലുള്ള ഒരു ഡോക്യുമെന്റ് ആണ് ഡിജിറ്റല് സര്ട്ടിഫിക്കറ്റ്. ഡിജിറ്റല് സിഗ്നേച്ചറിന് വേണ്ടിയുള്ള പബ്ലിക് കീയാണ് ഇതില് അടങ്ങിയിരിക്കുന്നത്. ഒപ്പം കീയോട് ചേര്ന്നുള്ള വിവരങ്ങളും വ്യക്തമാക്കിയിട്ടുണ്ടാകും. ഉദാഹരണത്തിന് സ്ഥാപനത്തിന്റെ പേര് പോലെ. ഒരു പ്രത്യേക സ്ഥാപനത്തിന്റെ പേരിലാണ് പബ്ലിക് കീ ഉള്ളതെന്ന് വ്യക്തമാക്കുവാനാണ് സര്ട്ടിഫിക്കറ്റ് ഉപയോഗിക്കുന്നത്.
വെബ്സൈറ്റില് ലോഗ് ഇന് ചെയ്ത് നിങ്ങളുടെ സ്ഥാപനം ഏതെന്ന് തെരഞ്ഞെടുത്ത് ആവശ്യമായ വിവരങ്ങളും തിരിച്ചറിയല് രേഖയും വിലാസ തെളിയിക്കുന്ന രേഖയുമുള്പ്പെടെ ആവശ്യമായ രേഖകളും നല്കിക്കൊണ്ട് ഡിജിറ്റല് സിഗ്നേച്ചര് സര്ട്ടിഫിക്കറ്റ് നേടാം.
ഇലക്ട്രോണിക് രൂപത്തില് നിങ്ങളുടെ വ്യക്തിത്വം ഉറപ്പാക്കുകയാണ് ഡിജിറ്റല് സിഗ്നേച്ചര് സര്ട്ടിഫിക്കറ്റ് ചെയ്യുന്നത്. അതിനാല് അത് നിങ്ങളുടെ ഓണ്ലൈന് ഇടപാടുകള്ക്ക് സുരക്ഷിതത്വം നല്കുന്നു. കൈമാറുന്ന വിവരങ്ങളുടെ പൂര്ണമായ സ്വകാര്യതയും ഇവിടെ ഉറപ്പാക്കപ്പെടുന്നു.
Sign in with Google