ക്രിസ്തുമസ് കഴിഞ്ഞാൽ ലിസ്റ്റിം​ഗ് പൂരം; 8 കമ്പനികൾ വിപണിയിലേക്ക്; ലിസ്റ്റിംഗ് നേട്ടത്തിനുള്ള സാധ്യത അറിയാം

ടാറ്റ ടെക്നോളജീസും ഇന്ത്യൻ റിന്യൂവബിൾ എനർജി ഡെവലപ്‌മെന്റ് ഏജൻസിയും പ്രരംഭ ഓഹരി വിൽപ്പനയിൽ നൽകിയ ലിസ്റ്റിം​ഗ് ദിവസത്തെ നേട്ടം ചുരുങ്ങിയ സമയം കൊണ്ട് നിക്ഷേപകരെ ഐപിഒയിലേക്ക് കൂടുതലായി എത്തിക്കുന്നുണ്ട്. ദീർഘകാല നിക്ഷേപമെന്ന കണക്കെയും ലിസ്റ്റിം​ഗ് നേട്ടത്തിന് മാത്രമായും ഐപിഒയിൽ നിക്ഷേപിക്കുന്നവരുണ്ട്. ഈ ആഴ്ച വിപണിയിൽ എത്തിയ ഐപിഒകളുടെ സബ്സ്ക്രിപ്ഷൻ സ്റ്ററ്റസ് പരിശോധിച്ചാൽ ഇക്കാര്യം മനസിലാകും. ഇഷ്യു ചെയ്യുന്നതിന്റെ പതിന്മടങ്ങ് നിക്ഷേപകരാണ് ഓഹരികൾക്കായി അപേക്ഷ നൽകിയിട്ടുള്ളത്.

നിക്ഷേപ താൽപര്യം വർധിക്കുന്നതിനാൽ ലിസ്റ്റിം​ഗ് നേട്ടത്തിന് സാധ്യതയുണ്ടോ എന്നതിലാണ് റീട്ടെയിൽ നിക്ഷേപകരുടെ കണ്ണ്. ഈ ആഴ്ച ഐപിഒ സബ്‌സ്‌ക്രിപ്ഷന്‍ നടന്ന എട്ട് കമ്പനികളാണ് അടുത്താഴ്ച ലിസ്റ്റിംഗ് ഒരുങ്ങുന്നത്.

മോട്ടിസൺ ജുവലറി, മുത്തൂറ്റ് മൈക്രോഫിന്‍, സൂരജ് എസ്റ്റേറ്റ് ഡെവലപ്പേഴ്സ്, ഹാപ്പി ഫോര്‍ജിംഗ്സ്, ആര്‍ബിഇസെഡ് ജ്വല്ലേഴ്സ്, ക്രെഡോ ബ്രാന്‍ഡ്സ്, ആസാദ് എൻജിനീയറിംഗ്, ഇന്നോവ ക്യാപ്റ്റാബ് എന്നിവയാണ് അടുത്ത ആഴ്ച എക്സ്ചേഞ്ചുകളില്‍ ലിസ്റ്റ് ചെയ്യാൻ പോകുന്ന കമ്പനികൾ. ഇവയുടെ​ ​ഗ്രേ മാര്‍ക്കറ്റ് പ്രീമിയം പരിശോധിച്ചാൽ നേട്ടത്തിനുള്ള സാധ്യതയാണിവ നൽകുന്നത്. ഓരോ കമ്പനികളെയും വിശദമായി നോക്കാം.

മോട്ടിസൺ ജുവലറി

മോട്ടിസണ്‍ ജുവലറിയാണ് സബ്‌സ്‌ക്രിപ്ഷന് ശേഷവും മികച്ച പ്രീമിയത്തില്‍ ട്രേഡ് ചെയ്യുന്നത്. ബുധനാഴ്ച ഇഷ്യു ക്ലോസ് ചെയ്തപ്പോള്‍ 173 മടങ്ങാണ് മോട്ടിസൺ ജുവലറിയുടെ സബ്‌സ്‌ക്രിപ്ഷന്‍ നിരക്ക്. ഗ്രേ മാര്‍ക്കറ്റില്‍ 85 രൂപയാണ് മോട്ടിസണ്‍ ജുവലറിയുടെ പ്രീമിയം. 55 രൂപയാണ് ഇഷ്യു വില. ഇതുപ്രകാരം 140 രൂപയാണ് പ്രതീക്ഷിക്കുന്ന ലിസ്റ്റിം​ഗ് വില. ഡിസംബർ 21 മുതൽ ഓഹരിയുടെ അലോട്ട്മെന്റ് ആരംഭിച്ചിട്ടുണ്ട്. ലിസ്റ്റിം​ഗ് തീയതി ഡിസംബർ 26.

സൂരജ് എസ്റ്റേറ്റ് ഡെലവപ്പേഴ്സ്

ഇഷ്യുവിനേക്കാള്‍ 16.57 മടങ്ങാണ് സൂരജ് എസ്‌റ്റേറ്റ് ഡെലപ്പേഴ്‌സ് ഐപിഒയുടെ സബ്‌സ്‌ക്രിപ്ഷന്‍. 25 രൂപ പ്രീമിയത്തിലാണ് ഓഹരി ഗ്രേ മാര്‍ക്കറ്റില്‍ വ്യാപാരം നടക്കുന്നത്. 360 രൂപ ഇഷ്യു വിലയുള്ള ഓഹരിയുടെ ലിസ്റ്റിംഗ് വില 385 രൂപയായാണ് പ്രതീക്ഷിക്കുന്നത്. 6.94 ശതമാനം ലിസ്റ്റിംഗ് നേട്ടമാണിത്. ഡിസംബർ 21 മുതൽ ഓഹരിയുടെ അലോട്ട്മെന്റ് ആരംഭിച്ചിട്ടുണ്ട്. ലിസ്റ്റിം​ഗ് തീയതി ഡിസംബർ 26.

മുത്തൂറ്റ് മൈകക്രോഫിന്‍

മുത്തൂറ്റ് മൈകക്രോഫിന്‍ ഐപിഒയ്ക്ക് 12.3 മടങ്ങാണ് സബ്‌സ്‌ക്രിപ്ഷന്‍ നിരക്ക്. 25 രൂപയാണ് കമ്പനി ഓഹരിയുടെ ഗ്രേ മാര്‍ക്കറ്റ് പ്രീമിയം. 291 രൂപ ഇഷ്യു വിലയുള്ള ഓഹരി 316 രൂപയില്‍ ലിസ്റ്റ് ചെയ്യാനുള്ള സാധ്യതയാണിത് കാണിക്കുന്നത്. 8.50 ശതമാനത്തിന്റെ നേട്ടമാണിത്. ഡിസംബർ 21 മുതൽ ഓഹരിയുടെ അലോട്ട്മെന്റ് ആരംഭിച്ചിട്ടുണ്ട്. ലിസ്റ്റിം​ഗ് തീയതി ഡിസംബർ 26.

മുഫ്തി ജീന്‍സ്

51.85 മടങ്ങാണ് മുഫ്തി ജീന്‍സ് ഐപിഒ സബ്‌സ്‌ക്രൈബ് ചെയ്യപ്പെട്ടത്. ഓഹരികള്‍ േ്രഗ മാര്‍ക്കറ്റില്‍ 134 രൂപ പ്രീമിയത്തില്‍ ട്രേഡ് ചെയ്യുന്നുണ്ട്. 280 രൂപ ഇഷ്യു വിലയുള്ള ഐപിഒയ്ക്ക് പ്രതീക്ഷിക്കുന്ന ലിസ്റ്റിംഗ് വില 414 രൂപയാണ്. 47.86 ശതമാനത്തിന്റെ നേട്ടം പ്രതീക്ഷിക്കാം. ഡിസംബര്‍ 22 മുതല്‍ ഓഹരികളുടെ അലോട്ട്‌മെന്റ് തുടങ്ങും. ഡിസംബര്‍ 27 നാണ് ലിസ്റ്റിംഗ്.

ഹാപ്പി ഫോര്‍ജിംഗ്സ്

82.63 മടങ്ങ് ഇഷ്യു നടന്ന ഐപിഒയാണ് ഹാപ്പി ഫോര്‍ജിംഗ്സിന്റേത്. 406 രൂപ പ്രീമിയത്തിലാണ് ഇപ്പോഴും ഗ്രേ മാര്‍ക്കറ്റില്‍ ഹാപ്പി ഫോര്‍ജിംഗ്സ് ഓഹരികള്‍ വ്യാപാരം നടക്കുന്നത്. 850 രൂപ ഇഷ്യു വിലയുള്ള ഓഹരിക്ക് പ്രതീക്ഷിക്കുന്ന ലിസ്റ്റിംഗ് വില 1,256 രൂപയാണ്. 47.76 ശതമാനത്തിന്റെ ലിസ്റ്റിംഗ് നേട്ടമാണിത്. ഡിസംബര്‍ 22 മുതല്‍ ഓഹരികളുടെ അലോട്ട്‌മെന്റ് തുടങ്ങും. ഡിസംബര്‍ 27 നാണ് ലിസ്റ്റിംഗ്.

അറിയിപ്പ്

മുകളിൽ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങൾ എടുക്കും മുൻപ് സാമ്പത്തിക വിദഗ്ധന്റെ നിർദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകൾക്ക് വിധേയമാണ്. സ്വന്തം റിസ്‌കിൽ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തിൽ സംഭവിക്കുന്ന ലാഭനഷ്ടങ്ങൾക്ക് ഗ്രേനിയം ഇൻഫർമേഷൻ ടെക്നോളജീസും ലേഖകനും ഉത്തരവാദികളല്ല.