ബാങ്ക് ഇടപാടുകള്‍ മുതല്‍ ഹോട്ടല്‍ റൂം ബുക്ക് ചെയ്യാന്‍ വരെ പാന്‍ കാര്‍ഡ്

നോട്ട് അസാധുവാക്കലിന് ശേഷം രാജ്യത്തെ ബാങ്കുകളില്‍ കെവൈസി(നോ യുവര്‍ കസ്റ്റമര്‍) നിര്‍ബന്ധം ആക്കിയിരിക്കുകയാണ്. സാമ്പത്തിക വിദഗ്ധരുടെ അഭിപ്രായ പ്രകാരം, ഈ സംവിധാനം വേണ്ട രീതിയില്‍ പാലിക്കാതിരിക്കുന്നതാണ് സഹകരണ ബാങ്കുകളില്‍ ഉടലെടുത്ത പ്രതിസന്ധിക്ക് പിന്നിലെ പ്രധാനകാരണം. അതിനാല്‍ തന്നെയാണ് ബാങ്ക് അക്കൗണ്ട് തുടങ്ങുന്നതിനായി പോലും പാന്‍ കാര്‍ഡ് നിര്‍ബന്ധമാക്കിയത്.

സ്വര്‍ണ്ണം വാങ്ങാനും പാന്‍ കാര്‍ഡ് നിര്‍ബന്ധം

ബാങ്ക് അക്കൗണ്ട് തുടങ്ങുന്നതിനു പുറമെ, പാന്‍ കാര്‍ഡ് നിര്‍ബന്ധമായ മറ്റു ചില കാര്യങ്ങള്‍ കൂടിയുണ്ട്.

• അഞ്ച് ലക്ഷം രൂപയ്ക്ക് മുകളില്‍ സ്വര്‍ണം വാങ്ങണമെങ്കിലും പാന്‍ ആവശ്യമാണ്
• യാത്ര ചെയ്യുന്നവര്‍ ഹോട്ടലുകളില്‍ മുറിയെടുക്കുമ്പോള്‍ വാടക 25,000 രൂപയില്‍ കൂടുതല്‍ ആയാല്‍ ഈ പണമിടപാടിനും പാന്‍ കാര്‍ഡ് ഉപയോഗിക്കണം
• 50,000 രൂപയ്ക്ക് മുകളിലുള്ള പണമിടപാട് നടത്തുമ്പോള്‍ ബാങ്കുകളില്‍ പാന്‍ നമ്പര്‍ നല്‍കേണ്ടതാണ്.
• പുതിയ ടെലിഫോണ്‍ കണക്ഷന്‍ എടുക്കാന്‍ ആഗ്രഹിക്കുന്നവര്‍ പാന്‍ കാര്‍ഡ് ഉപയോഗിച്ച് വേണം അപേക്ഷിക്കാന്‍ 
• 50,000 രൂപയില്‍ അധികം എല്‍ഐസി പ്രീമിയം അടയ്ക്കണമെങ്കിലും പാന്‍ കാര്‍ഡ് നിര്ബന്ധമാണ് 
• ഡിപ്പോസിറ്റ് അക്കൗണ്ടുകളില്‍ പണം നിക്ഷേപിക്കുന്നതിനും പാന്‍ നിര്‍ബന്ധമാണ്. 

Read Also: ആധാറാണ് ഇനി എല്ലാത്തിനും ആധാരം; ആധാര്‍ അടിസ്ഥാനമാക്കി സൈ്വപ്പിംഗ് മെഷീനും വരുന്നു