രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ ഉപഭോക്താക്കൾക്ക് വ്യത്യസ്ത ആവശ്യങ്ങൾക്കായി നിരവധി വായ്പാ പദ്ധതികളാണ് വാഗ്ദാനം ചെയ്യുന്നത്. യുവാക്കൾക്ക് പ്രിയപ്പെട്ട സൂപ്പർ ബൈക്കുകൾ വാങ്ങാനും ബാങ്ക് വായ്പ നൽകും. എസ്ബിഐയുടെ ബൈക്ക് ലോണിനെക്കുറിച്ച് തീർച്ചയായും അറിയേണ്ട ചില കാര്യങ്ങൾ താഴെ പറയുന്നവയാണ്.
സൂപ്പർ ബൈക്കിന്റെ വില
ഒരു സൂപ്പർബൈക്ക് വാങ്ങാൻ ആവശ്യമായ പണമുപയോഗിച്ച് യഥാർത്ഥത്തിൽ ഒരു ഇടത്തരം സെഡാൻ അല്ലെങ്കിൽ ഹാച്ച്ബാക്ക് കാർ തന്നെ വാങ്ങാം. എന്നാൽ കാറുകളേക്കാൾ സൂപ്പർബൈക്ക് വാങ്ങാൻ ആഗ്രഹിക്കുന്നവരുടെ താൽപ്പര്യം പരിഹരിക്കുന്നതിനായാണ് എസ്ബിഐ ബൈക്ക് ലോൺ ഏർപ്പെടുത്തിയിരിക്കുന്നത്. എസ്ബിഐ ഒരു വ്യക്തിക്ക് കുറഞ്ഞത് 2.5 ലക്ഷം രൂപ വരെയാണ് വായ്പ വാഗ്ദാനം ചെയ്യുന്നത്. പരമാവധി 5 വർഷത്തെ തിരിച്ചടവ് കാലാവധിയാണുള്ളത്.
വായ്പാ തുക
കുറഞ്ഞത് വാഹനത്തിന്റെ എക്സ്-ഷോറൂം വിലയുടെ (സൂപ്പർബൈക്കിന്റെ) 15 ശതമാനം വരെ വായ്പ ലഭിക്കും. എസ്ബിഐയുടെ ശമ്പള പാക്കേജ് ഉപഭോക്താക്കൾ, ഉയർന്ന വരുമാനമുള്ള വ്യക്തികൾ തുടങ്ങിയവർക്ക് വാഹനത്തിന്റെ വിലയുടെ 90 ശതമാനം വരെയും വായ്പ ലഭിക്കും. 21 നും 65 നും ഇടയിൽ പ്രായമുള്ളവർക്ക് വായ്പയ്ക്ക് അപേക്ഷിക്കാം.
അപേക്ഷകരുടെ യോഗ്യത
സൂപ്പർ ബൈക്ക് വാങ്ങാൻ വായ്പ എടുക്കുന്ന ആളുകൾക്ക് എസ്ബിഐ ചില യോഗ്യതാ വ്യവസ്ഥകൾ നിശ്ചയിച്ചിട്ടുണ്ട്. സ്റ്റേറ്റ് ബാങ്ക് ഓഫ് ഇന്ത്യയുടെ നിയമമനുസരിച്ച് സംസ്ഥാന / കേന്ദ്രസർക്കാർ, പൊതുമേഖലാ സ്ഥാപനങ്ങൾ, കോർപ്പറേഷനുകൾ, സ്വകാര്യമേഖല കമ്പനികൾ, സ്വയംതൊഴിൽ, ബിസിനസുകാർ, പങ്കാളിത്ത സ്ഥാപനങ്ങൾ എന്നിവിടങ്ങളിൽ ജോലി ചെയ്യുന്നവർക്കും വരുമാന നികുതി നൽകുന്നവർക്കും സൂപ്പർബൈക്ക് വായ്പയ്ക്ക് അപേക്ഷിക്കാൻ അർഹതയുണ്ട്.
സ്ഥിര നിക്ഷേപമുണ്ടെങ്കില് എസ്ബിഐ തരും വായ്പ - അറിയേണ്ടതെല്ലാം
കാർഷിക മേഖലയിലുള്ളവർക്കും വായ്പ
കാർഷിക മേഖലയിലും അനുബന്ധ പ്രവർത്തനങ്ങളിലും ഏർപ്പെട്ടിരിക്കുന്ന ആളുകൾക്കും ഈ പദ്ധതി പ്രയോജനപ്പെടുത്താം, അത്തരം വ്യക്തികളിൽ നിന്ന് ബാങ്ക് ആദായനികുതി റിട്ടേൺ ആവശ്യപ്പെടുന്നില്ല. ഈ യോഗ്യതാ പരിമിതികൾ കൂടാതെ, വരുമാന ശേഷിയെ അടിസ്ഥാനമാക്കി എസ്ബിഐ നിരവധി നിബന്ധനകളും ഏർപ്പെടുത്തിയിട്ടുണ്ട്.
എസ്ബിഐ വിദ്യാഭ്യാസ വായ്പ 2019: വായ്പാ തിരിച്ചടവും ചെലവ് കുറയ്ക്കലും എങ്ങനെയെന്നറിയാമോ?
നിബന്ധനകൾ
എസ്ബിഐയുടെ ഏറ്റവും കുറഞ്ഞ വരുമാന മാനദണ്ഡമനുസരിച്ച്, ശമ്പളം ലഭിക്കുന്ന എല്ലാ വ്യക്തികൾക്കും (അപേക്ഷകനും/ സഹ അപേക്ഷകനും) മൊത്തം വാർഷിക വരുമാനം 2.5 ലക്ഷം രൂപയിൽ കൂടുതൽ ആവശ്യമാണ്. സ്വയംതൊഴിലാളികൾ, പ്രൊഫഷണലുകൾ, പ്രൊപ്രൈറ്ററി / പാർട്ണർഷിപ്പ് സ്ഥാപനങ്ങൾ, ബിസിനസുകാർ എന്നിവർക്ക് പ്രതിവർഷം 4 ലക്ഷം രൂപ അറ്റാദായമോ മൊത്ത നികുതി വരുമാനമോ ഉണ്ടായിരിക്കണം. കൃഷിക്കാരെ സംബന്ധിച്ചിടത്തോളം, അപേക്ഷകന്റെയും / അല്ലെങ്കിൽ സഹ അപേക്ഷകന്റെയും മൊത്തം വാർഷിക വരുമാനം പ്രതിവർഷം 4 ലക്ഷം രൂപയായിരിക്കണം.
എസ്ബിഐ ഉപഭോക്താക്കൾ സൂക്ഷിക്കുക; തട്ടിപ്പുകാർ അക്കൗണ്ടും ക്രെഡിറ്റ് കാർഡും ഹാക്ക് ചെയ്യുന്നത് ഇങ്ങനെ
malayalam.goodreturns.in