2 കോടി എങ്ങനെ 3 കോടിയാക്കി മാറ്റാം; നിക്ഷേപങ്ങൾ ഇങ്ങനെ പ്ലാൻ ചെയ്യൂ

നിക്ഷേപം എപ്പോൾ തുടങ്ങണം എന്ന ചിന്ത പലരിലും ഉണ്ടാകാറുണ്ട്. ഇന്ന് തുടങ്ങണോ അതോ കുറച്ച് മാസങ്ങൾക്കുശേഷം തുടങ്ങമോ അതോ കുറച്ച് വർഷങ്ങൾക്കുശേഷം തുടങ്ങണോ എന്നിങ്ങനെ ചിന്തകൾ പലപ്പോഴും മാറി വരാറുണ്ട്. എന്നാൽ, ഈ ചിന്തകളൊക്കെ മാറ്റിവച്ച് എത്രയും വേഗം നിക്ഷേപം തുടങ്ങുന്നതാണ് ഭാവി ജീവിതത്തിന് സുരക്ഷിതം.

15000 നിക്ഷേപിച്ചാൽ 2 കോടിക്കു മുകളിൽ നേടാം; 50,000 രൂപയിലധികം പ്രതിമാസ പെൻഷനും ഉറപ്പാണ്

പ്രതിമാസ വരുമാനത്തിൽനിന്ന് കുറച്ച് തുക നിക്ഷേപങ്ങൾക്കായി മാറ്റിവയ്ക്കുന്നത് ദീർഘകാലാടിസ്ഥാനത്തിൽ വലിയൊരു സമ്പാദ്യം നിങ്ങൾക്ക് നൽകും. എന്നാൽ, ഇങ്ങനെ പ്രതിമാസ വരുമാനത്തിൽ നിന്ന് എല്ലാ മാസവും കുറച്ച് തുക ലാഭിച്ച് എവിടെയെങ്കിലും നിക്ഷേപിച്ചാൽ ഭാവിയിൽ സാമ്പത്തിക ആവശ്യങ്ങൾ നിറവേറ്റാൻ സഹായിക്കുന്ന ഒരു കോർപ്പസ് സൃഷ്ടിക്കില്ലെന്ന ചിന്തയും ചിലരെ പിന്നോട്ടു വലിക്കാറുണ്ട്. എന്നാൽ, ഒരാളുടെ നിക്ഷേപ കാലാവധി കൂടുന്തോറും അവർക്ക് ഉയർന്ന സമ്പാദ്യം ലഭിക്കുമെന്നതിൽ യാതൊരു തർക്കവുമില്ല.

നിങ്ങളുടെ ശമ്പള പരിധി ഉയരുന്നതുവരെ നിക്ഷേപം നടത്താൻ കാത്തിരുന്നാൽ, നിങ്ങളേക്കാൾ 10 വർഷം മുമ്പ് ചെറിയ തുക ഉപയോഗിച്ച് നിക്ഷേപം തുടങ്ങിയ ഒരാൾക്ക് വലിയ കോർപ്പസ് നേടിയെടുക്കാൻ കഴിയും. പ്രതിമാസം 10000 രൂപ നിക്ഷേപിച്ച് 5 വർഷം കൊണ്ട്1.08 കോടി രൂപ എങ്ങനെ സമ്പാദിക്കാൻ കഴിയുമെന്ന് നോക്കാം.

30-ാം വയസിൽ പ്രതിമാസം 10,000 രൂപ നിക്ഷേപം തുടങ്ങുക. 60 വയസുവരെ ഇങ്ങനെ നിക്ഷേപം തുടരുക. 12 ശതമാനം വാർഷിക വരുമാനം കണക്കാക്കിയാൽ, 36 ലക്ഷം രൂപയുടെ മൊത്തം നിക്ഷേപത്തിൽ നിങ്ങൾക്ക് 3.08 കോടി രൂപ ലഭിക്കും. 35 വയസിൽ പ്രതിമാസ നിക്ഷേപം 12,000 രൂപ നിക്ഷേപം നടത്തിയാലും 60 വയസ് ആകുമ്പോൾ 2 കോടിയേ നിങ്ങൾക്ക് സമ്പാദിക്കാൻ കഴിയൂ.

എത്ര ക്രെഡിറ്റ് കാർഡുണ്ടെങ്കിലും ഇനി ചിലവ് കൂടില്ല, പക്ഷേ ഉയർന്ന ക്രെഡിറ്റ് സ്കോർ നേടാം

അതായത്, 5 വർഷം കാലതാമസം വരുത്തുമ്പോൾ 35-ാം വയസിലാണ് നിങ്ങൾ നിക്ഷേപം നടത്തുന്നത്. 25 വർഷത്തേക്കാണ് നിക്ഷേപം നടത്താനാവുക. 5 വർഷം കൊണ്ട് 36 ലക്ഷമാണ് നിക്ഷേപിക്കപ്പെടുക. പ്രതിവർഷം 12 ശതമാനം റിട്ടേൺ കണക്കാക്കിയാലും 2 കോടിയായിരിക്കും നിങ്ങളുടെ ആകെ സമ്പാദ്യം. നിക്ഷേപം ആരംഭിക്കുന്നതിലെ കാലതാമസം കാരണം നിങ്ങൾക്ക് ഏകദേശം ഒരു കോടി രൂപ നഷ്ടമാകും.

കാലതാമസം എപ്പോഴും നിങ്ങളുടെ നിക്ഷേപങ്ങൾക്ക് തിരിച്ചടി ഉണ്ടാക്കും. നിങ്ങൾ കാത്തിരിക്കുന്ന ഓരോ വർഷവും നിക്ഷേപ തുകയ്ക്ക് പ്രതിവർഷം ലഭിക്കുന്ന പലിശ നഷ്ടത്തിലാക്കും. ഇതിലൂടെ മൊത്തം നിക്ഷേപ തുകയിൽനിന്നും നിങ്ങൾക്ക് അധികമായി നേടാൻ കഴിയുന്ന വരുമാനം നഷ്ടത്തിലാക്കും. അതിനാൽ, മറ്റൊന്നും ചിന്തിക്കാതെ ഇന്നുതന്നെ നിക്ഷേപം തുടങ്ങുക.