15.5 ലക്ഷം വാർഷിക വരുമാനത്തിന് പൂജ്യം നികുതി എങ്ങനെ അടയ്ക്കാം? കണക്കുകൾ ഇതാ...

2025-26 വർഷത്തെ കേന്ദ്ര ബജറ്റിൽ പുതിയ നികുതി വ്യവസ്ഥയെ കുറിച്ച് വലിയ പ്രഖ്യാപനങ്ങളായിരുന്ന നടത്തിയത്. 12 ലക്ഷം രൂപ വാർഷിക വരുമാനമുള്ള ആർക്കും നികുതി അടക്കേണ്ടതില്ലെന്നായിരുന്നു ആ വലിയ പ്രഖ്യാപനം. പുതുക്കിയ പുതിയ നികുതി വ്യവസ്ഥ പ്രകാരം 60,000 രൂപയുടെ റിബേറ്റ് വർദ്ധിപ്പിച്ചതിനാലാണ് ഈ ആനുകൂല്യം ലഭിക്കുന്നത്. മാത്രമല്ല 75,000 രൂപയുടെ സ്റ്റാൻഡേർഡ് ഡിഡക്ഷൻ 12.75 ലക്ഷം രൂപ വരെ വരുമാനമുള്ളവർക്ക് നികുതി ഭാരം ഇല്ലാതാക്കും. എന്നാൽ പ്രതിവർഷം 12,75,000 രൂപയിൽ കൂടുതൽ വരുമാനമുള്ളവർക്കും നികുതി ലാഭിക്കാൻ കഴിയും.

അതായത് വാർഷിക വരുമാനം 15,50,000 രൂപയുള്ളവർക്ക് ഇനി നികുതി അടക്കേണ്ടി വരില്ല. പുതിയ നികുതി വ്യവസ്ഥ അനുസരിച്ചുള്ള മാറ്റങ്ങളെ കുറിച്ച് വിശദമായി പരിശോധിക്കാം. പുതിയ നികുതി വ്യവസ്ഥയ്ക്ക് കീഴിൽ ഇപ്പോൾ 75,000 രൂപ വരെ സ്റ്റാൻഡേർഡ് കിഴിവ് ലഭിക്കും.

പുതിയ നികുതി വ്യവസ്ഥയ്ക്ക് കീഴിലുള്ള ആദായ നികുതി സ്ലാബ് നിരക്കുകൾ (2025-26 സാമ്പത്തിക വർഷം)

4 ലക്ഷം വരെ - നികുതിയില്ല
4 ലക്ഷം - 8 ലക്ഷം - 5%
8 ലക്ഷം - 12 ലക്ഷം - 10%
12 ലക്ഷം - 16 ലക്ഷം - 15%
16 ലക്ഷം - 20 ലക്ഷം - 20%
20 ലക്ഷം - 24 ലക്ഷം - 25%
24 ലക്ഷം - 25% - 30%

പുതിയ നികുതി വ്യവസ്ഥയ്ക്ക് കീഴിലുള്ള ആദായ നികുതി സ്ലാബ് നിരക്കുകൾ (2024-25 സാമ്പത്തിക വർഷം)

3 ലക്ഷം വരെ - നികുതിയില്ല
3 ലക്ഷം - 7 ലക്ഷം - 5%
7 ലക്ഷം - 10 ലക്ഷം - 10%
10 ലക്ഷം - 12 ലക്ഷം - 15%
12 ലക്ഷം - 15 ലക്ഷം - 20%
15 ലക്ഷം രൂപയ്ക്ക് മുകളിൽ - 30%

പഴയ നികുതി വ്യവസ്ഥയ്ക്ക് കീഴിലുള്ള ആദായ നികുതി സ്ലാബ് നിരക്കുകൾ

2.5 ലക്ഷം വരെ - നികുതിയില്ല
2.5 ലക്ഷം - 5 ലക്ഷം - 5%
5 ലക്ഷം - 10 ലക്ഷം - 20%
10 ലക്ഷത്തിന് മുകളിൽ - 30%

15,50,000 രൂപ വാർഷിക വരുമാനമുള്ള ഒരു വ്യക്തിക്ക് എങ്ങനെ നികുതി അടക്കാതിരിക്കാം? വിശദമായി നോക്കാം;

നിങ്ങളുടെ വാർഷിക വരുമാനം 15.50 ലക്ഷമാണെങ്കിൽ ചില വ്യവസ്ഥകളുടെ അടിസ്ഥാനത്തിൽ നിങ്ങൾ നികുതി അടയ്ക്കേണ്ടതില്ല. കൂടുതൽ കണക്കുകൾ പരിശോധിക്കാം;

ഒരു ജീവനക്കാരൻ അവരുടെ ഇപിഎഫ് സംഭാവന ഏറ്റവും കുറഞ്ഞ നിരക്കിൽ നിലനിർത്തി എൻപിഎസ് തിരഞ്ഞെടുക്കുന്നു എന്ന് കരുതുക. ഈ സാഹചര്യങ്ങളിൽ ശമ്പള ഘടന എങ്ങനെ വ്യത്യാസപ്പെടുമെന്ന് പരിശോധിക്കാം;

• അടിസ്ഥാന ശമ്പളം: 7,55,000 രൂപ
• വ്യക്തിഗത അലവൻസ്: 3,44,540 രൂപ
• പിഎഫ്: 21,600 രൂപ (കുറഞ്ഞത് തിരഞ്ഞെടുത്തത്)
• എൻ‌പി‌എസ്: 1,05,700 രൂപ
• ഫ്ലെക്സി പേ ടാക്സ്-ഫ്രീ ഘടകങ്ങൾ: 3,94,300 രൂപ
• ആകെ സി‌ടി‌സി: 15,50,000 രൂപ

സ്റ്റാൻഡേർഡ് ഡിഡക്ഷന് ശേഷമുള്ള നിങ്ങളുടെ നികുതി നൽകേണ്ട ശമ്പളം 14,75,000 രൂപയാണ്. ഈ തുകയിൽ നിന്നും എങ്ങനെ നികുതി നൽകാതെ നീങ്ങാമെന്ന് അറിയാം;

എൻപിഎസ്, ഫ്ലെക്സി പേ നികുതി രഹിത ഘടകങ്ങൾ..

14,75,000 രൂപ - (1,05,700+2,94,300 രൂപ)= 11,75,000 രൂപ

പുതിയ നികുതി വ്യവസ്ഥയുടെ അടിസ്ഥാനത്തിൽ ജീവനക്കാരന്റെ അടിസ്ഥാന ശമ്പളത്തിന്റെ 14 ശതമാനം വരെയുള്ള എൻപിഎസ് സംഭാവനയും നികുതി രഹിതമാണ്. അതിനാൽ നികുതി അടക്കേണ്ട ആ വരുമാനത്തിന് നിങ്ങൾ ഒരു നികുതിയും നൽകേണ്ടതില്ല എന്നർത്ഥം.

പുതിയ നികുതി വ്യവസ്ഥ പ്രകാരം വ്യക്തികൾ, മുതിർന്ന പൗരന്മാർ, സൂപ്പർ സീനിയർ പൗരന്മാർ എന്നിവരുൾപ്പെടെ എല്ലാവരും ഒരേ നികുതി നിരക്കുകൾ നൽകേണ്ടിവരും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.