നിങ്ങളുടെ മൊബൈൽ നമ്പർ ബ്ലോക്കായോ? രജിസ്റ്റർ ചെയ്ത നമ്പറില്ലെങ്കിലും ആധാർ ഡൗൺലോഡ് ചെയ്യാം

രാജ്യത്തെ സുപ്രധാന രേഖയാണ് ആധാർ. ഏതൊരു ഇന്ത്യൻ പൗരനും ആധാർ കാർഡ് ഉണ്ടായിരിക്കും. നിലവിൽ എല്ലാവരും ഇ-ആധാർ ഡൗൺലോഡ് ചെയ്യാനാണ് ശ്രമിക്കുന്നത്. നിങ്ങളുടെ രജിസ്റ്റർ ചെയ്ത മൊബൈൽ നമ്പറുണ്ടെങ്കിൽ ഓൺലൈനായി ഇൻസ്റ്റൻ്റായി ആധാർ ഡൗൺലോഡ് ചെയ്യാനാവും. എന്നാൽ നിങ്ങളുടെ മൊബൈൽ നഷ്ടമാവുകയോ അല്ലെങ്കിൽ ഫോൺ നമ്പർ ബ്ലോക്കാവുകയോ ചെയ്താൽ ആധാർ എങ്ങനെ ഡൗൺലോഡ് ചെയ്യും? വിശദമായി അറിയാം;

മൊബൈൽ നമ്പർ ഇല്ലാതെ ആധാർ കാർഡ് എങ്ങനെ കിട്ടും?

ആധാറും നിങ്ങളുടെ മൊബൈൽ നമ്പറും പരസ്പരം ബന്ധിപ്പിച്ചിട്ടുള്ളതാണ്. അതിനാൽ തന്നെ ഓൺലൈനായി ആധാർ ഡൗൺലോഡ് ചെയ്യണമെങ്കിൽ മൊബൈൽ നമ്പർ അത്യാവശ്യമാണ്. എന്നാൽ ചില ഘട്ടങ്ങളിൽ മൊബൈൽ നമ്പറില്ലെങ്കിലും ആധാർ കിട്ടും. എങ്ങനെയെന്ന് വിശദമായി അറിയാം;

Take a Poll

• ആദ്യം ഔദ്യോഗിക ആധാർ വെബ്‌സൈറ്റായ UIDAI സന്ദർശിക്കുക.

• അതിനു ശേഷം '​ഗെറ്റ് ആധാർ' എന്ന വിഭാഗത്തിന് കീഴിലുള്ള 'ഓർഡർ ആധാർ പിവിസി കാർഡ്' എന്ന ഓപ്ഷൻ ക്ലിക്ക് ചെയ്യുക.

• അതോടെ മറ്റൊരു സ്ക്രീൻ തുറക്കും, അവിടെ തുടരുന്നതിന് നിങ്ങൾ അതേ ഓപ്ഷൻ വീണ്ടും തിരഞ്ഞെടുക്കേണ്ടതുണ്ട്.

• അടുത്ത സ്ക്രീനിൽ, നിങ്ങളുടെ 12 അക്ക ആധാർ നമ്പർ അല്ലെങ്കിൽ 28 അക്ക എൻറോൾമെന്റ് നമ്പർ നൽകണം. കാപ്ച നൽകി 'എന്റെ മൊബൈൽ നമ്പർ രജിസ്റ്റർ ചെയ്തിട്ടില്ല' എന്ന ഓപ്ഷൻ ക്ലിക്ക് ചെയ്യുക.

• ഇവിടെ നിങ്ങൾ മറ്റൊരു മൊബൈൽ നമ്പർ നൽകി 'സെൻ്റ് ഒടിപി' ക്ലിക്ക് ചെയ്യുക.
• 'I agree to the terms and conditions' എന്ന ഓപ്ഷൻ തിരഞ്ഞെടുക്കുക. അതിനു ശേഷം ഒടിപി നൽകുക, തുടർന്ന് 'സബ്മിറ്റ്' ക്ലിക്ക് ചെയ്യുക.
• പേയ്‌മെന്റ് ഗേറ്റ്‌വേയിലേക്ക് റീഡയറക്‌ട് ചെയ്യുന്നതിന് 'പേയ്‌മെന്റ് നടത്തുക' എന്ന ഓപ്ഷൻ ക്ലിക്കുചെയ്യുക. പേയ്‌മെന്റ് പൂർത്തിയാക്കിയ ശേഷം, ഡിജിറ്റൽ ഒപ്പുള്ള ഒരു രസീത് ജനറേറ്റ് ചെയ്യും. നിങ്ങൾക്ക് ഇത് പിഡിഎഫ് ഫോർമാറ്റിൽ ഡൗൺലോഡ് ചെയ്യാം.
• നിങ്ങൾക്ക് സേവന അഭ്യർത്ഥന നമ്പർ എസ്എംഎസ് വഴി ലഭിക്കും. അത് നിങ്ങളുടെ ആധാർ കാർഡിന്റെ സ്റ്റാറ്റസ് പരിശോധിക്കാൻ ഉപയോഗിക്കാം.

മിനിമം ബാലൻസ് പരിധിയിൽ വീണ്ടും പരിഷ്കരണവുമായി ഐസിഐസിഐ ബാങ്ക്: ഇനി മുതൽ എത്ര രൂപ വേണം?

ഇ-ആധാർ കാർഡ് ഡൗൺലോഡ് ചെയ്യാൻ എന്തെല്ലാം വേണം?

• നിങ്ങളുടെ 12 അക്ക ആധാർ നമ്പർ, എൻറോൾമെന്റ് ഐഡി (ഇഐഡി), അല്ലെങ്കിൽ വെർച്വൽ ഐഡി (വിഐഡി).
• ഒടിപി ലഭിക്കുന്നതിന് നിങ്ങളുടെ ആധാറുമായി ലിങ്ക് ചെയ്തിട്ടുള്ള ഒരു മൊബൈൽ നമ്പർ.

UIDAI, mAadhaar ആപ്പ് അല്ലെങ്കിൽ UMANG ആപ്പ് വഴി മൊബൈൽ നമ്പർ ഉപയോഗിച്ച് നിങ്ങളുടെ ആധാർ കാർഡ് ഡൗൺലോഡ് ചെയ്യാം. മൊബൈൽ നമ്പർ നൽകിയാൽ ഒരു ഒടിപി ലഭിക്കുന്നു. അതിനാൽ തന്നെ ഒരു മൊബൈൽ നമ്പർ ഇല്ലാതെ നിങ്ങൾക്ക് ആധാർ കാർഡ് ഡൗൺലോഡ് ചെയ്യാൻ കഴിയില്ല. അത്തരമൊരു സാഹചര്യത്തിൽ, നിങ്ങൾക്ക് അടുത്തുള്ള ആധാർ സേവാ കേന്ദ്രം സന്ദർശിച്ച്, നിങ്ങളുടെ മൊബൈൽ നമ്പർ അപ്ഡേറ്റ് ചെയ്ത് ഓൺലൈനായി ഡൗൺലോഡ് ചെയ്യാം.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.