ഐഡിബിഐ ഗോള്‍ഡ് ഫണ്ട് വിപണിയില്‍

<p><strong>

</strong>ഐഡിബിഐ മ്യൂച്ചല്‍ഫണ്ട് ഐഡിബിഐ ഗോള്‍ഡ് ഫണ്ട് എന്ന പേരില്‍ പുതിയ ഫണ്ട് വിപണിയിലിറക്കി. ഓപണ്‍ എന്‍ഡഡ് ഫണ്ടിന്റെ എന്‍എഫ്ഒ ജൂലായ് 25ന് തുടങ്ങും. ആഗസ്ത് എട്ടാണ് അവസാന തിയ്യതി. ആഗസ്ത് 23ന് ഫണ്ട് വിപണിയില്‍ റീ ഓപണ്‍ ചെയ്യും.</p> <p>ഐഡിബിഐ ഗോള്‍ഡ് ഇടിഎഫുമായി ബന്ധപ്പെട്ടതാണ് ഈ ഫണ്ട്. ഗ്രോത്ത് ഓപ്ഷനില്‍ മാത്രമാണ് ഇത് ലഭിക്കുക. ഒരു യൂനിറ്റിന് പത്തുരൂപയാണ് നിശ്ചയിച്ചിട്ടുള്ളത്. 5000 രൂപയാണ് നിക്ഷേപിക്കാവുന്ന മിനിമം തുക.</p> <p>തുകയുടെ 95 മുതല്‍ 100 ശതമാനം വരെ ഗോള്‍ഡ് എക്‌സ്‌ചേഞ്ച് ട്രേഡഡ് ഫണ്ടിലാണ് നിക്ഷേപിക്കുക. അതല്ലെങ്കില്‍ അഞ്ചു ശതമാനം ഷോര്‍ട്ട് ടേം നിക്ഷേപങ്ങളിലേക്ക് വഴിമാറ്റും. നിശ്ചിത ഇടവേളകളില്‍ പണമടയ്ക്കാന്‍ കഴിയുന്ന സിപ്(സിസ്റ്റമാറ്റിക് ഇന്‍വെസ്റ്റ്‌മെന്റ് പ്ലാന്‍)രീതിയിലും ഈ ഫണ്ടില്‍ നിക്ഷേപം നടത്താന്‍ സാധിക്കും.</p> <p>പ്രതിമാസം 500 രൂപയാണ് സിപ് രീതിയില്‍ നിക്ഷേപിക്കാവുന്ന ഏറ്റവും കുറഞ്ഞ തുക. ചുരുങ്ങിയത് ആറുമാസത്തേക്കെങ്കിലും നിക്ഷേപിക്കാന്‍ തയ്യാറാവണം. ക്വാര്‍ട്ടേര്‍ലി നിക്ഷേപിക്കാനുദ്ദേശിക്കുന്നവര്‍ 1500 രൂപ മിനിമം നിക്ഷേപിക്കണം.</p> <p>എന്‍ട്രി ലോഡില്ലെങ്കിലും 12 മാസത്തിനു മുമ്പ് പുറത്തിറങ്ങണമെങ്കില്‍ ഒരു ശതമാനം എക്‌സിറ്റ് ലോഡ് ചാര്‍ജ് നല്‍കണം.</p>