എസ്ബിഐ വായ്പകളുടെ പലിശ നിരക്ക് കുറച്ചു; ഭവന വായ്പകൾക്ക് കൂടുതൽ ഇളവ്

നിരക്കുകൾ ഇങ്ങനെ

ഭവന വായ്പയുടെ ഏറ്റവും കുറഞ്ഞ നിരക്കായ 8.70 ശതമാനത്തിൽ നിന്ന് 8.60 ശതമാനമായാണ് പലിശ കുറച്ചിരിക്കുന്നത്. കൂടാതെ ഉയർന്ന നിരക്ക് ഒമ്പതു ശതമാനത്തിൽ നിന്ന് 8.90 ശതമാനമായും കുറച്ചു. പുതുക്കിയ നിരക്കുകൾ ഇന്ന് മുതൽ പ്രാബല്യത്തിൽ വരും.

എംസിഎൽആർ റേറ്റ്

അടിസ്ഥാന നിരക്കായ ‘മാർജിനൽ കോസ്റ്റ് ഓഫ് ലെൻഡിങ് റേറ്റി'ൽ (എം.സി.എൽ.ആർ.) 0.05 ശതമാനത്തിന്റെ കുറവാണ് വരുത്തിയിരിക്കുന്നത്. അതുകൊണ്ട് തന്നെ മറ്റു വായ്പകളുടെ പലിശയിലും നേരിയ കുറവുണ്ടാകും.

ആർബിഐ വായ്പാ നിരക്ക്

ആർ.ബി.ഐ. കഴിഞ്ഞയാഴ്ച റിപോ നിരക്കിൽ 0.25 ശതമാനത്തിന്റെ കുറവു വരുത്തിയിരുന്നു. ഇതിനെ തുടർന്നാണ് ബാങ്കുകൾ പലിശ നിരക്കിൽ മാറ്റം വരുത്തുന്നത്. ഏപ്രിൽ ഒന്നു മുതൽ റിപോ നിരക്ക് പോലുള്ള ബാഹ്യഘടകങ്ങളുടെ അടിസ്ഥാനത്തിൽ അടിസ്ഥാന പലിശ നിശ്ചയിക്കണമെന്ന് ആർ.ബി.ഐ. നേരത്തെ അറിയിച്ചിരുന്നു. എന്നാൽ വായ്പാ നയത്തെ തുടർന്ന് തീയതി നീട്ടുകയായിരുന്നു.

മറ്റ് ബാങ്കുകൾ

എസ്ബിഐ കൂടാതെ മറ്റ് ബാങ്കുകളും പലിശ നിരക്കിൽ ഇളവ് വരുത്തിയിട്ടുണ്ട്. താഴെ പറയുന്നവയാണ് പലിശ നിരക്ക് കുറച്ച ബാങ്കുകൾ. വരും ദിവസങ്ങളിൽ കൂടുതൽ ബാങ്കുകൾ പലിശ നിരക്ക് കുറയ്ക്കും.

• എച്ച്.ഡി.എഫ്.സി ബാങ്ക്
• ബാങ്ക് ഓഫ് ബറോഡ
• പഞ്ചാബ് നാഷണൽ ബാങ്ക്