വിവിധ സര്‍ക്കാര്‍ വകുപ്പുകളിലേക്ക് പണം അടയ്ക്കുന്നതിനായി ഇനി മുതല്‍ ഫെഡറല്‍ ബാങ്ക് പേയ്‌മെന്റ് ഗേറ്റ്‍വേ സംവിധാനം ഉപയോഗിക്കാം. ധനമന്ത്രി ഡോ. ടി.എം. തോമസ് ഐസകാണ് ഓണ്‍ലൈന്‍ പേയ്‌മെന്റ് സംവിധാനം ഉദ്ഘാടനം ചെയ്തത്.

ഡെബിറ്റ് അല്ലെങ്കില്‍ ക്രെഡിറ്റ് കാര്‍ഡ് ഉപയോഗിച്ച് 43 സര്‍ക്കാര്‍ വകുപ്പുകളിലേക്ക് ഫെഡറല്‍ ബാങ്ക് പേയ്‌മെന്റ് ഗേറ്റ്‍വേ വഴി പണം അടയ്ക്കാം. ഫെഡറല്‍ ബാങ്കിന്റെ ഉപഭോക്താക്കളല്ലാത്തവർക്കും ഈ സംവിധാനം ഉപയോ​ഗിക്കാവുന്നതാണ്.

വിവരാവകാശ ഫീസ്, ലൈസന്‍സ് ഫീസ്, എക്‌സൈസ് ഡ്യൂട്ടി, പോലീസ് ക്‌ളിയറന്‍സ് സര്‍ട്ടിഫിക്കറ്റ് ഫീസ്, പിഡബ്‌ള്യു.ഡി. കോണ്‍ട്രാക്ടര്‍മാരുെട ഫീസുകള്‍, രജിസ്‌ട്രേഷന്‍ ആവശ്യങ്ങള്‍ക്കായുള്ള സ്റ്റാമ്പ് പേപ്പര്‍ വാങ്ങാനുള്ള ഫീസ്, വനം വകുപ്പില്‍ നിന്ന് തടി വാങ്ങാനുള്ള ഫീസ് തുടങ്ങിയവ ഫെഡറല്‍ ബാങ്ക് ഓണ്‍ലൈൻ വഴി അടയ്ക്കാവുന്നതാണ്.

www.treasury.kerala.gov.in എന്ന ഓണ്‍ലൈന്‍ പോര്‍ട്ടല്‍ വഴി ഈ സേവനം പ്രയോജനപ്പെടുത്താവുന്നതാണ്.

malayalam.goodreturns.in