മൂന്ന് വർഷംകൊണ്ട് 17 ശതമാനം വരെ റിട്ടേൺസ്; ഈ സ്വർണ നിക്ഷേപം നിങ്ങൾക്ക് നേട്ടമുണ്ടാക്കും

സ്വർണത്തിൽ തന്നെ ഇപ്പോൾ നിരവധി നിക്ഷേപ അവസരങ്ങളാണ് വിപണിയിലുള്ളത്. ഇതിൽ തന്നെ ഗോൾഡ് ഇടിഎഫ് അഥവ എക്സചേഞ്ച് ട്രേഡഡ് ഫണ്ടിൽ നിക്ഷേപിക്കുന്നതിലൂടെ മികച്ച റിട്ടേൺസ് നേടാൻ സാധിക്കുമെന്നാണ് സാമ്പത്തിക വിദഗ്ധർ ചൂണ്ടികാണിക്കുന്നത്. കഴിഞ്ഞ മൂന്ന് വർഷങ്ങളിൽ, സ്വർണ്ണ ഇടിഎഫുകൾ റിട്ടേൺസ് പ്രതിവർഷം 16.65 ശതമാനം ആയി വർധിച്ചപ്പോൾ ഭൗതിക സ്വർണ്ണം (24-കാരറ്റ്) 17.05 ശതമാനം ആയും വർധിച്ചു. കഴിഞ്ഞ 5 വർഷത്തെ റിട്ടേണുകൾ പരിശോധിച്ചാൽ, സ്വർണ്ണ ഇടിഎഫുകൾ 14 ശതമാനം ആദായം ഉണ്ടാക്കി, ഫിസിക്കൽ ഗോൾഡിലെ നിക്ഷേപം 17 ശതമാനം ആദായത്തിൽ കുറവാണ്.

ബാങ്ക് എഫ്.ഡിയേക്കാൾ ഉയർന്ന പലിശ, കുറഞ്ഞ കാലം കൊണ്ട് വമ്പൻ ലാഭം; ഈ സ്കീമിൽ നിക്ഷേപിക്കാം

എന്താണ് ഗോൾഡ് ഇടിഎഫ്?

ഗോൾഡ് എക്സ്ചേഞ്ച്-ട്രേഡഡ് ഫണ്ടുകൾ സ്റ്റോക്ക് എക്സ്ചേഞ്ചുകളിൽ വ്യാപാരം ചെയ്യുന്ന സാമ്പത്തിക ഉൽപ്പന്നങ്ങളാണ്. ഇത് സ്വർണ വിലയിലെ മാറ്റങ്ങൾ പ്രയോജനപ്പെടുത്താനും നിങ്ങൾക്ക് അവസരം നൽകുന്നു. നിങ്ങൾ ഒരു സ്വർണ ഇടിഎഫ് വാങ്ങുമ്പോൾ, നിങ്ങൾ യഥാർത്ഥത്തിൽ വാങ്ങുന്നത് സ്വർണ വിലയുടെ പ്രകടനത്തിന്റെയും ഒരു നിശ്ചിത അളവിലുള്ള സ്വർണ്ണത്തിന്റെയും പ്രതിനിധാനമാണ്. അതിനാൽ, ഭൗതിക സ്വർണം വാങ്ങാതെ തന്നെ നിങ്ങൾക്ക് സ്വർണ വിലയിലെ ഏറ്റക്കുറച്ചിലുകൾ പ്രയോജനപ്പെടുത്താം. സ്വർണത്തിൽ നിക്ഷേപിക്കുന്നതിനുള്ള എളുപ്പവും താങ്ങാനാവുന്നതുമായ മാർഗ്ഗമാണ് ഗോൾഡ് ഇടിഎഫുകൾ, സാമ്പത്തിക പ്രതിസന്ധിയിലോ അസ്ഥിരതയിലോ ഉള്ള സമയങ്ങളിൽ ഇത് സുരക്ഷിതമായ ആസ്തിയായി കണക്കാക്കപ്പെടുന്നു. ഇന്ത്യയിലെ മികച്ച സ്വർണ്ണ ഇടിഎഫുകളിൽ നിക്ഷേപിക്കുന്നത് നിങ്ങളുടെ നിക്ഷേപ പോർട്ട്‌ഫോളിയോയ്ക്ക് സ്ഥിരതയും സുരക്ഷിതത്വവും നൽകും.

ഗോൾഡ് എക്സ്ചേഞ്ച്-ട്രേഡഡ് ഫണ്ടുകൾ (ഇടിഎഫ്) നിക്ഷേപകർക്ക് സ്വർണം കൈവശം വയ്ക്കാതെ തന്നെ സ്വർണത്തിൽ നിക്ഷേപിക്കാനുള്ള അവസരം നൽകുന്നു. ഇവ സ്വർണ വിലയും സ്റ്റോക്ക് എക്സ്ചേഞ്ചിലെ വ്യാപാരവും പിന്തുടരുന്നു. സുതാര്യതയും കുറഞ്ഞ ചെലവും പണലഭ്യതയും ഉള്ള സ്വർണ വിപണിയിൽ നിക്ഷേപിക്കാനുള്ള എളുപ്പവഴി ഗോൾഡ് ഇടിഎഫുകൾ നൽകുന്നു. ഒരു പോർട്ട്‌ഫോളിയോ വൈവിധ്യവത്കരിക്കുന്നതിന് അവ ഫലപ്രദവും ചെലവ് കുറഞ്ഞതുമായ മാർഗമായിരിക്കും. അത്തരത്തിൽ 3 വർഷത്തെ സംയുക്ത വാർഷിക വളർച്ചാ നിരക്കിനെ അടിസ്ഥാനമാക്കിയുള്ള ഇന്ത്യയിലെ മുൻനിര സ്വർണ്ണ ഇടിഎഫുകൾ ഏതൊക്കെയെന്ന് നോക്കാം.

സെക്യൂരിറ്റിയില്ലാതെ കെ.എസ്.എഫ്.ഇ ചിട്ടിയിൽ നിന്നും ലോൺ എടുക്കാം, എങ്ങനെ അപേക്ഷിക്കാം?

എൽഐസി എംഎഫ് ഗോൾഡ് ഇടിഎഫ്: 2011 നവംബറിൽ ആരംഭിച്ച എൽഐസി എംഎഫ് ഗോൾഡ് ഇടിഎഫ് സ്വർണത്തിന്റെ ആഭ്യന്തര വിലയുമായി താരതമ്യം ചെയ്യുമ്പോൾ ഒരു ഓപ്പൺ-എൻഡഡ് സ്കീമാണ്. ലോഞ്ച് ചെയ്തതിനുശേഷം 6.9 ശതമാനം റിട്ടേൺസാണ് ഫണ്ട് നൽകിയത്. നിലവിൽ ഒരു വർഷത്തെ റിട്ടേൺ 26.87 ശതമാനവും, രണ്ട്, മൂന്ന് വർഷത്തെ റിട്ടേൺസ് യഥാക്രമം 16.65 ശതമനവും 14.56 ശതമാനവുമാണ്.

ഇൻവെസ്കോ ഇന്ത്യ ഗോൾഡ് ഇടിഎഫ് എഫ്ഒഎഫ്: ഇൻവെസ്‌കോ ഇന്ത്യ ഗോൾഡ് ഇടിഎഫ് എഫ്ഒഎഫ് - ഡയറക്ട് പ്ലാൻ, സ്വർണത്തിന്റെ ആഭ്യന്തര വില ട്രാക്ക് ചെയ്യുന്ന ഓപ്പൺ-എൻഡ് പ്ലാനാണ്. ഇതിന് 98 കോടി രൂപയുടെ AUM ഉണ്ട്, ചെലവ് അനുപാതം 0.10 ശതമാനവുമാണ്. 6.91 ശതമാനം റിട്ടേൺസാണ് ഫണ്ട് നൽകിയത്. നിലവിൽ ഒരു വർഷത്തെ റിട്ടേൺ 27.02 ശതമാനവും, രണ്ട്, മൂന്ന് വർഷത്തെ റിട്ടേൺസ് യഥാക്രമം 16.51 ശതമനവും 14.27 ശതമാനവുമാണ്.

എൽഐസി എംഎഫ് ഗോൾഡ് ഇടിഎഫ് എഫ്ഒഎഫ്: എൽഐസി എംഎഫ് ഗോൾഡ് ഇടിഎഫ് എഫ്ഒഎഫ് 2013 ജനുവരി 1-ന് സമാരംഭിച്ചു. ഈ സ്കീം സ്വർണത്തിൻ്റെ ആഭ്യന്തര വില ട്രാക്ക് ചെയ്യുകയും 64 കോടി രൂപ എയുഎം നൽകുകയും ചെയ്യുന്നു. ഫണ്ടിന്റെ ചെലവ് അനുപാതം 0.26 ശതമാനമാണ്. നിലവിൽ ഒരു വർഷത്തെ റിട്ടേൺ 26.72 ശതമാനവും, രണ്ട്, മൂന്ന് വർഷത്തെ റിട്ടേൺസ് യഥാക്രമം 16.51 ശതമനവും 14.23 ശതമാനവുമാണ്.