480 രൂപ കുറഞ്ഞു, റെക്കോർഡ് വിലയിൽ നിന്നും താഴേക്കിറങ്ങി സ്വർണം, അഡ്വാൻസ് ബുക്കിം​ഗാണ് നല്ലത്

മലയാളികളെ സംബന്ധിച്ചിടത്തോളം ആഡംബരത്തിന്‍റെ അവസാന വാക്കാണ് സ്വർണമെന്നത്. എല്ലാ ആഘോഷ വേളകളിലും സ്വർണമണിഞ്ഞ് സുന്ദരികളായി നിൽക്കുന്ന സ്ത്രീകളെ കാണാനും സാധിക്കും. കഴിഞ്ഞ കുറേ നാളുകളായി സ്വർണവില റോക്കറ്റ് പോലെ കുതിക്കുകയാണ്. പവന്‍റെ വില അരലക്ഷവും കടന്ന് മുന്നോട്ട് പോയി. മെയ് 20-ആം തീയ്യതി സംസ്ഥാനത്ത് സ്വർണത്തിന് ഏറ്റവും ഉയർന്ന വില രേഖപ്പെടുത്തുകയും ചെയ്തു. പക്ഷെ ഈ വില വർധനവ് സ്വർണാഭരണ വ്യാപാരത്തെ ബാധിച്ചിട്ടില്ലെന്നാണ് ജ്വല്ലറി ഉടമകൾ പറയുന്നത്.

ഇന്നത്തെ സ്വർണവില

പവന് 55,120 രൂപ എന്ന ചരിത്രത്തിലെ ഏറ്റവും ഉയർന്ന നിരക്കിലായിരുന്നു ഇന്നലെ സംസ്ഥാനത്ത് സ്വർണവ്യാപാരം നടന്നത്. എന്നാൽ ഇന്ന് സ്വർണത്തിന് വില കുറഞ്ഞു. 480 രൂപയാണ് ഒരു പവൻ സ്വർണത്തിന് കുറഞ്ഞത്. അതോടെ വില 54,640 രൂപയിലെത്തി. ഗ്രാമിന് 6830 രൂപ.

ഒരു പവൻ വാങ്ങാൻ എത്ര നൽകണം..?

സ്വർണാഭരണം വാങ്ങുമ്പോൾ പവന്‍റെ വിലയോടൊപ്പം പണിക്കൂലി, നികുതി, ഹാള്‍മാര്‍ക്കിങ് നിരക്കുകള്‍എന്നിവയെല്ലാം ചേര്‍ത്ത് വലിയൊരു തുക നൽകേണ്ടി വരും. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും. അങ്ങനെ കണക്ക് കൂട്ടിയാൽ 1 പവൻ സ്വർണാഭരണം വാങ്ങുമ്പോൾ ഏകദേശം 59,000 രൂപ നൽകേണ്ടി വരും.

കുതിപ്പ് മുന്നോട്ട് മാത്രം

2024 മാർച്ച് 29-നാണ് പവന്‍റെ വില ആദ്യമായി 50,000 കടക്കുന്നത്. 50,400 രൂപയായിരുന്നു അന്നത്തെ വില. പിന്നീട് ഒരിക്കൽ പോലും വില അരലക്ഷത്തിൽ കുറഞ്ഞിട്ടില്ല. മുൻവർഷങ്ങളിൽ സ്വർണവില വർധിച്ചിരുന്നെങ്കിലും പിന്നീട് കുറഞ്ഞിരുന്നു. 2024-ൽ മാത്രം ഏകദേശം 8000 രൂപയോളമാണ് പവന്‍റെ വിലയിലുണ്ടായ വർധനവ്.

ആഗോള സ്വർണവില

ആഗോള വിപണിയിൽ സ്വർണം ഔൺസിന് 12.09 ഡോളർ (0.50%) വില കുറഞ്ഞ് 2,414.3 ഡോളറിലാണ് വ്യാപാരം പുരോഗമിക്കുന്നത്. അതേസമയം 30 ദിവസത്തിനിടെ ആഗോള വിലയിൽ 92.81 ഡോളർ (3.98%) വിലവർധന രേഖപ്പെടുത്തി. ആറു മാസത്തെ സ്വർണത്തിന്റെ കുതിപ്പ് 435.84 ഡോളർ (21.90%) ആണ്.

അഡ്വാൻസ് ബുക്കിം​ഗ്

സ്വർണം വാങ്ങുന്നവർ അഡ്വാൻസ് ബുക്കിം​ഗ് ഉപയോ​ഗപ്പെടുത്തുന്നത് നല്ലതാണ്. ഇന്നത്തെ കുറഞ്ഞ വിലയിൽ സ്വർണം ബുക്ക് ചെയ്യാനും ആവശ്യ വില ഉയർന്നാൽ കുറഞ്ഞ വിലയിൽ വാങ്ങാനും അഡ്വാൻസ് ബുക്കിം​ഗ് ഉപകരിക്കും.

സ്വർണം വാങ്ങുമ്പോൾ എന്തൊക്കെ ശ്രദ്ധിക്കണം..?

1. വാങ്ങുന്ന സ്വര്‍ണ്ണത്തിന്‍റെ പരിശുദ്ധി പരിശോധിച്ച് ഉറപ്പുവരുത്താന്‍മറക്കരുത്.

2. അംഗീകൃതവും വിശ്വസനീയവുമായ ജ്വല്ലറികളില്‍നിന്നാണ് സ്വര്‍ണം വാങ്ങുന്നതെന്ന് ഉറപ്പാക്കുക.

3. വ്യത്യസ്ത ജ്വല്ലറികള്‍ക്ക് വ്യത്യസ്ത മേക്കിംഗ് ചാര്‍ജുകള്‍ഉണ്ടായിരിക്കാം. അതിനാല്‍നഷ്ടം സംഭവിക്കുന്നില്ലെന്ന് ഉറപ്പാക്കാന്‍ഒന്നിലധികം ഉറവിടങ്ങളില്‍നിന്നുള്ള വിലകള്‍താരതമ്യം ചെയ്യുന്നത് നല്ലതാണ്.

സ്വർണത്തിലെ നിക്ഷേപം

ഏതു വിലയായാലും സ്വർണം നിക്ഷേപമെന്ന നിലയിൽ സൂക്ഷിക്കാൻ ആഗ്രഹിക്കുന്നവരാണ് കേരളത്തിനകത്തും പുറത്തുമുള്ളവർ. സ്വർണത്തിലെ നിക്ഷേപം സ്വർണാഭരണങ്ങളായും നാണയങ്ങൾ, ബിസ്‌ക്കറ്റുകൾ, ബാറുകൾ എന്നിവയുടെ രൂപത്തിലും ആകാം. ഗോൾഡ് മ്യൂച്വൽ ഫണ്ടുകൾ വഴിയോ ഗോൾഡ് എക്സ്ചേഞ്ച്-ട്രേഡഡ് ഫണ്ടുകൾ വഴിയോ ഇത് ചെയ്യാവുന്നതാണ്.

സാധാരണ സ്റ്റോക്ക് പോലെ തന്നെ സ്റ്റോക്ക് എക്സ്ചേഞ്ചുകളിൽ ലിസ്റ്റുചെയ്യുകയും ട്രേഡ് ചെയ്യുകയും ചെയ്യുന്നവയാണ് സ്വർണ ഇടിഎഫുകൾ ( ഗോൾഡ് എക്സ്ചേഞ്ച് ട്രേഡഡ് ഫണ്ട്). നിങ്ങളുടെ സാധാരണ ട്രേഡിംഗ് അക്കൗണ്ട് വഴി നിങ്ങൾക്ക് സ്വർണ ഇടിഎഫുകൾ വാങ്ങാനും വിൽക്കാനും നിങ്ങളുടെ ഡിമാറ്റ് അക്കൗണ്ടിൽ സ്വർണ ഇടിഎഫുകൾ സൂക്ഷിക്കാനും കഴിയും.