വായ്പകള്‍ സുലഭമാക്കുന്നതിന്റെ ഭാഗമായി എസ്ബിഐ വായ്പാ നിരക്ക് 5 പോയിന്റ് കുറച്ച് 9.15 ശതമാനമാക്കിയതായി റിപ്പോര്‍ട്ടുകള്‍.

മെയ് 1 മുതല്‍ പുതിയ വായ്പാ നിരക്കുകള്‍ നിലവില്‍ വന്നതായി ബാങ്ക് പുറത്തിറക്കിയ റിലീസില്‍ പറയുന്നു.

കഴിഞ്ഞ മാസം റിസര്‍വ് ബാങ്ക് റിപ്പോ നിരക്ക് 25 പോയിന്റ് കുറച്ചതോടെ എസ്ബിഐ എംസിഎല്‍ആര്‍ 9.20 ആക്കിയിരുന്നു.ഈ ഇളവോടെ വനിതാ അപേക്ഷകര്‍ക്ക് ഭവനവായ്പാ നിരക്കുകള്‍ 9.35 ശതമാനമായും മറ്റുള്ളവര്‍ക്ക് 9.40 ശതമാനമായും കുറഞ്ഞിരുന്നു.

കാര്‍ വായ്പകളും 5 പോയിന്റ് താഴ്ത്തിയിരുന്നു. ഗവണ്‍മെന്റ് അധികാരത്തിലുള്ള ബാങ്ക് എസ്ബിഐ കാര്‍ ലോണുകള്‍,എന്‍ആര്‍ഐ കാര്‍ ലോണുകള്‍, എസ്ബിഐ കോമ്പോ ലോണ്‍ സ്‌കീം,എസ്ബിഐ ലോയല്‍റ്റി കാര്‍ ലോണ്‍ സ്‌കീം എന്നിവയ്ക്ക് 500 രൂപ പ്രോസസിംഗ് ചാര്‍ജ് ഈടാക്കുന്നുണ്ട്.