Click it and Unblock the Notifications
ശബ്ദതരംഗങ്ങളിലൂടെ പണമിടപാടുമായി ഫ്രീചാര്ജ്
ടണ് ടാഗ് എന്ന ടെക് കമ്പനിയുമായി സഹകരിച്ചാണ് ഫ്രീ ചാര്ജ് ശബ്ദതരംഗങ്ങളെ ആധാരമാക്കി പണമിടപാടുകള് നടത്താവുന്ന ആപ്ലിക്കേഷന് ഒരുക്കുന്നത്.
ശബ്ദതരംഗങ്ങളിലൂടെ പണമിടപാട് സാധ്യമാക്കുന്ന സാങ്കേതിക വിദ്യയുമായി രാജ്യത്തെ പ്രമുഖ ഡിജിറ്റല് പേമെന്റ് കമ്പനിയായ ഫ്രീ ചാര്ജ് രംഗത്ത് വരുന്നു.
ടണ് ടാഗ്
ടണ് ടാഗ് എന്ന ടെക് കമ്പനിയുമായി സഹകരിച്ചാണ് ഫ്രീ ചാര്ജ് ശബ്ദതരംഗങ്ങളെ ആധാരമാക്കി പണമിടപാടുകള് നടത്താവുന്ന ആപ്ലിക്കേഷന് ഒരുക്കുന്നത്. അതായത്, ശബ്ദതരംഗം മാധ്യമമാക്കിയാണ് ഈ പുതിയ ആപ്ലിക്കേഷന്റെ പ്രവര്ത്തനം. ഇതിന്റെ സഹായത്തോടെ ഫ്രീ ചാര്ജിന്റെ ഉപയോക്താക്കള്ക്ക് ശബ്ദമുപയോഗിച്ച് പണം കൈമാറ്റം നടത്താനാകുമെന്ന് കമ്പനി പറയുന്നു.
എങ്ങനെ ഉപയോഗിക്കാം?
ഉപഭോക്താക്കള് തങ്ങളുടെ ഫ്രീ ചാര്ജ് ആപ്പില് 'പേ' അല്ലെങ്കില് 'സെന്ഡ്' ഓപ്ഷന് തിരഞ്ഞെടുത്തശേഷം സൗണ്ട് പേമെന്റ് എന്ന ഓപ്ഷന് ക്ലിക്ക് ചെയ്താല് മതി. ശേഷം വ്യാപാരി ഇടപാട് വിവരങ്ങള് തന്റെ പ്ലാറ്റ്ഫോമില് നല്കണം. വ്യാപാരിയുടെ ആപ്പ് പുറത്തുവിടുന്ന ശബ്ദതരംഗങ്ങള് ഇടപാടുകാരുടെ ആപ്പിലെത്തും. ഒടിപി, ക്യൂആര് കോഡ് തുടങ്ങിയ ഒഥന്റിക്കേഷന് നടപടികള് ഈ ഫ്രീ ചാര്ജ് ആപ്പില് ഇല്ല. ഇടപാടുകാര് പേ ബട്ടണ് ക്ലിക്ക് ചെയ്താല് മൈക്രോ സെക്കന്ഡുകള്ക്കുള്ളില് കൈമാറ്റം പൂര്ത്തിയാകുമെന്നാണ് കമ്പനിയുടെ വാഗ്ദാനം.
Sign in with Google