ബോണ്ടുകൾ സുരക്ഷിത നിക്ഷേപമാകുന്നതെങ്ങനെ?

സുരക്ഷിതത്വം, സ്ഥിരവരുമാനം തുടങ്ങിയവ ആഗ്രഹിക്കുന്ന നിക്ഷേപകർക്കിടയിൽ വളരെക്കാലമായി മികച്ചു നിൽക്കുന്ന ഒന്നാണ് ബോണ്ടുകൾ. ഇന്നത്തെ സാമ്പത്തിക സാഹചര്യത്തിൽ, വർധിച്ച് വരുന്ന പലിശ നിരക്കുകൾക്കൊപ്പം ബോണ്ടുകൾ കൂടുതൽ ആകർഷകമായിക്കൊണ്ടിരിക്കുകയാണ്. നിങ്ങൾ നിങ്ങളുടെ സമ്പാദ്യത്തിന്റെ സുരക്ഷയിൽ ശ്രദ്ധ ചെലുത്തുന്ന സാധാരണ നിക്ഷേപകനായാലും അല്ലെങ്കിൽ നിങ്ങളുടെ സമ്പാദ്യത്തിന്റെ വളർച്ചയിൽ ലക്ഷ്യമിടുന്ന നിക്ഷേപകനായാലും, നിങ്ങളുടെ സാമ്പത്തിക ലക്ഷ്യങ്ങൾ നേടുന്നതിന് ബോണ്ടുകൾ വലിയ തരത്തിലുള്ള അവസരങ്ങൾ വാഗ്ദാനം ചെയ്യുന്നു.

1,000 രൂപ നിക്ഷേപിച്ച് ഒരു കോടി രൂപ വിരമിക്കൽ സമ്പാദ്യമായി നേടാം; വിശദമായി അറിയാം

നിലവിലെ വിലക്കയറ്റം കൂടി വരുന്ന സാഹചര്യം, ബോണ്ട്‌ നിക്ഷേപകർക്ക് അപകടസാധ്യതകൾ വർധിപ്പിക്കുന്നത് കൊണ്ട് തന്നെ, കടുത്ത വെല്ലുവിളി ഉയർത്തുന്നു. റിസ്ക് എടുക്കാനുള്ള നിങ്ങളുടെ താല്പര്യം, വരുമാന ആവശ്യങ്ങൾ, സാമ്പത്തിക വീക്ഷണം എന്നിവയുമായി യോജിപ്പിക്കുന്ന ബോണ്ടുകൾ ശ്രദ്ധയോടെ തിരഞ്ഞെടുക്കുമ്പോൾ, നിങ്ങൾക്ക് സാമ്പത്തിക ലക്ഷ്യങ്ങളിലേക്കെത്താൻ ബോണ്ടുകളുടെ സഹായം ലഭിക്കുന്നു. യഥാർത്ഥത്തിൽ, ധനം സമാഹരിക്കുന്നതിനായി സർക്കാരുകളോ കോർപ്പറേഷനുകളോ മറ്റ് സ്ഥാപനങ്ങളോ നൽകുന്നതാണ് ബോണ്ടുകൾ. നിങ്ങൾ ബോണ്ടുകൾ വാങ്ങുമ്പോൾ, നിങ്ങൾ ഇഷ്യൂ ചെയ്യുന്നയാൾക്ക് പണം കൊടുക്കുകയാണ്. പകരമായി, ഇഷ്യൂവർ നിങ്ങൾക്ക് അതിനുള്ള പലിശ നൽകാനും ബോണ്ട്‌ കാലാവധി പൂർത്തിയാകുമ്പോൾ പ്രധാന തുക തിരികെ നൽകാനും തയാറാവുന്നു.

ബോണ്ടുകളുടെ പ്രധാന സവിശേഷതകൾ എന്തെല്ലാമാണെന്ന് നമുക്ക് നോക്കാം. ആദ്യം തന്നെ അതിലെ ഇഷ്യൂവർ ഒരു സർക്കാർ, കോർപറേഷൻ അല്ലെങ്കിൽ മുനിസിപ്പാലിറ്റി പോലുള്ള ബോണ്ട്‌ ഇഷ്യൂ ചെയ്യുന്ന സ്ഥാപനമാണ്. ബോണ്ടിന്റെ കാലാവധി തീയതി, അതിന്റെ പ്രധാന തുക നിക്ഷേപകന് തിരിച്ചടക്കുന്ന തീയതിയാണ്. സാധാരണയായി ബോണ്ടുകൾ വാർഷികമായോ അർദ്ധ വാർഷികമായോ പലിശ നിരക്ക് കണക്കാക്കുന്നു. മറ്റൊരു പ്രധാന സവിശേഷതയാണ് അതിലെ വരുമാനം എന്നുള്ളത്. അത് വാങ്ങൽ വില, കൂപൺ പേയ്‌മെന്റുകൾ, കാലയളവ് പൂർത്തിയാക്കുമ്പോഴുള്ള മൂല്യം എന്നിവ കണക്കിലെടുത്ത് ബോണ്ടിന് നൽകുന്ന കൃത്യമായ പലിശ നിരക്കാണ്.

പ്രതിമാസം 5,000 രൂപ നിക്ഷേപിച്ച് 8 ലക്ഷം രൂപ റിട്ടേൺ നേടാം; ഈ പോസ്റ്റ്‌ ഓഫീസ് പദ്ധതിയെ അറിയാം

വ്യത്യസ്ത നിക്ഷേപ ആവശ്യങ്ങൾക്കുള്ള ബോണ്ടുകളുടെ തരങ്ങൾ നിക്ഷേപകർക്ക് അവരുടെ നിക്ഷേപ ലക്ഷ്യങ്ങളും റിസ്ക് എടുക്കാനുള്ള കഴിവും അടിസ്ഥാനമാക്കി വിവിധ ബോണ്ട്‌ തരങ്ങളിൽ നിന്ന് തിരഞ്ഞെടുക്കാം. അതിൽ ചിലത് ഇവിടെ വ്യക്തമാക്കുന്നു. ഉയർന്ന വരുമാനം നൽകുന്ന ബോണ്ടുകൾ അവയിൽ കൂടുതൽ അപകടസാധ്യതയുണ്ട്. ഉദാഹരണമായി, കുറഞ്ഞ ക്രെഡിറ്റ്‌ റേറ്റിംഗുള്ള കമ്പനികളിൽ നിന്നുള്ള കോർപറേറ്റ് ബോണ്ടുകൾ. പ്രതിമാസ വരുമാനം നൽകുന്ന ബോണ്ടുകൾ, അവ വിരമിച്ചവർക്ക് ഏറ്റവും അനുയോജ്യമായ ബോണ്ടുകളാണ്. ഉദാഹരണമായി, സർക്കാർ സ്ഥാപനങ്ങൾ, പ്രതിമാസം പലിശ നൽകുന്ന കോർപറേഷനുകളിലെ ബോണ്ടുകൾ. അടുത്തതായി ഹ്രസ്വകാല ബോണ്ടുകളാണ്. ഹ്രസ്വകാല കോർപറേറ്റ് ബോണ്ടുകൾ അവയ്ക്കുള്ള ഉദാഹരണമാണ്.