ഇനിയും വൈകരുത്, ഓഗസ്റ്റ് മാസം ലാഭം നേടാൻ 8 ഓഹരികൾ, ഇപ്പോൾ തന്നെ വാങ്ങണം, ബ്രോക്കറേജ് വിലയിരുത്തൽ അറിയാം

ആഭ്യന്തര സൂചികകൾ വെള്ളിയാഴ്ച വ്യാപാരം അവസാനിപ്പിച്ചത് വലിയ ഇടിവിലാണ്. മെറ്റൽ, ഓട്ടോ, ഐടി ഓഹരികളിലെ വില്പന സൂചികകളുടെ ഇടിവിന് കാരണമായി. സെൻസെക്സ് 885.60 പോയിൻ്റ് അഥവാ 1.08 ശതമാനം ഇടിഞ്ഞ് 80,981.95 ൽ ക്ലോസ് ചെയ്തു. നിഫ്റ്റി 293.20 പോയിൻ്റ് അഥവാ 1.17 ശതമാനം ഇടിഞ്ഞ് 24,717.70 ൽ വ്യാപാരം അവസാനിപ്പിച്ചു. സൂചികകൾ കഴിഞ്ഞ സെഷനിൽ റെക്കോർഡ് ഉയരത്തിൽ എത്തിയതിനെത്തുടർന്ന് വ്യാപാരികളും ഉയർന്ന തലങ്ങളിൽ ലാഭ ബുക്കിംഗ് തിരഞ്ഞെടുത്തതും ഇടിവിന് കാരണമായി.

8 ഓഹരികളെ ബ്രോക്കറേജ് സ്ഥാപനമായ ആക്‌സിസ് സെക്യൂരിറ്റീസ് 2024 ഓഗസ്റ്റിലെ മികച്ച ലാർജ്‌ക്യാപ് ഓഹരികളിൽ ഉൾപ്പെടുത്തിയിട്ടുണ്ട്. അവയുടെ വിശദാംശങ്ങൾ നോക്കാം.

1. ഐസിഐസിഐ ബാങ്ക് | ടാർഗെറ്റ് വില: ₹ 1,425

ഐസിഐസിഐ ബാങ്ക് മികച്ച ഓൾറൗണ്ട് പ്രകടനം തുടരുകയാണ്. ശക്തമായ ക്രെഡിറ്റ്, ഡെപ്പോസിറ്റ് വളർച്ചയുടെ പിന്തുണയോടെ ബാങ്ക് ശക്തമായ പ്രകടനം തുടരുമെന്നാണ് ബ്രോക്കറേജ് സ്ഥാപനത്തിന്‍റെ വിലയിരുത്തൽ. സ്ഥിരമായ സിഡി അനുപാതവും സ്ഥിരമായ ആസ്തി ഗുണനിലവാര അളവുകളും മതിയായ മൂലധനവും ബാങ്ക് നിലനിർത്തുന്നു.

2. നെസ്ലെ ഇന്ത്യ | ടാർഗെറ്റ് വില: ₹ 2,800

സ്ഥിരതയാർന്ന പ്രകടനം കാഴ്ചവെക്കുന്നതിനാൽ ആക്‌സിസ് സെക്യൂരിറ്റീസ് നെസ്‌ലെ ഇന്ത്യയിൽ പോസിറ്റീവായി തുടരുന്നു. ദീർഘകാലാടിസ്ഥാനത്തിലുള്ള വളർച്ചയ്ക്ക് ആവശ്യമായ എല്ലാ ലിവറുകളും നെസ്‌ലെ ഇന്ത്യക്കുണ്ടെന്നാണ് വിലയിരുത്തൽ.

3. സ്റ്റേറ്റ് ബാങ്ക് ഓഫ് ഇന്ത്യ | ടാർഗെറ്റ് വില: ₹ 1,010

എസ്ബിഐ മുകളിലേക്കുള്ള കുതിപ്പ് തുടരുമെന്നാണ് ബ്രോക്കറേജ് വിലയിരുത്തൽ. അതുകൊണ്ടു തന്നെ എസ്ബിഐ ഓഹരിയിൽ ആക്‌സിസ് സെക്യൂരിറ്റീസ് 'വാങ്ങുക' റേറ്റിംഗ് നിലനിർത്തി.

4. വരുൺ ബിവറേജസ് | ടാർഗെറ്റ് വില: ₹ 1,800

ഗ്രാമപ്രദേശങ്ങളിലെ വിതരണത്തിലുള്ള മേൽക്കൈ കമ്പനിക്ക് നേട്ടമാണ്. ബ്രൗൺഫീൽഡ് സൗകര്യങ്ങൾ കമ്മീഷൻ ചെയ്യുന്നതിൽ തുടർന്നും ശ്രദ്ധ കേന്ദ്രീകരിച്ച് വരുൺ ബിവറേജസ് ശക്തമായ വളർച്ച തുടരുമെന്ന് ബ്രോക്കറേജ് പ്രതീക്ഷിക്കുന്നു. കമ്പനിയുടെ ദീർഘകാല വളർച്ചാ ലക്ഷ്യങ്ങളെയും ലാഭക്ഷമതയെയും പിന്തുണയ്ക്കാൻ ഈ നിക്ഷേപങ്ങൾ സജ്ജമാണെന്ന് ബ്രോക്കറേജ് സ്ഥാപനം വിലയിരുത്തി.

5. എച്ച്‌ഡിഎഫ്‌സി ബാങ്ക് | ടാർഗെറ്റ് വില: ₹ 1,950

വരും പാദങ്ങളിൽ വളർച്ച കൈവരിക്കുമെന്ന് എച്ച്‌ഡിഎഫ്‌സി ബാങ്ക് ആത്മവിശ്വാസം പ്രകടിപ്പിക്കുന്നു. സ്ഥിരമായ നിക്ഷേപ വളർച്ചയും എൻഐഎം മെച്ചപ്പെടുത്തലും ബാങ്കിൻ്റെ പ്രധാന റീ-റേറ്റിംഗ് ലിവറുകളായി തുടരുന്നു എന്ന് ആക്സിസ് സെക്യൂരിറ്റീസ് പറഞ്ഞു.

6. ഭാരതി എയർടെൽ | ടാർഗെറ്റ് വില: ₹ 1,650

കമ്പനിയുടെ മികച്ച മാർജിനുകൾ, ശ്രദ്ധേയമായ വരിക്കാരുടെ വളർച്ച, 4G പരിവർത്തനങ്ങൾ എന്നിവ കാരണം ഭാരതി എയർടെൽ സ്റ്റോക്കിൻ്റെ ബ്രോക്കിംഗ് സ്ഥാപനത്തിൻ്റെ 'ബൈ' റേറ്റിംഗ് നിലനിർത്തിയിട്ടുണ്ട്.

7. ടിവിഎസ് മോട്ടോർ കമ്പനി | ടാർഗെറ്റ് വില: ₹ 2,900

വികസിത രാജ്യങ്ങളിലെ പ്രീമിയം ഓഫറുകളിൽ നിന്നുള്ള വിൽപന വർദ്ധന, എഞ്ചിനീയറിംഗ്, ആർ & ഡി കഴിവുകൾ, ശക്തമായ ആഭ്യന്തര റീട്ടെയിൽ ശൃംഖല, കയറ്റുമതി വീണ്ടെടുക്കൽ എന്നില കമ്പനിയുടെ വളർച്ചയ്ക്ക് കാരണമാകുമെന്നാണ് ബ്രോക്കറേജ് വിലയിരുത്തൽ.

8. എച്ച്സിഎൽ ടെക്നോളജീസ് | ടാർഗെറ്റ് വില: ₹ 1,810

ലോകത്തെ മുൻനിര ബ്രാൻഡുകളുമായുള്ള ഒന്നിലധികം ദീർഘകാല കരാറുകൾ കണക്കിലെടുക്കുമ്പോൾ, ദീർഘകാല വളർച്ചയെ പ്രോത്സാഹിപ്പിക്കുന്നതിന് എച്ച്സിഎൽ ടെക്നോളജീസ് മികച്ചതാണെന്നാണ് ബ്രോക്കറേജ് വിലയിരുത്തൽ.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.