ബിസിനസ് തുടങ്ങിയാലോ? ഈടില്ലാതെ 1 കോടി രൂപ വരെ വായ്പ സർക്കാർ തരും

ബിസിനസ് തുടങ്ങുകയെന്നത് നമ്മളിൽ പലരുടെയും വലിയ ആഗ്രഹങ്ങളിലൊന്നായിരിക്കും. എന്നാൽ അതിനാവശ്യമായ മൂലധനമില്ലാത്തതിനാൽ പാതി വഴിയിലുപേക്ഷിക്കപ്പെട്ടിട്ടോ പിന്നെ അതിനെക്കുറിച്ച് ആലോച്ചിക്കാതെയും വിട്ടുകളഞ്ഞേക്കാം. എന്നാൽ നിങ്ങളുടെ ബിസിനസ് ആശയങ്ങൾക്ക് ജീവൻ നൽകാൻ സാധിക്കുന്ന നിരവധി സർക്കാർ വായ്പ പദ്ധതികൾ രൂപകൽപ്പന ചെയ്ത് വിതരണം ചെയ്യപ്പെടുന്നു.

ഉന്നത പഠനം മുടക്കണ്ട; സർക്കാർ ഉറപ്പിൽ കുറഞ്ഞ പലിശയും ലോൺ

എന്നാൽ കർശമായ മാനദണ്ഡങ്ങളുടെയും വിശദമായ അപേക്ഷ പരിശോധനകളുടെയും അടിസ്ഥാനത്തിലാണ് സ്റ്റാർട്ട് അപ്പുകൾക്ക് സർക്കാർ സാമ്പത്തിക പിന്തുണ നൽകുന്നത്. എൻഎസ്ഐസി, എംസ്എംഇ മന്ത്രാലയം എന്നീ വിവിധ വായ്പ മാർഗങ്ങളും ലളിതമായ രജിസ്ട്രേഷനും നൽകുന്നു.

ഓരോ സ്ഥാപനങ്ങളും നേരിടുന്ന ഏറ്റവും വലിയ വെല്ലുവിളിയാണ് മൂലധനം എന്നത്. എന്നിരുന്നാലും, ഒരു ബിസിനസ് പദ്ധതി പ്രാവർത്തികമാക്കുന്നത് എപ്പോഴും ഉത്തേജനകരമായ ഒരു അനുഭവമാണ്. ഭാഗ്യവശാൽ, സ്റ്റാർട്ടപ്പുകൾക്ക് വായ്പ സഹായം നൽകുന്നതിനായി സർക്കാർ വിവിധ പദ്ധതികൾ നടപ്പിലാക്കിയിട്ടുണ്ട്. സ്റ്റാർട്ടപ്പുകൾക്ക് ലഭ്യമായ വിവിധ സർക്കാർ വായ്പാ പദ്ധതികളും അവയുടെ നേട്ടങ്ങളും നോക്കാം.

സ്റ്റാർട്ടപ്പ് വായ്പയുടെ നേട്ടങ്ങൾ

1. പുതിയ സംരംഭകർക്ക് മൂന്ന് വർഷം വരെ നികുതി ഇളവ് ലഭിക്കും.

2. സർക്കാർ വായ്പകൾക്ക് വെഞ്ചർ ക്യാപിറ്റലിനെ അപേക്ഷിച്ച് വളരെ കുറഞ്ഞ പലിശനിരക്കാണ്.

3. ഇന്ത്യയിലെ നിരവധി പ്രാദേശിക, വാണിജ്യ ബാങ്കുകളും ബാങ്കിതര ധനകാര്യ സ്ഥാപനങ്ങളും സ്റ്റാർട്ടപ്പുകൾക്ക് വായ്പ നൽകുന്നു.

4. സ്വകാര്യ നിക്ഷേപകരെ പോലെ, ഒരു കമ്പനിയുടെ വിജയം, പരാജയം എന്നതിനെ അടിസ്ഥാനമാക്കി ബാങ്കുകൾ വായ്പ എടുക്കുന്നവരിൽ നിന്ന് വ്യക്തിഗത ഈടുകൾ ആവശ്യപ്പെടുന്നില്ല.

2025ൽ സ്റ്റാർട്ടപ്പുകൾക്കായുള്ള മികച്ച സർക്കാർ വായ്പാ പദ്ധതികൾ

1) അസംസ്കൃത വസ്തുക്കൾക്കുള്ള സഹായം

നാഷണൽ സ്മാൾ ഇൻഡസ്ട്രീസ് കോർപ്പറേഷൻ (എൻഎസ്ഐസി) നടത്തുന്ന ഈ പദ്ധതി എംഎസ്എംഇ-കളും സ്റ്റാർട്ടപ്പുകൾ കൂടുതൽ ശക്തിപ്പെടുത്തുന്നതിനായി വായ്പാ ഗ്യാരന്റികൾ, ഇൻവോയ്‌സ് ഡിസ്കൗണ്ടിംഗ്, ക്രെഡിറ്റ് സൗകര്യങ്ങൾ എന്നിവ നൽകുന്നു.വ്യവസായ ഉടമകൾക്കുള്ള ഡോക്യുമെന്റേഷൻ നടപടിക്രമങ്ങൾ സർക്കാർ തന്നെ കൈകാര്യം ചെയ്യുന്നു, ഇത് സംരംഭകരുടെ ജോലി ലളിതമാക്കുന്നു.

2) സിജിടി എസ്എംഇ

ഇന്ത്യയിലെ ഏറ്റവും നല്ല സ്റ്റാർട്ടപ്പ് ഫണ്ടിങ് പദ്ധതികളിലൊന്നാണ് സിജിടി എസ്എംഇ. ഇത് എസ്ഐടിബി-യുമായി ചേർന്ന് എംഎസ്എംഇ മന്ത്രാലയം നടത്തുന്നു. ഈ പദ്ധതിയുടെ ഭാഗമായി, അർഹമായ സ്റ്റാർട്ടപ്പുകൾക്കും ചെറിയ, ഇടത്തരം വ്യവസായങ്ങൾക്കുംകോളാറ്റ്ററൽ ഇല്ലാതെ 1 കോടി രൂപ വരെ വായ്പയ്ക്ക് അപേക്ഷിക്കാനാകും.

3) സിഎൽസിഎസ്എസ് (ക്രെഡിറ്റ് ലിങ്ക്ഡ് ക്യാപിറ്റൽ സബ്സിഡി സ്‌കീം)

ഈ പദ്ധതി പ്രത്യേകിച്ച് സാങ്കേതിക സ്റ്റാർട്ടപ്പുകൾക്കായി രൂപകൽപ്പന ചെയ്തതാണ്. അവയുടെ ആനുകൂല്യങ്ങൾ, ഉപകരണങ്ങളുടെയും സാങ്കേതിക വിദ്യയുടെയും ആവശ്യത്തിന് സാമ്പത്തിക പിന്തുണ നൽകുന്നു. 1 കോടി രൂപ വരെയുള്ള നിക്ഷേപത്തിനായി 15 ശതമാനം സർക്കാർ സബ്സിഡി നൽകുന്നു.

4) ഉദ്യം രജിസ്ട്രേഷൻ സർട്ടിഫിക്കറ്റ്

ഉദ്യം പ്ലാറ്റഫോമിലുടെ സർക്കാർ രജിസ്ട്രേഷൻ പുതിയ സംരംഭകർക്ക് സൗജന്യമായും സുതാര്യമായും രജിസ്റ്റർ ചെയ്യാൻ അവസരം നൽകുന്നു. ഇത് സംരംഭകർക്ക് വിവിധ ആനുകൂല്യങ്ങൾ ലഭ്യമാക്കുന്നതിനൊപ്പം, തൊഴിൽ സൃഷ്ടിക്കും ജിടിപി-യിലേക്കുള്ള സംഭാവനയും വർദ്ധിപ്പിക്കുമെന്ന് സർക്കാർ ലക്ഷ്യമാക്കുന്നു.

5) MeitY സമൃദ് പദ്ധതി

ഈ പദ്ധതി സ്റ്റാർട്ടപ്പുകൾ നേരിടുന്ന പ്രധാന പ്രശ്‌നങ്ങൾ( ഫണ്ടിങ് കുറവ്, ഗുണമേന്മ ഉറപ്പാക്കൽ പ്രശ്നങ്ങൾ, അനുഭവത്തിന്റെ അഭാവം) പരിഹരിക്കാൻ സഹായിക്കുന്നു. ഇന്ത്യൻ സ്റ്റാർട്ടപ്പുകൾക്ക് പിന്തുണ നൽകുന്നതിനുള്ള ഏറ്റവും പ്രധാനപ്പെട്ട സർക്കാർ പദ്ധതികളിലൊന്നാണിത്.

സ്റ്റാർട്ടപ്പ് വായ്പയുടെ അർഹതാ മാനദണ്ഡങ്ങൾ:

1. അപേക്ഷകന്റെ പ്രായം 21 വയസ്സായിരിക്കണം, വായ്പയുടെ കാലാവധി കഴിയുമ്പോൾ 65 വയസ്സിന് കൂടുതലാകാൻ പാടില്ല.

2. ഇന്ത്യൻ കമ്പനീസ് ആക്റ്റ്, 1956 പ്രകാരം പ്രവർത്തിക്കുന്ന സംരംഭമായിരിക്കണം.

3. അപേക്ഷകൻ തൊഴിൽസ്ഥിരതയുള്ള വ്യക്തിയായിരിക്കണം.

4. വായ്പ തിരിച്ചടവിന്റെ കൃത്യമായ രേഖയും, കുറഞ്ഞത് 750 ക്രെഡിറ്റ് സ്കോറും ഉണ്ടായിരിക്കണം, ഇതു വായ്പാ അംഗീകാരം ലഭിക്കാൻ സഹായിക്കും.

5. സ്റ്റാർട്ടപ്പിന്റെ വാർഷിക ടേൺഓവർ 25 കോടി കവിയരുത്.

സ്റ്റാർട്ടപ്പ് വായ്പയ്ക്ക് എങ്ങനെ അപേക്ഷിക്കാം?

1. ഓൺലൈൻ അപേക്ഷ: വായ്പ നൽകുന്ന സ്ഥാപനത്തിന്റെ വെബ്സൈറ്റ് സന്ദർശിച്ച്, അപേക്ഷാ ഫോം പൂരിപ്പിച്ച് ആവശ്യമായ രേഖകൾ സമർപ്പിക്കുക.

2. ഓഫ്‌ലൈൻ അപേക്ഷ: സമീപത്തുള്ള ബാങ്ക് അല്ലെങ്കിൽ ധനകാര്യ സ്ഥാപനത്തിന്റെ ശാഖ സന്ദർശിച്ച്, ആവശ്യമായ രേഖകളുമായി നേരിട്ട് അപേക്ഷിക്കുക.

3. കസ്റ്റമർ കെയർ: വായ്പാ അപേക്ഷയുമായി ബന്ധപ്പെട്ട പ്രശ്‌നങ്ങൾ നേരിട്ടാൽ, ദയവായി വായ്പ ദാതാവിന്റെ കസ്റ്റമർ കെയർ പ്രതിനിധികളുമായി ബന്ധപ്പെടുക.

സ്റ്റാർട്ടപ്പ് വായ്പകൾ വഴി സർക്കാർ വലിയ സാമ്പത്തിക പിന്തുണ നൽകുന്നു. എന്നാൽ, അപേക്ഷാ പ്രക്രിയ ചിലപ്പോൾ സങ്കീർണ്ണമാകാം, കാരണം ഇത് കർശനമായ അർഹതാ മാനദണ്ഡങ്ങളും. കൃത്യമായ രേഖകളും ആവശ്യപ്പെടുന്നു.