Just In
-
-
-
-
Don't Miss
-
ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ... -
'ആ തീരുമാനം മാറ്റിയത് ആടുജീവിതം; വര്ഷങ്ങള്ക്ക് ശേഷത്തില് ഒരു മോഹന്ലാല് റഫറന്സുണ്ട്' -
എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത് -
IPL 2024: മുംബൈക്ക് പുതിയ തലവേദന, ഹാര്ദിക്കിനെതിരേ ബുംറ! ഒപ്പം നബിയും; പ്രശ്നം രൂക്ഷം -
ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള് -
കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ് -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
കഴിഞ്ഞ ദിവസമാണ് സ്റ്റേറ്റ് ബാങ്ക് ഓഫ് ഇന്ത്യ ഭവന വായ്പയുടെ പലിശ നിരക്ക് ഉയര്‍ത്തിയത്. നേരത്തെ 6.70 ശതമാനത്തില്‍ നിന്നും 6.95 ശതമാനമാക്കിയാണ് ബാങ്ക് പലിശ നിരക്ക് ഉയര്‍ത്തിയിരിക്കുന്നത്.
പുതിയ ഭവന വായ്പാ നിരക്കായ 6.95 ശതമാനം 2021 ഏപ്രില്‍ 1 മുതല്‍ നിലവില്‍ വരുമെന്ന് രാജ്യത്തെ ഏറ്റവും വലിയ വാണിജ്യ ബാങ്കായ എസ്ബിഐയുടെ ഔദ്യോഗിക വെബ്‌സൈറ്റില്‍ വ്യക്തമാക്കിയിട്ടുണ്ട്. കൂടാതെ 2021 ഏപ്രില്‍ 1 മുതല്‍ ഭവന വായ്പ അനുവദിക്കുമ്പോള്‍ 0.40 ശതമാനവും നികുതിയും പ്രൊസസിംഗ് ചാര്‍ജായി ഈടാക്കുമെന്നും ബാങ്ക് അറിയിച്ചു.
പുതിയ പലിശ നിരക്ക് നടപ്പിലാകുമ്പോള്‍ ഇനി മുതല്‍ എത്ര രൂപ പ്രതിമാസ ഇഎംഐയില്‍ അധികമായി ആവശ്യം വരും എന്ന് ആലോചിക്കാത്തവരുണ്ടാകില്ല. ഒരാള്‍ 15 വര്‍ഷ സമയപരിധിയില്‍ 50 ലക്ഷം രൂപ ഭവന വായ്പയായി എടുത്തു എന്ന് കരുതുക. കഴിഞ്ഞ മാസം വരെ അതിന്മേലുള്ള പലിശ നിരക്ക് 6.70 ശതമാനമായിരുന്നു. അപ്പോള്‍ അടയ്ക്കുന്ന ഇഎംഐ തുക 44,107 രൂപയാണ്. വായ്പാ കാലയളവ് അവസാനിക്കുമ്പോഴേക്കും വായ്പ എടുത്ത വ്യക്തി പലിശ ഇനത്തില്‍ അടയ്‌ക്കേണ്ടത് 29,39,257 രൂപയാണ്. മുതലും പലിശയും ഇനത്തില്‍ ആകെ അടയ്‌ക്കേണ്ടുന്ന തുക 79,39,257 രൂപയുമാകും.
ഇപ്പോള്‍ ഭവനവായ്പയുടെ പലിശ നിരക്ക് പ്രതിവര്‍ഷം 6.95 ശതമാനമായി ഉയര്‍ന്നിരിക്കുകയാണ്. 15 വര്‍ഷത്തേക്കുള്ള 50 ലക്ഷം രൂപയുടെ ഭവന വായപയ്ക്ക് ഇപ്പോള്‍ പ്രതിമാസ ഇഎംഐയായി 44,802 രൂപ അടയ്‌ക്കേണം. ആകെ പലിശയായി 30,64,317 രൂപയും മുതലും പലിശയും ചേര്‍ത്ത് കാലാവധി തീരുമ്പോഴേക്കും 80,64,317 രൂപയും അടയ്‌ക്കേണ്ടി വരും.
ഇതിന് പുറമേ വായ്പ വാങ്ങിയ വ്യക്തി 50 ലക്ഷത്തിന്റെ 0.40 ശതമാനമായ 20,000 രൂപ പ്രൊസസിംഗ് ചാര്‍ജായും വായപ അനുവദിച്ചു കിട്ടുമ്പോള്‍ അടയ്‌ക്കേണ്ടതുണ്ട്.
