പേയ്മെന്റ്സ് ബാങ്കുകളിലെ പരമാവധി ബാലന്സ് തുക 1 ലക്ഷത്തില് നിന്നും 2 ലക്ഷമായി ഉയര്ത്തി റിസര്വ് ബാങ്ക് ഓഫ് ഇന്ത്യ (ആര്ബിഐ) കഴിഞ്ഞ ദിവസം ഉത്തരവ് പുറത്തിറക്കിയിരുന്നു.
പേടിഎം പെയ്മെന്റസ് ബാങ്ക്, ഇന്ത്യ പോസ്റ്റ് പെയ്മെന്റ്സ് ബാങ്ക്, എയര്ടെല് പെയ്മെന്റ്സ് ബാങ്ക്, ഫിനോ പെയ്മെന്റ്സ് ബാങ്ക്, ജിയോ പെയ്മെന്റ്സ് ബാങ്ക്, എന്എസ്ഡിഎല് (നാഷണല് സെക്യൂരിറ്റീസ് ഡെപ്പോസിറ്ററി ലി.) പെയ്മെന്റ്സ് ബാങ്ക് എന്നിവയാണ് രാജ്യത്ത് പ്രവര്ത്തിക്കുന്ന പെയ്മെന്റ്സ് ബാങ്കുകള്.
പെയ്മെന്റ്സ് ബാങ്കുകള്ക്ക് വായ്പ അനുവദിക്കുവാന് അനുമതിയില്ല.
പെയ്മെന്റ്സ് ബാങ്കുകളുടെ വരുമാനമാര്ഗം ഗവണ്മെന്റ് സെക്യൂരിറ്റികളിലെയും ചെറുകിട വാണിജ്യ ബാങ്കുകളിലെയും നിക്ഷേപങ്ങള് വഴിയും എംഡിആര് അഥവാ മെര്ച്ചന്റ് ഡിസ്കൗണ്ട് റേറ്റ് വഴിയോ ആണ്.
പിപിഎഫോ എന്പിഎസോ ഏത് നിക്ഷേപമാണ് കൂടുതല് ലാഭകരം? അറിയാമോ?
വാലറ്റുകള്, ഡെബിറ്റ്-ക്രെഡിറ്റ് കാര്ഡുകള്, യുപിഐ തുടങ്ങിയവ വഴിയുള്ള ഉപയോക്താക്കളുടെ പണമിടപാടുകള്ക്ക് വ്യാപാരികളില് നിന്നും ഈടാക്കുന്ന ചാര്ജാണ് എംഡിആര്.
വിപണിയിലെ കടുത്ത മത്സരം കാരണം നാല് പെയ്മെന്റ്സ് ബാങ്കുകളാണ് കഴിഞ്ഞ വര്ഷങ്ങളില് രാജ്യത്തെ വിപണിയില് നിന്ന് പിന്വാങ്ങിയത്. സണ് ഫാര്മ, ചോളമണ്ഡലം, ടെക് മഹീന്ദ്ര, ആദിത്യ ബിര്ല പെയ്മെന്റ്സ് ബാങ്കുകള് എന്നിവയാണവ.
ടോപ് അപ്പ് ആരോഗ്യ ഇന്ഷുറന്സിലൂടെ കുറഞ്ഞ പ്രീമിയത്തില് ഉയര്ന്ന കവറേജ് നേടുന്നതെങ്ങനെയെന്നറിയാമോ?
ആദ്യ ഘട്ടത്തില് ഉപയോക്താക്കളുടെ നിക്ഷേപങ്ങള്ക്ക് പെയ്മെന്റ്സ് ബാങ്കുകള് ഉയര്ന്ന പലിശ നിരക്ക് നല്കി വന്നിരുന്നു. എന്നാല് ഇപ്പോള് പലിശ നിരക്ക് കുത്തനെ കുറച്ചിരിക്കുകയാണ്. നിലവില് 2.5 ശതമാനം വരെയാണ് പ്രതിവര്ഷം നിക്ഷേപങ്ങള്ക്ക് നല്കി വരുന്ന പലിശ നിരക്ക്.
നിക്ഷേപങ്ങളുടെ കാര്യത്തില് പെയ്മെന്റ്സ് ബാങ്കുകള് ഏറെ സുരക്ഷിതത്വമുള്ളവയാണ്.
എസ്ബിഐ,എച്ച്ഡിഎഫ്സി, ഐസിഐസിഐ, ആക്സിസ് ബാങ്കുകളിലെ സ്ഥിര നിക്ഷേപങ്ങളുടെ പലിശ നിരക്ക് അറിയാമോ?
ആദായ നികുതി റിട്ടേണ് ഫയല് ചെയ്യുമ്പോള് സ്ഥിര നിക്ഷേപത്തിന്റെ പലിശ നിരക്ക് എങ്ങനെ കാണിക്കാം?
ഈ വര്ഷം ആരോഗ്യ ഇന്ഷുറന്സ് പോളിസി എടുക്കുമ്പോള് ശ്രദ്ധിക്കേണ്ട 6 കാര്യങ്ങള് അറിയാമോ?