മികച്ച വായ്പാ ഉറപ്പാക്കാൻ ക്രെഡിറ്റ്‌ സ്കോറുകൾ ഉയർത്താനുള്ള മാർഗങ്ങൾ

ക്രെഡിറ്റ്‌ സ്കോറുകൾ അടിസ്ഥാനമാക്കിയാണ് നിങ്ങളുടെ വായ്പാ യോഗ്യതയെ തീരുമാനിക്കുന്നത്. മികച്ച പലിശ നിരക്കുകൾ, വായ്പയുടെ ഉയർന്ന പരിധികൾ, വായ്പ അംഗീകരിക്കാനുള്ള സാധ്യതകൾ തുടങ്ങിയവയെല്ലാം ഒരു നല്ല ക്രെഡിറ്റ്‌ സ്കോറിന് നേടിയെടുക്കാനാവും. നിങ്ങളുടെ ക്രെഡിറ്റ്‌ സ്കോർ മെച്ചപ്പെടുത്തുന്നതിലുള്ള ഏറ്റവും നല്ലൊരു മാർഗമാണ്, നിങ്ങളുടെ ക്രെഡിറ്റ്‌ കാർഡ് ബില്ലിന്റെ കൃത്യസമയത്തുള്ള തിരിച്ചടവ്. ക്രെഡിറ്റ്‌ കാർഡിലെ പണമിടപാടുകളടക്കമുള്ള ബില്ലുകൾ സമയത്തിനനുസരിച്ച് തിരിച്ചടക്കുന്നതിലാണ് നിങ്ങൾ കൂടുതൽ ശ്രദ്ധ ചെലുത്തേണ്ടത്.

5 ലക്ഷം നിക്ഷേപിച്ചാൽ 15 ലക്ഷം റിട്ടേൺ ലഭിക്കുന്ന പോസ്റ്റ്‌ ഓഫീസിന്റെ കിടിലൻ പദ്ധതി

ക്രെഡിറ്റ്‌ കാർഡ് ബില്ലുകളുടെ തിരിച്ചടവ് വൈകുന്നതിനനുസരിച്ച്, നിങ്ങൾക്ക് പിഴ ലഭിക്കുകയും വായ്പാ പദ്ധതികളിലെ പലിശ നിരക്ക് ഉയരുകയും ചെയ്യുന്നു. കൂടാതെ, നിങ്ങളുടെ വായ്പ തുകയെ കുറയ്ക്കുന്ന തരത്തിലുള്ള തീരുമാനത്തിൽ ബാങ്ക് എത്തിച്ചേരുകയും ചെയ്യുന്നു. നിങ്ങളുടെ ക്രെഡിറ്റ്‌ കാർഡ് ബില്ലിന്റെ സമയബന്ധിതമായ തിരിച്ചടവിനും ക്രെഡിറ്റ്‌ സ്കോർ മെച്ചപ്പെടുത്തുന്നതിനും, ചില കാര്യങ്ങൾ ശ്രദ്ധിക്കേണ്ടതുണ്ട്. അതെന്തൊക്കെയാണെന്ന് നോക്കാം.

നിങ്ങളുടെ ക്രെഡിറ്റ്‌ കാർഡ് ബില്ലുകൾ അടയ്ക്കുന്നതിനായി, ഫോണിലോ ഇമെയിൽ വഴിയോ റിമൈൻഡറുകൾ സജ്ജീകരിക്കുന്നത് എന്തുകൊണ്ടും നല്ലതാണ്. കാരണം, അത് പേയ്‌മെന്റിന്റെ അവസാന തീയതി ഓർമപ്പെടുത്താൻ നിങ്ങളെ സഹായിക്കും. അതുപോലെ നിങ്ങളുടെ വായ്പകൾ , ക്രെഡിറ്റ്‌ കാർഡ് ബില്ലുകൾ എന്നിവ പോലുള്ള നിർണായക പേയ്മെന്റുകൾ ഓട്ടോമേറ്റ് ചെയ്യുകയാണെങ്കിൽ, വൈകി തിരിച്ചടവ് ഒഴിവാക്കാനും അധിക ചാർജുകളോ പലിശയോ ഇല്ലാതാക്കാനും കഴിയും. ഇനി സാധ്യമെങ്കിൽ, നിങ്ങളുടെ ക്രെഡിറ്റ്‌ കാർഡുകളുടെ അവസാന തീയതിയും ശമ്പളം ലഭിക്കുന്ന തീയതിയും അടുത്ത ദിവസങ്ങളിലായി ചേർക്കാൻ ശ്രമിക്കുക.

ചെലവ് അവലോകനം നല്ലൊരു ക്രെഡിറ്റ്‌ സ്കോറിനായി നിങ്ങൾ ശ്രദ്ധിക്കേണ്ട മറ്റൊരു പ്രധാന കാര്യമാണ്. മാത്രമല്ല, നിങ്ങളുടെ ക്രെഡിറ്റ്‌ റിപ്പോർട്ട്‌ പതിവായി അല്ലെങ്കിൽ മാസത്തിൽ ഒരിക്കലെങ്കിലും പരിശോധിക്കുന്നത് നല്ലതാണ്. നിങ്ങളുടെ റിപ്പോർട്ട് വിശകലനം ചെയ്യുന്നതിലൂടെ, ക്രെഡിറ്റ്‌ സ്കോറിനെ ബാധിക്കുന്ന കാര്യങ്ങൾ കണ്ടെത്താൻ സാധിക്കും. ഓരോ മാസവും നിങ്ങളുടെ ക്രെഡിറ്റ്‌ കാർഡിലെ തുക സ്ഥിരമായി അടയ്ക്കുന്നത് ക്രെഡിറ്റ്‌ സ്കോർ മെച്ചപ്പെടുത്തുന്നതിനുള്ള മറ്റൊരു മാർഗമാണ്. മാത്രമല്ല, കൃത്യസമയത്ത് പണമടയ്ക്കുന്നത് വൈകി അടയ്ക്കുമ്പോഴുള്ള പിഴയിൽ നിന്നും അധിക പലിശയിൽ നിന്നും നിങ്ങളെ രക്ഷിക്കും. ഇതൊക്കെയും നിങ്ങൾ പ്രയോഗിക്കുന്നതിലൂടെ നിങ്ങളുടെ ക്രെഡിറ്റ്‌ സ്കോർ ഉയർത്താൻ സാധിക്കും. നിങ്ങളുടെ കടം കൃത്യസമയത്ത് അടയ്ക്കുകയും ഉത്തരവാദിത്തമുള്ള സമീപനം വായ്പയോട് കാണിക്കുകയും ചെയ്യുമ്പോൾ, ബാങ്ക് നിങ്ങളുടെ ക്രെഡിറ്റ്‌ പരിധി വർധിപ്പിക്കുന്നതാണ്.