ഭവനവായ്‌പ; വിവിധ ബാങ്കുകളുടെ പലിശ, പ്രോസസ്സിംഗ് ഫീസ് എന്നിവ താരതമ്യപ്പെടുത്തുമ്പോൾ

സ്റ്റേറ്റ് ബാങ്ക് ഓഫ് ഇന്ത്യ

7.35 ശതമാനം മുതൽ 8.25 ശതമാനം വരെയാണ് രാജ്യത്തെ പൊതു മേഖലാ ബാങ്കായ എസ്‌ബി‌ഐ വാഗ്ദാനം ചെയ്യുന്ന ഭവനവായ്‌പാ നിരക്ക്. എന്നാൽ നിങ്ങളുടെ പ്രൊഫൈൽ (ശമ്പളം അല്ലെങ്കിൽ ബിസിനസ് ക്ലാസ്), ക്രെഡിറ്റ് സ്കോർ, ഭവനവായ്‌പയുടെ തുക എന്നിവയെ ആശ്രയിച്ചായിരിക്കും യഥാർത്ഥ പലിശ നിരക്ക് നിർണ്ണയിക്കുന്നത്. വായ്‌പ തുകയുടെ 0.40 ശതമാനവും ജിഎസ്‌ടിയുമാണ് എസ്‌ബിഐ ഈടാക്കുന്ന പ്രോസസ്സിംഗ് ഫീസ്.

പഞ്ചാബ് നാഷണൽ ബാങ്ക്

6.70 ശതമാനം മുതൽ 7.40 ശതമാനം വരെയാണ് പി‌എൻ‌ബി വാഗ്ദാനം ചെയ്യുന്ന ഭവനവായ്‌പാ നിരക്ക്. എന്നാൽ കൃത്യമായ പലിശ നിരക്ക് തീരുമാനിക്കുമ്പോൾ പ്രൊഫൈൽ, ക്രെഡിറ്റ് സ്കോർ, വായ്‌പ തുക എന്നിവയും കണക്കിലെടുക്കുന്നതാണ്. പ്രോസസ്സിംഗ് ഫീസ് ഇനത്തിൽ വായ്‌പ തുകയുടെ 0.35 ശതമാനം വായ്‌പകാരിൽ നിന്നും ഈടാക്കുന്നതാണ്. അതായത് കുറഞ്ഞത് 2,500 രൂപയും പരമാവധി 15,000 രൂപയും ജിഎസ്‌ടിയുമാണ് ഈടാക്കുക.

എച്ച്‌ഡിഎഫ്‌സി

7.50 ശതമാനം മുതൽ 8.50 ശതമാനം വരെയാണ് ഭവനവായ്‌പയിന്മേൽ എച്ച്‌ഡിഎഫ്‌സി ഈടാക്കുന്ന പലിശ നിരക്ക്. അതായത് 30 ലക്ഷം രൂപ വരെയുള്ള വായ്‌പകൾക്ക് 7.50 ശതമാനവും 50 ലക്ഷം രൂപയ്‌ക്ക് മുകളിലുള്ള വായ്‌പകൾക്ക് 8.50 ശതമാനവുമാണ് ഈടാക്കുന്നത്. മാത്രമല്ല വായ്‌പ തുകയുടെ 0.050 ശതമാനം വരെ പ്രോസസ്സിംഗ് ഫീസ് ഇനത്തിലും എച്ച്‌ഡിഎഫ്‌സി ഈടാക്കുന്നതാണ്, പരമാവധി 3,000 രൂപയും ജിഎസ്‌ടിയും.

ഐസിഐസിഐ

7.70 ശതമാനം മുതൽ 8.80 ശതമാനം വരെയാണ് ഐസിഐസിഐ ബാങ്കിന്റെ ഭവനവായ്‌പ നിരക്ക്. അതായത് 35 ലക്ഷം രൂപ വരെയുള്ള ഭവനവായ്‌പകൾക്ക് 7.70 ശതമാനവും 35 മുതൽ 75 ലക്ഷം രൂപ വരെയുള്ള വായ്‌പകൾക്ക് 7.95 ശതമാനവും. വായ്‌പ തുകയുടെ 0.5 മുതൽ 1 ശതമാനം വരെ പ്രോസസ്സിംഗ് ഫീസ് ഇനത്തിൽ ഐസിഐസിഐ ബാങ്ക് ഈടാക്കും. പരമാവധി 1,500 രൂപയും ജിഎസ്ടിയും. മുംബൈ, ഡൽഹി, ബെംഗളൂരു തുടങ്ങിയ നഗരങ്ങളിൽ പരമാവധി പ്രോസസ്സിംഗ് ഫീസ് 2,000 രൂപയും ജിഎസ്ടിയുമാണ്.

എസ്‌ബി‌ഐ ഉൾപ്പെടെയുള്ള ബാങ്കുകൾക്ക് ചില സമയങ്ങളിൽ ഒരു പ്രത്യേക കാലയളവിലേക്ക് പ്രോസസ്സിംഗ് ഫീസിൽ ഇളവ് വാഗ്ദാനം ചെയ്യാറുണ്ട്. അതിനാൽ അത്തരം ഓഫർ ലഭ്യമാണോയെന്ന് അറിയാൻ നിങ്ങളുടെ അടുത്തുള്ള ബാങ്ക് ശാഖയുമായി ബന്ധപ്പെടേണ്ടതാണ്.