ഇക്കാലത്ത് ആർക്കു വേണം 50 പൈസ? ആവശ്യക്കാരുണ്ട്, ഒപ്പം ലക്ഷങ്ങളുടെ നേട്ടവും

50 പൈസാ നാണയം

2011 ല്‍ ഇറങ്ങിയ നാണയങ്ങള്‍ക്കാണ് ഈ നേട്ടം ലഭിക്കുന്നത്. ഈ വര്‍ഷമാണ് 25-50 പൈസാ നാണയങ്ങള്‍ പിന്‍വലിക്കാന്‍ കേന്ദ്രസര്‍ക്കാര്‍ തീരുമാനിച്ചത്. ഇതിനാല്‍ തന്നെ 2011 ല്‍ പുറത്തിറങ്ങിയ ഈ നാണയം അപൂര്‍വമാണ്. ഈ നാണയം നിങ്ങളുടെ കയ്യിലുണ്ടെങ്കില്‍ ഒഎല്‍എക്‌സ് വഴി വില്പന നടത്തി പണം നേടാന്‍ സാധിക്കും. ഒഎല്‍ക്‌സിനൊപ്പം ഇന്ത്യമാര്‍ട്ട്, കോയിന്‍ ബസാര്‍, ഇബേ എന്നീ ക്ലാസിഫൈഡ് വെബ്‌സൈറ്റുകളും ഇത്തരം നാണയങ്ങളുടെ വില്പന നടത്തുന്നുണ്ട്. 

മറ്റ് നാണയങ്ങളും കറൻസിയും

മാതാ വൈഷ്‌ണോ ദേവിയുടെ ചിത്രം ആലേഖനം ചെയ്ത അഞ്ച് രൂപ നാണയത്തിനും അഞ്ച ലക്ഷത്തോളം രൂപ നൽകി വാങ്ങാൻ ആളുണ്ട്.
ഹൈന്ദവ വിശ്വാസികൾ മാതാ വൈഷ്‌ണോ ദേവിയെ ആരാധിക്കുന്നുണ്ട്. ജമ്മു കാശ്മീരിലെ കതൃയില്‍ മാതാ വൈഷ്‌ണോ ദേവിയുടെ പ്രസിദ്ധമായ ക്ഷേത്രവുമുണ്ട്.

മാതാ വൈഷ്‌ണോ ദേവിയുടെ ചിത്രം ആലേഖനം ചെയ്ത നാണയത്തെ ഭാഗ്യവും ശുഭകരവുമായാണ് വിശ്വാസികളില്‍ പലരും കാണുന്നുണ്ട്. ദേവിയുടെ ചിത്രം ആലേഖനം ചെയ്ത നാണയം കയ്യിലുള്ളത് സമ്പത്ത് കൊണ്ടുവരുമെന്നും വിശ്വസിക്കുന്നവരുണ്ട്. ഇതിന്റെ അടിസ്ഥാനത്തിലാണ് നാണയത്തിന് 10 ലക്ഷം രൂപ വരെ നല്‍കാന്‍ പലരും തയ്യാറാകുന്നത്.

ചില പ്രത്യേകതകളുള്ള പത്ത് രൂപ നോട്ടിന് 30,000 രൂപ ലഭിക്കും. പത്ത് രൂപ നോട്ടിന്റെ ഒരു വശത്ത് അശോക സ്തംഭം പ്രിന്റ് ചെയ്തിട്ടുണ്ടാകണം. കറൻസിയുടെ മറ്റൊരു വശത്ത് ബോട്ടിന്റെ ചിത്രം ആലേഖനം ചെയ്തിട്ടുണ്ടായിരിക്കണം. 1943 ല്‍ ബ്രിട്ടീഷ് ഭരണകാലത്ത് അച്ചടിച്ചിറക്കിവയാണ് ഈ കറൻസിയിൽ അന്നത്തെ റിസര്‍വ് ബാങ്ക് ഗവര്‍ണറായ സി.ഡി. ദേശ്മുഖിന്റെ ഒപ്പും ആവശ്യമാണ്. കറൻസിക്ക് മുകളിൽ ഇംഗ്ലീഷിൽ പത്ത് രൂപ എന്നും രേഖപ്പെടുത്തിയിട്ടുണ്ടാകും. ഇത്തരം സവിശേഷതകളുണ്ടെങ്കിലാണ് നോട്ടിന് 30,000 രൂപ ലഭിക്കും. 

എവിടെ വില്ക്കാം

നേരത്തെ പറഞ്ഞ ക്ലാസിഫൈഡ് വെബ്സൈറ്റുകളിലാണ് വില്പന നടക്കുന്നത്. ഇതിനായി ആദ്യം വെബ്സൈറ്റിൽ അക്കൗണ്ട് ആരംഭിക്കണം. വില്പനക്കാരനായി വേണം രജിസ്റ്റർ ചെയ്യൻ. കറൻസിയുടെയും നാണയങ്ങളുടെയും ഇരു വശങ്ങളുടെയും ചിത്രം വെബ്‌സൈറ്റില്‍ അപ്‌ലോഡ് ചെയ്യണം. കറൻസിയുടെ പ്രത്യേകതകൾ മനസിലാകുന്ന തരത്തിലാകണം ചിത്രങ്ങളെടുക്കേണ്ടത്. ഇതിന് ശേഷം രജിസ്റ്റർ ചെയ്തയാളുടെ ഫോണ്‍, ഇമെയില്‍ വിവരങ്ങള്‍ വെബ്സൈറ്റിൽ നല്‍കുക. നൽകിയ വിവരങ്ങൾ വെബ്സൈറ്റ് അധികൃതർ പരിശോധിച്ച ശേഷം വില്പനയ്ക്കായി ഉൾപ്പെടുത്തും. ഇതിൽ താൽപര്യമുള്ള വില്പനക്കാർ നേരിട്ട് ബന്ധപ്പെടുകയാണ് ചെയ്യുക.

അറിയിപ്പ്

പഴയ നാണയങ്ങളും കറൻസികളും വിൽക്കാൻ എന്ന പേരിൽ നിരവധി തട്ടിപ്പും ഈ മേഖലയിൽ നടക്കുന്നുണ്ട്. വില്പനയ്ക്ക് വെയ്ക്കുന്നവർ പലപ്പോഴും തട്ടിപ്പിനിരയാവുന്നുമുണ്ട്. അതുകൊണ്ട് ജാഗ്രതയോടെ വേണം തീരുമാനങ്ങളെടുക്കാന്‍. പ്രസ്തുത ലേഖനം വിവരങ്ങള്‍ക്ക് മാത്രമുള്ളതാണ്. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.

ചിത്രം കടപ്പാട്- സീ ന്യൂസ്