ഡിജിറ്റല്‍ ഇടപാടുകളെ പ്രോഝാഹിപ്പിക്കുന്നതിന്റെ ഭാഗമായി, മൊബൈല്‍ ഫോണ്‍ വഴി ബാങ്ക് ഇടപാടുകള്‍ സാധ്യമാക്കാന്‍ എസ്ബിഐയുമായി ചേര്‍ന്ന് ബിഎസ്എന്‍എല്‍ 'മൊബി ക്യാഷ്' മൊബൈല്‍ വാലറ്റിന് തുടക്കമിട്ടു. ഇന്റര്‍നെറ്റും സ്മാര്‍ട്ട്‌ഫോണും വേണ്ടെന്നുള്ളതാണ് ഇതിന്റെ മികവ്. ഏതു മൊബൈല്‍ ഫോണിലും ഈ വോലറ്റ് ഉപയോഗിക്കാമെന്നു ബിഎസ്എന്‍എല്‍ കേരള ചീഫ് ജനറല്‍ മാനേജര്‍ ആര്‍.മണി പറഞ്ഞു.

ഐഎഫ്എസ് കോഡുപയോഗിച്ചു ബാങ്കിലേക്കു പണം അടയ്ക്കാനും മൊബൈല്‍ ഫോണ്‍ ബില്‍, ഇലക്ട്രിസിറ്റി, വാട്ടര്‍ അതോറിറ്റി ബില്‍ അടയ്ക്കാനും മൊബൈല്‍ റീചാര്‍ജ് ചെയ്യാനും വാലറ്റ് സഹായിക്കും. ബാങ്ക് അക്കൗണ്ടില്ലാത്തവര്‍ക്കും ഓണ്‍ലൈന്‍, ഡിജിറ്റല്‍ പണമിടപാടുകളും വ്യാപാരങ്ങളും നടത്താന്‍ സഹായകരമാണ്.

നിശ്ചിത തുക ഇതില്‍ നിക്ഷേപിച്ചാല്‍ മൊബി ക്യാഷ് വ്യാപാരങ്ങള്‍ക്കോ ഇടപാടുകള്‍ക്കോ ഉപയോഗിക്കാം. എന്നാല്‍ 0.5 മുതല്‍ മൂന്നു ശതമാനം വരെയാകും സര്‍വീസ് ചാര്‍ജ് ഈടാക്കും.