ഇ കൊമേഴ്‌സ് രംഗത്ത് ഇന്ത്യയില്‍ ആദ്യ സംഘടന നിലവില്‍ വന്നു; ആമസോണും ഫ്‌ളിപ്കാര്‍ട്ടും പുറത്ത്

By
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: ഇന്ത്യയില്‍ ഇ കൊമേഴ്‌സ് രംഗത്ത് പ്രവര്‍ത്തിക്കുന്ന കമ്പനികളുണ്ടാക്കിയ പ്രഥമ സംഘടനയില്‍ യുഎസ് കമ്പനിയായ ആമസോണിനും വാള്‍മാര്‍ട്ടിന്റെ കീഴിലുള്ള ഫ്‌ളിപ്കാര്‍ട്ടിനും സ്ഥാനമില്ല. ഇന്ത്യന്‍ കമ്പനികള്‍ ചേര്‍ന്ന് രൂപീകരിച്ച ദി ഇ-കൊമേഴ്‌സ് കൗണ്‍സില്‍ ഓഫ് ഇന്ത്യ (ടിഇസിഐ)യിലാണ് ഈ പ്രധാന കമ്പനികളെ പുറത്തുനിര്‍ത്തിയത്. ഇന്ത്യന്‍ ഓണ്‍ലൈന്‍ ബിസിനസ് സ്ഥാപനങ്ങളായ സ്‌നാപ്ഡീല്‍, ഷോപ്ക്ലൂസ്, ഫിന്റ്, അര്‍ബന്‍ ക്ലാപ്, ബേവകൂഫ്, മാമഎര്‍ത്ത്, ഷോപ്പ് 101 തുടങ്ങിയവ ചേര്‍ന്നാണ് 12 അംഗ അസോസിയേഷന് രൂപം നല്‍കിയത്.

 
ഇ കൊമേഴ്‌സ് രംഗത്ത് ഇന്ത്യയില്‍ ആദ്യ സംഘടന നിലവില്‍ വന്നു; ആമസോണും ഫ്‌ളിപ്കാര്‍ട്ടും പുറത്ത്

മറ്റു കമ്പനികളുടെ കീഴില്‍ പ്രവര്‍ത്തിക്കുന്ന സ്ഥാപനങ്ങള്‍ ആയതിനാലാണ് ഫ്‌ളിപ്കാര്‍ട്ടിനെയും ആസമോണിനെയും കൗണ്‍സിലിലേക്ക് പരിഗണിക്കപ്പെടാതിരുന്നതെന്നും അവര്‍ക്ക് ഏതു സമയത്തും കൗണ്‍സിലില്‍ അംഗത്വമെടുക്കാമെന്നും ഫിന്റിന്റെ സഹസ്ഥാപനകനും പുതുതായി രൂപീകരിക്കപ്പെട്ട അസോസിയേഷന്‍ അംഗവുമായ ഹര്‍ഷ് ഷാ പറഞ്ഞു. രാജ്യത്തിന് പുറത്തുള്ള നിക്ഷേപകരാല്‍ നിയന്ത്രിക്കപ്പെടാത്ത ഇന്ത്യന്‍ കമ്പനികളെയാണ് ഇതില്‍ ഉള്‍പ്പെടുത്തിയിരിക്കുന്നതെന്നും അദ്ദേഹം പറഞ്ഞു. ഇവിടത്തെ കമ്പനികള്‍ ഒന്നിച്ചു ചേര്‍ന്ന് ഈ രംഗത്തെ പ്രതിനിധികളായി മാറുകയെന്നതാണ് അസോസിയേഷന്റെ ലക്ഷ്യം. ഇ-കൊമേഴ്‌സ് മേഖലയില്‍ രാജ്യത്തുണ്ടായ വളര്‍ച്ചയും ഇതുമായി ബന്ധപ്പെട്ട് സുപ്രധാന നിയമനിര്‍മാണങ്ങള്‍ നടക്കാനിരിക്കുന്നതും പരിഗണിച്ചാണ് ഇത്തരമൊരു സംഘടനയ്ക്ക് രൂപം നല്‍കിയതെന്നും അദ്ദേഹം അറിയിച്ചു.

എന്താണ് പിങ്ക് ടാക്സ്? നിങ്ങൾ ഈ നികുതി അടയ്ക്കുന്നുണ്ടോ? സ്ത്രീകൾ പറ്റിക്കപ്പെടുന്നത് ഇങ്ങനെ

കേന്ദ്ര സര്‍ക്കാര്‍ പ്രസിദ്ധീകരിച്ച 41 പേജുള്ള ഇ-കൊമേഴ്‌സ് കരട് നിയമം പരിശോധിച്ചുവരികയാണെന്നും ഇതുമായി ബന്ധപ്പെട്ട് ഉടന്‍ തന്നെ അസോസിയേഷന്‍ പ്രസ്താവന ഇറക്കുമെന്നും അദ്ദേഹം അറിയിച്ചു. കരട് നിയമത്തെ കുറിച്ച് ഓരോ കമ്പനിയും വെവ്വേറെ അഭിപ്രായങ്ങള്‍ സമര്‍പ്പിക്കുന്നതിനേക്കാള്‍ എല്ലാവരും ഒന്നിച്ച് അസോസിയേഷന്റെ പേരില്‍ പ്രതികരണം അറിയിക്കുന്നതാണ് നല്ലതെന്നുള്ള തിരിച്ചറിവും ഇതിന്റെ രൂപികരണത്തിന് കാരണമായി അദ്ദേഹം ചൂണ്ടിക്കാട്ടി.

English summary

the e commerce council of india

the e commerce council of india
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X