കാത്തിരുന്നാൽ കീശ കീറും, കുതിപ്പിന് തയ്യാറെടുത്ത് സ്വർണവില, കാരണം ഇതാണ്, ഇന്നത്തെ നിരക്കറിയാം

ആർക്കും പിടിതരാതെ ഏറിയും കുറഞ്ഞും സ്വർണവില മുന്നോട്ട് പോവുകയാണ്. 53,600 രൂപയ്ക്ക് മുകളിലേക്ക് പോയ പവന്‍റെ വില രണ്ട് ദിവസമായി താഴേക്കിറങ്ങിയിട്ടുണ്ട്. വരും ദിവസങ്ങളിലും സ്വർണവില കുറയണം എന്ന പ്രാർത്ഥനയിലാണ് ആഭരണപ്രേമികൾ.

ഇന്നത്തെ വില

പവന് 53,280 രൂപ എന്ന നിരക്കിലായിരുന്നു സംസ്ഥാനത്ത് ഇന്നലെ സ്വർണവ്യാപാരം നടന്നത്. എന്നാൽ ഇന്ന് 280 രൂപ സ്വർണത്തിന് വർധിച്ചിട്ടുണ്ട്. അതോടെ പവന്‍റെ വില 53,560 രൂപയിലേക്കും ഗ്രാമിന്‍റെ വില 6695 രൂപയിലേക്കും ഉയർന്നു.

ഓഗസ്റ്റ് മാസത്തെ വില

പവന് 51,600 രൂപ എന്ന നിരക്കിലാണ് ഓഗസ്റ്റ് മാസം ആരംഭിച്ചത്. അഞ്ചാം തീയ്യതി ആകുമ്പോഴേക്കും പവന്‍റെ 51,760 രൂപയിലേക്കെത്തി. 7, 8 തീയതികളില്‍മാസത്തെ ഏറ്റവും താഴ്ന്ന നിലവാരമായ 50,800 രൂപ രേഖപ്പെടുത്തിയിരുന്നു. എന്നാൽ പിന്നീടുളള ദിവസങ്ങളിൽ സ്വർണവില ഏറിയും കുറഞ്ഞും മുന്നോട്ട് പോയി. 13-ആം തീയ്യതി പവന്‍റെ വില 52,000 രൂപയും 17-ആം തീയ്യതി 53,000 രൂപയും കടന്നു. 21-ആം തീയ്യതി രേഖപ്പെടുത്തിയ 53,680 രൂപയാണ് ഓഗസ്റ്റ് മാസം സ്വർണത്തിന് രേഖപ്പെടുത്തിയ ഏറ്റവും ഉയർന്ന വില.

പവൻ വാങ്ങാൻ

സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാൾമാർക്കിംങ് നിരക്കുകൾ തുടങ്ങിയ കൂടി നൽകണം. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടുമ്പോൾ ഒരു പവൻ സ്വർണാഭരണം വാങ്ങാൻ ഏകദേശം 58,000 രൂപ നൽകേണ്ടി വരും.

ആഗോള സ്വർണ്ണവില

അന്താരാഷ്ട്ര തലത്തിൽ, മികച്ച നേട്ടത്തിലാണ് വാരാന്ത്യത്തിൽ സ്വർണ്ണ വ്യാപാരം ക്ലോസ് ചെയ്തിരിക്കുന്നത്. ട്രോയ് ഔൺസിന് 24.80 ഡോളർ (1.00%) ഉയർന്ന് 2,512.18 ഡോളർ എന്നതാണ് നിലവാരം.

വരും ദിവസങ്ങളിൽ വില വർധിച്ചേക്കും

യു.എസ് ഫെഡ് മേധാവി ജെറോം പവൽ പലിശ നിരക്കുകൾ കുറയ്ക്കുന്ന നടപടി ഉടനുണ്ടാകുമെന്ന സൂചനയാണ് ഇന്നലെ നൽകിയിരിക്കുന്നത്. ഇങ്ങനെ സംഭവിച്ചാൽ സ്വർണ്ണത്തിന്റെ ഡിമാൻഡ് വർധിക്കാനും, വില ഉയരാനും കാരണമാകുമെന്നാണ് വിലയിരുത്തപ്പെടുന്നത്.

അഡ്വാന്‍സ് ബുക്കിംഗ് നല്ലതാണ്

സ്വർണവില വർധിക്കുന്ന സാഹചര്യത്തിൽ വലിയ അളവിൽ സ്വർണാഭരണം വാങ്ങാൻ ഉദ്ദേശിക്കുന്നവർ അഡ്വാന്‍സ് ബുക്കിംഗ് നടത്തുന്നതാണ് നല്ലത്. കാരണം പവന്‍റെ വിലയിൽ വർധനവുണ്ടായാൽ അതുവഴി ഉണ്ടാകുന്ന സാമ്പത്തിക നഷ്ടം കുറയ്ക്കാൻ അഡ്വാന്‍സ് ബുക്കിംഗ് സഹായിക്കും.

സ്വർണം വാങ്ങുമ്പോൾ എന്തൊക്കെ ശ്രദ്ധിക്കണം..?

1. വാങ്ങുന്ന സ്വര്‍ണ്ണത്തിന്‍റെ പരിശുദ്ധി പരിശോധിച്ച് ഉറപ്പുവരുത്താന്‍മറക്കരുത്.
2. അംഗീകൃതവും വിശ്വസനീയവുമായ ജ്വല്ലറികളില്‍നിന്നാണ് സ്വര്‍ണം വാങ്ങുന്നതെന്ന് ഉറപ്പാക്കുക.
3. വ്യത്യസ്ത ജ്വല്ലറികള്‍ക്ക് വ്യത്യസ്ത മേക്കിംഗ് ചാര്‍ജുകള്‍ഉണ്ടായിരിക്കാം. അതിനാല്‍നഷ്ടം സംഭവിക്കുന്നില്ലെന്ന് ഉറപ്പാക്കാന്‍ഒന്നിലധികം ഉറവിടങ്ങളില്‍നിന്നുള്ള വിലകള്‍താരതമ്യം ചെയ്യുന്നത് നല്ലതാണ്.

വില വർധനവിന്‍റെ ചരിത്രം

സംസ്ഥാനത്തിന്‍റെ ചരിത്രത്തിലെ ഏറ്റവും ഉയർന്ന വില രേഖപ്പെടുത്തിയ മാസം 2024 മെയ് ആണ്. മെയ് 20-ആം തീയ്യതി ഒരു പവൻ സ്വർണ്ണത്തിന് 55,120 രൂപയും ഗ്രാമിന് 6,890 രൂപയുമായിരുന്നു വില.

കഴിഞ്ഞ നാല് വർഷം കൊണ്ട് 30,000 രൂപയ്ക്കടുത്താണ് സ്വർണവില വർധിച്ചത്. പവന്‍റെ വില 25,000 കടക്കുന്നത് 2019 ലാണ്. 2020 ൽ വില 30,000 രൂപയ്ക്ക് മുകളിലെത്തി. രണ്ട് വർഷത്തിന് ശേഷം പവന്‍റെ വില 40,000 രൂപ കടന്നു. 2023-ൽ 45,000 രൂപയും 2024 മാർച്ച് 29-ന് പവന്‍റെ വില അരലക്ഷം രൂപയും കടന്നു.