5 ലക്ഷം രൂപ നിക്ഷേപിച്ചാൽ 15 ലക്ഷം റിട്ടേൺസ് നേടാം; കൂടുതലറിയാം

ഒരു കുട്ടി ജനിക്കുമ്പോൾ തന്നെ, അവന്/അവൾക്ക് ഏറ്റവും മികച്ച ഒരു ജീവിതം ഉണ്ടാകണമെന്നാണ് ഓരോ മാതാപിതാക്കളും ആഗ്രഹിക്കുന്നത്. അതുകൊണ്ട് തന്നെ, കുട്ടി ജനിച്ചത് മുതൽ മാതാപിതാക്കൾ എല്ലാ രീതിയിലുമുള്ള സാമ്പത്തിക ആസൂത്രണവും ആരംഭിക്കുന്നു. ചിലർ കുട്ടിയുടെ പേരിൽ പി.പി.എഫ്, സുകന്യ തുടങ്ങിയ പദ്ധതികളിൽ നിക്ഷേപം തുടങ്ങുമ്പോൾ, മറ്റു പലരും കുട്ടിയുടെ ഭാവി ആവശ്യങ്ങൾക്കായി മറ്റേതെങ്കിലും പദ്ധതി തിരഞ്ഞെടുക്കുന്നു.

എൻ.പി.എസ് നികുതി ആനുകൂല്യങ്ങൾ; ശമ്പളമുള്ള വ്യക്തികൾക്ക് എത്രത്തോളം ലാഭിക്കാൻ സാധിക്കും?

നിങ്ങൾക്കും ഒരു വലിയ തുക നിക്ഷേപിക്കാൻ താല്പര്യമുണ്ടെങ്കിൽ, അത് പോസ്റ്റ്‌ ഓഫീസ് എഫ്.ഡിയിൽ നിക്ഷേപിക്കുന്നത് വളരെ മികച്ചൊരു തിരഞ്ഞെടുപ്പാണ്. പോസ്റ്റ്‌ ഓഫീസ് എഫ്.ഡികൾ ബാങ്കുകളെക്കാൾ മികച്ച പലിശയാണ് വാഗ്ദാനം ചെയ്യുന്നത്. ഈ പദ്ധതിയിൽ നിക്ഷേപിക്കുന്നതിലൂടെ, നിങ്ങൾക്ക് മൂന്നിരട്ടിയിലധികം റിട്ടേൺ ഉണ്ടാക്കാം. അതായത് 5 ലക്ഷം രൂപ നിക്ഷേപിച്ചാൽ 15 ലക്ഷത്തിൽ കൂടുതൽ ഉണ്ടാക്കാം. അതെങ്ങനെ സംഭവിക്കുന്നുവെന്ന് നോക്കാം.

5 ലക്ഷം 15 ലക്ഷമാക്കാൻ നിങ്ങൾ ആദ്യം 5 വർഷത്തേക്ക് ഒരു പോസ്റ്റ്‌ ഓഫീസ് എഫ്.ഡിയിൽ 5 ലക്ഷം നിക്ഷേപിക്കണം. 5 വർഷത്തെ എഫ്.ഡിക്ക് പോസ്റ്റ്‌ ഓഫീസ് 7.5 ശതമാനം പലിശ നൽകുന്നു. അങ്ങനെ നിലവിലെ പലിശ നിരക്ക് കണക്കാക്കിയാൽ, 5 വർഷത്തിന് ശേഷമുള്ള നിങ്ങളുടെ സമ്പാദ്യം 7,24,974 രൂപയാകും. നിങ്ങൾ ഈ തുക പിൻവലിക്കാതെ, അടുത്ത 5 വർഷത്തേക്ക് കൂടി നിക്ഷേപിക്കുക. ഈ രീതിയിൽ 10 വർഷത്തിനുള്ളിൽ 5 ലക്ഷം രൂപയ്ക്ക് പലിശയിനത്തിൽ മാത്രം നിങ്ങൾക്ക് 5,51,175 രൂപ ലഭിക്കും. അങ്ങനെ നിങ്ങളുടെ മൊത്തം സമ്പാദ്യം 10,51,175 രൂപയായി മാറുകയും ചെയ്യും.

സാമ്പത്തിക സ്വാതന്ത്ര്യം നേടാൻ നിർബന്ധമായും അറിഞ്ഞിരിക്കേണ്ട ഏഴ് കാര്യങ്ങൾ

എന്നാൽ ഈ തുക പത്ത് വർഷത്തിന് ശേഷവും പിൻവലിക്കാതെ, അടുത്ത 5 വർഷത്തേക്ക് കൂടി നിക്ഷേപിക്കണം. ഇങ്ങനെ നിങ്ങളുടെ ആകെ നിക്ഷേപ കാലയളവ് 15 വർഷമായിരിക്കും. 15 വർഷത്തിന് ശേഷം കാലാവധി പൂർത്തിയാകുമ്പോൾ, നിക്ഷേപിച്ച 5 ലക്ഷം രൂപയ്ക്ക് പലിശയിൽ നിന്ന് മാത്രം നിങ്ങൾക്ക് 10,24,149 രൂപ ലഭിക്കും. നിങ്ങളുടെ നിക്ഷേപതുകയും പലിശയും കൂട്ടിച്ചേർക്കുമ്പോൾ, നിങ്ങൾക്ക് മൊത്തം 15,24,149 രൂപ റിട്ടേൺ ലഭിക്കും. സാധാരണയായി കൗമാരപ്രായമെത്തുമ്പോഴാണ് കുട്ടിക്ക് പണത്തിന്റെ ആവശ്യം വർധിക്കുന്നത്. അങ്ങനെ നോക്കുമ്പോൾ ഏകദേശം കൗമാരപ്രായത്തിൽ തന്നെ കുട്ടിക്ക് വേണ്ടി ചെലവഴിക്കാൻ 15 ലക്ഷം രൂപ സുരക്ഷിതമായി ഉണ്ടാക്കാൻ നിങ്ങൾക്ക് സാധിക്കും.