രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) 8.05 ശതമാനം മുതല്‍ പലിശ നിരക്കില്‍ റിപ്പോ-ലിങ്ക്ഡ് ഭവനവായ്പകള്‍ ആരംഭിക്കുമെന്ന് അടുത്തിടെ പ്രഖ്യാപിച്ചിരുന്നു. പുതിയ പലിശനിരക്ക് സെപ്റ്റംബര്‍ 1 മുതല്‍ നിലവിലുള്ളതും പുതിയതുമായ എല്ലാ വായ്പകള്‍ക്കും ബാധകമാകുമെന്ന് സ്റ്റേറ്റ് ബാങ്കിന്റെ വെബ്സൈറ്റായ sbi.co.in റിപ്പോര്‍ട്ട് ചെയ്യുന്നു. വാണിജ്യ ബാങ്കുകള്‍ക്ക് റിസര്‍വ് ബാങ്ക് ഹ്രസ്വകാല ഫണ്ട് നല്‍കുന്ന പലിശനിരക്കാണ് റിപ്പോ നിരക്ക്. ഒരു റിപ്പോ റേറ്റ്-ലിങ്ക്ഡ് ഭവനവായ്പ അര്‍ത്ഥമാക്കുന്നത് സെന്‍ട്രല്‍ ബാങ്കിന്റെ പ്രധാന പലിശനിരക്കിലെ എന്തെങ്കിലും മാറ്റങ്ങള്‍ ഉപഭോക്താക്കള്‍ക്ക് നേരിട്ട് കൈമാറും എന്നാണ്.

ഈ വര്‍ഷം ഇതുവരെ റിപ്പോ നിരക്ക് 110 ബേസിസ് പോയിന്റ് ആര്‍ബിഐ കുറച്ചിരുന്നു- പ്രധാന പലിശനിരക്ക് കുറയ്ക്കുന്നത് ഉപഭോക്താക്കളിലേക്ക് കൈമാറണമെന്ന് വാണിജ്യ ബാങ്കുകളോട് നിരവധി തവണ ആവശ്യപ്പെട്ടിട്ടുണ്ട്. ഏപ്രില്‍ 10 മുതല്‍ എസ്ബിഐ വായ്പാ നിരക്ക് 35 ബേസിസ് പോയിന്റ് കുറച്ചു. റിപ്പോ നിരക്കിനേക്കാള്‍ 2.25 ശതമാനം അഥവാ 225 ബേസിസ് പോയിന്റ് മാര്‍ക്ക്അപ്പ് എസ്ബിഐയ്ക്കുണ്ട്, ഇത് 5.40 ശതമാനമാണ്. റിസര്‍വ് ബാങ്കിന്റെ റിപ്പോ നിരക്കിലെ ഏത് മാറ്റവും സ്റ്റേറ്റ് ബാങ്ക് ഓഫ് ഇന്ത്യയുടെ റിപ്പോ-ലിങ്ക്ഡ് ലെന്‍ഡിംഗ് നിരക്കില്‍ പ്രതിഫലിക്കുകയും ഭവന വായ്പകള്‍ക്ക് കൈമാറുകയും ചെയ്യും.

എസ്പിഐ ഈ വര്‍ഷം ജൂലൈയില്‍ റിപ്പോ-ലിങ്ക്ഡ് ഭവനവായ്പകള്‍ അവതരിപ്പിച്ചു. 2019 ജൂലൈ ഒന്നിന് അതിന്റെ റിപ്പോ-ലിങ്ക്ഡ് വായ്പ നിരക്ക് 8.00 ശതമാനമാണ്. എസ്പിഐ അതിന്റെ റിപ്പോ-ലിങ്ക്ഡ് ലെന്‍ഡിംഗ് നിരക്കിനേക്കാള്‍ (ആര്‍എല്‍എല്‍ആര്‍) 40-55 ബേസിസ് പോയിന്റുകള്‍ വ്യാപിപ്പിക്കുന്നു. കാര്‍ വായ്പകളുടെ പ്രോസസ്സിംഗ് ഫീസ് ഒഴിവാക്കിയിട്ടുണ്ടെന്ന് ഈ മാസം ആദ്യം എസ്ബിഐ അറിയിച്ചിരുന്നു. കാര്‍ വായ്പകള്‍ തിരഞ്ഞെടുക്കുന്ന ഉപഭോക്താക്കള്‍ക്ക് 8.70 ശതമാനം മുതല്‍ പലിശ നിരക്ക് എസ്ബിഐ വാഗ്ദാനം ചെയ്യുന്നുവെന്ന് ബാങ്ക് പ്രസ്താവനയില്‍ പറഞ്ഞു. വ്യക്തിഗത, വിദ്യാഭ്യാസ വായ്പകള്‍ ലഭിക്കുന്ന ഉപഭോക്താക്കള്‍ക്കായി പുതുക്കിയ പലിശനിരക്കും ബാങ്ക് പ്രഖ്യാപിച്ചിട്ടുണ്ട്.