6 മാസത്തെ കാത്തിരിപ്പിനൊടുവില്‍ ഈ ഫാര്‍മ ഓഹരിയില്‍ ബ്രേക്കൗട്ട്; വാങ്ങുന്നോ?

പണപ്പെരുപ്പത്തിനിടയിലും മികച്ച കോര്‍പറേറ്റ് പാദഫലങ്ങള്‍ പുറത്തുവരുന്നതും ആഗോള ഘടകങ്ങള്‍ അനുകൂലമായതും വിദേശ നിക്ഷേപകര്‍ വന്‍തോതില്‍ വീണ്ടും വാങ്ങിത്തുടങ്ങിയതും ഒക്കെ ആഭ്യന്തര വിപണിയെ സമീപകാല തകര്‍ച്ചയില്‍ നിന്നും കരയകയറുന്നതിന് സഹായിച്ചു. ഇതോടെ ഓഹരി കേന്ദ്രീകരിച്ചുള്ള നീക്കങ്ങളും വിപണിയില്‍ സജീവമായി. ഇത്തരത്തില്‍ ഏറെക്കാലും പിന്നാക്കം നിന്നിരുന്ന ഒരു ഫാര്‍മ ഓഹരിയില്‍ ബ്രേക്കൗട്ട് കുതിപ്പ് പ്രകടമായിട്ടുണ്ട്. ഇതിന്റെ വിശദാംശങ്ങളാണ് താഴെ ചേര്‍ക്കുന്നത്.

അനുകൂല ഘടകം

കഴിഞ്ഞയാഴ്ച 8 ശതമാനത്തിലധികം നേട്ടം സൈഡസ് ലൈഫ്‌സയന്‍സ് (BSE: 532321, NSE : ZYDUSLIFE) ഓഹരികള്‍ സ്വന്തമാക്കി. മൂന്ന് മാസത്തിനിടെ 16 ശതമാനവും മുന്നേറിയതോടെ ആറ് മാസക്കാലയയളവിലെ സ്ഥിരതയാര്‍ജിക്കല്‍ ഘട്ടത്തില്‍ നിന്നും മറികടക്കാനും ഈ ലാര്‍ജ് കാപ് ഓഹരിക്ക് സാധിച്ചു. ഇതനികം 5, 10, 20, 50, 100- ദിവസ മൂവിങ് ആവറേജ് നിലവാരങ്ങള്‍ മറികടന്ന സൈഡസ് ലൈഫ്‌സയന്‍സ് ഓഹരി 200-ഡിഎംഎ നിലവാരത്തിന് തൊട്ടടുത്തേക്കും എത്തിച്ചേര്‍ന്നു.

സാമ്പത്തികം

ജൂണ്‍ പാദത്തില്‍ കമ്പനി നേടിയ വരുമാനം 4,072 കോടിയും അറ്റാദായം 554 കോടിയുമാണ്. പയട്രോസ്‌ക്കി സ്‌കോറിന്റെ അടിസ്ഥാനത്തില്‍ വിലയിരുത്തിയാല്‍ സൈഡസ് ലൈഫ്‌സയന്‍സിന്റെ സാമ്പത്തിക സ്ഥിതി ശക്തമായ (Piotroski Score: 7) നിലവാരത്തിലാണ്. കഴിഞ്ഞ 3 വര്‍ഷത്തില്‍ കമ്പനിയുടെ വരുമാനം 5 ശതമാനവും പ്രവര്‍ത്തന ലാഭം 3.8 ശതമാനവും അറ്റാദായം 34.4 ശതമാനം വീതവും വളര്‍ച്ച കൈവരിച്ചു.

ഓഹരി വിശദാംശം

സൈഡസ് ലൈഫ്‌സയന്‍സ് ഓഹരികളുടെ 74.88 ശതമാനവും പ്രമോട്ടര്‍ ഗ്രൂപ്പിന്റെ കൈവശമാണ്. വിദേശ നിക്ഷേപകര്‍ക്ക് 2.86 ശതമാനവും ആഭ്യന്തര ധനകാര്യ സ്ഥാപനങ്ങള്‍ക്ക് 12.03 ശതമാനവും ഓഹരി പങ്കാളിത്തമുണ്ട്. നിലവില്‍ കമ്പനിയുടെ വിപണി മൂല്യം 40,227 കോടിയാണ്. മുടങ്ങാതെ ലാഭവിഹിതം നല്‍കുന്ന സൈഡസ് ലൈഫ്‌സയന്‍സ് ഓഹരിയുടെ ഡിവിഡന്റ് യീല്‍ഡ് 0.64 ശതമാനമാണ്. പ്രതിയോഹരി ബുക്ക് വാല്യൂ 186.12 രൂപ നിരക്കിലും പിഇ അനുപാതം 9.11 മടങ്ങിലുമാണുള്ളത്.

ലക്ഷ്യവില 435

ചൊവ്വാഴ്ച രാവിലെ 392 രൂപ നിലവാരത്തിലാണ് സൈഡസ് ലൈഫ്‌സയന്‍സ് ഓഹരികള്‍ വ്യാപാരം ചെയ്യപ്പെടുന്നത്. നിലവില്‍ പ്രകടമാകുന്ന കുതിപ്പില്‍ 435 രൂപ നിലവാരത്തിലേക്ക് ഓഹരി മുന്നേറാമെന്ന് ഇന്‍ക്രെഡ് ഇക്വിറ്റീസ് സൂചിപ്പിച്ചു. പ്രധാനപ്പെട്ട സപ്പോര്‍ട്ട് മേഖലയില്‍ നിന്നും പിന്തുണയാര്‍ജിച്ച് മുന്നേറുന്ന ഓഹരിയില്‍ വരും ആഴ്ചകളിലും നേട്ടം പ്രതീക്ഷിക്കാം. 350 രൂപയില്‍ താഴെ സ്റ്റോപ് ലോസ് ക്രമീകരിക്കണമെന്നും ബ്രോക്കറേജ് സ്ഥാപനം വ്യക്തമാക്കി.

അതേസമയം 52 ആഴ്ച കാലയളവില്‍ സൈഡസ് ലൈഫ്‌സയന്‍സ് ഓഹരിയുടെ ഉയര്‍ന്ന വില 577 രൂപയും താഴ്ന്ന വില 319 രൂപയുമാണ്.

അറിയിപ്പ്

മുകളില്‍ കൊടുത്തിരിക്കുന്ന ലേഖനം വിവിധ ബ്രോക്കറേജ് റിപ്പോര്‍ട്ടുകളെ അടിസ്ഥാനമാക്കിയും പഠനാവശ്യത്തിന് നല്‍കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.