നഷ്ട്ടവും പിഴയും

കാലാവധി അവസാനിക്കും മുമ്പ് നിങ്ങളുടെ എഫ്ഡി പിൻവലിച്ചാൽ, പലിശയായി കൂട്ടിച്ചേർക്കാവുന്ന പണം നിങ്ങൾക്ക് നഷ്ടപ്പെടും. കൂടാതെ പെട്ടെന്നുള്ള എഫ്ഡി പൊളിക്കൽ വഴി ബാങ്കുകൾക്ക് പിഴയും നൽകേണ്ടി വരും. സാധാരണയായി നിങ്ങളുടെ നിക്ഷേപ തുകയുടെ 1% ആണ് പിഴ നൽകേണ്ടി വരിക. ഓരോ ബാങ്കിലും ഈ നിരക്ക് വ്യത്യാസപ്പെടുന്നു

വിവിധ ബാങ്കുകളുടെ പിഴ നിരക്ക്

വിവിധ ബാങ്കുകൾ ഈടാക്കുന്ന പിഴ നിരക്ക് താഴെ പറയുന്ന രീതിയിലാണ്.

• എസ്‌ബി‌ഐ - 1%
• എച്ച്ഡിഎഫ്സി ബാങ്ക് - 1%
• ഐസിഐസിഐ ബാങ്ക് - 1.50% വരെ *
• പഞ്ചാബ് നാഷണൽ ബാങ്ക് - 1%
• ആക്സിസ് ബാങ്ക് - 1%
• കാനറ ബാങ്ക് - 1%
• ബാങ്ക് ഓഫ് ബറോഡ - 1%
• യൂണിയൻ ബാങ്ക് - പിഴ ഈടാക്കില്ല
• ഐഡിബിഐ ബാങ്ക് - 1%
• ബാങ്ക് ഓഫ് ഇന്ത്യ - 1%

എഫ്‍‍ഡിയിൽ നിന്ന് വായ്പ

നിങ്ങളുടെ എഫ്ഡിയിൽ നിന്ന് മൊത്തം പണവും പിൻവലിക്കാതെ തന്നെ, എഫ്‍ഡിയിൽ നിന്ന് വായ്പ എടുക്കാവുന്നതാണ്. പെട്ടെന്നുള്ള പണത്തിന്റെ ആവശ്യത്തിന് ഈ സേവനം ഉപയോ​ഗപ്പെടുത്താം. എഫ്ഡി നിക്ഷേപത്തിന്റെ 90% ആണ് ഇത്തരത്തിൽ നിങ്ങൾക്ക് വായ്പ എടുക്കാനാകുന്നത്. കൂടാതെ, വായ്പയുടെ പലിശനിരക്ക് സാധാരണ വായ്പയേക്കാൾ കുറവായിരിക്കും. എഫ്ഡിയിൽ നിന്ന് വായ്പ എടുക്കുന്നതിന് ബാങ്കുകൾ നിങ്ങളുടെ ക്രെഡിറ്റ് സ്കോർ പരിശോധിക്കുകയുമില്ല. നിങ്ങളുടെ മകൾക്ക് വേണ്ടി ഉറപ്പായും ചെയ്യേണ്ട മൂന്ന് കാര്യങ്ങൾ; അവളുടെ ഭാവിയും പണവും സുരക്ഷിതമാക്കൂ

വീതിച്ച് നിക്ഷേപിക്കുക

കൈയിലുള്ള മുഴുവൻ പണവും ഒരു എഫ്ഡിയിൽ നിക്ഷേപിക്കാതെ, പണം വിവിധ എഫ്‍ഡികളിലായി വീതിച്ച് നിക്ഷേപിക്കുന്നതായിരിക്കും കൂടുതൽ ബുദ്ധിപരമായ തീരുമാനം. കാരണം പെട്ടെന്ന് ചെറിയ തുകയ്ക്ക് ആവശ്യം വന്നാൽ വലിയ തുക നിക്ഷേപിച്ചിരിക്കുന്ന എഫ്‍ഡി പൊളിക്കുന്നത് നഷ്ട്ടമാണ്. ഫിക്സഡ് ഡിപ്പോസിറ്റിന് 9.88 ശതമാനം പലിശ; കാശ് നിക്ഷേപിക്കേണ്ടത് ഏത് ബാങ്കിലെന്ന് അറിയണ്ടേ?