പുതിയ കൂട്ടുകെട്ടും തുണച്ചില്ല, 3 ശതമാനം ഇടിഞ്ഞ് പൊതുമേഖലാ ഓഹരി, നഷ്ടം തുടരുമോ..?

3 ശതമാനത്തിന് മുകളിൽ നഷ്ടമാണ് തിങ്കളാഴ്ച പ്രതിരോധ ഓഹരിയായ ഭാരത് ഇലക്ട്രോണിക്സ് ലിമിറ്റഡ് (BEL) നേരിട്ടത്. അതോടെ ഓഹരി വില 284.20 രൂപ എന്ന ഈ ദിവസത്തെ ഏറ്റവും താഴ്ന്ന നിരക്കിലെത്തി. ഇസ്രായേൽ എയ്‌റോസ്‌പേസ് ഇൻഡസ്ട്രീസുമായി (ഐഎഐ) സഹകരിച്ച് 'ബെൽ ഐഎഐ എയ്‌റോസിസ്റ്റംസ് പ്രൈവറ്റ് ലിമിറ്റഡ്' എന്ന സംരംഭം ആരംഭിക്കാനുള്ള അനുമതി കോർപ്പറേറ്റ് കാര്യ മന്ത്രാലയത്തിൽ നിന്ന് ലഭിച്ചെന്ന പ്രഖ്യാപനം കഴിഞ്ഞ ദിവസം ഭാരത് ഇലക്ട്രോണിക്സ് നടത്തിയിരുന്നു.

ഓഹരി വിപണിയിലെ പ്രകടനം

എൻഎസ്ഇയിൽ 287.55 രൂപ എന്നതാണ് നിലവിൽ ഭാരത് ഇലക്ട്രോണിക്സ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 0.58 ശതമാനം നേട്ടമുണ്ടാക്കാൻ മാത്രമാണ് പ്രതിരോധ ഓഹരിക്ക് സാധിച്ചത്. അതേസമയം ഒരു മാസത്തിനിടെ 3.15 ശതമാനം നഷ്ടം ഓഹരി നേരിട്ടിട്ടുണ്ട്. 36.22 ശതമാനം വളർച്ചയാണ് ആറ് മാസത്തിനിടെ ഭാരത് ഇലക്ട്രോണിക്സ് ഓഹരി നേടിയത്. 2024-ൽ ഇതുവരെ വരെ 55.47 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 106.5 ശതമാനം നേട്ടത്തോടെ മൾട്ടിബാഗർ ഓഹരികളുടെ പട്ടികയിൽ ഇടം നേടാനും ഭാരത് ഇലക്ട്രോണിക്സ് ഓഹരിക്ക് സാധിച്ചു. 722 ശതമാനമാണ് അഞ്ച് മാസത്തെ വളർച്ച. 340.50 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില.

ബെൽ ഐഎഐ എയ്‌റോസിസ്റ്റംസ് പ്രൈവറ്റ് ലിമിറ്റഡ്

ഇന്ത്യയിൽ വിന്യസിച്ചിരിക്കുന്നതും ഉപയോഗിക്കുന്നതുമായ മീഡിയം റേഞ്ച് സർഫേസ് ടു എയർ മിസൈൽ (എംആർഎസ്എഎം) സംവിധാനത്തിന് അറ്റകുറ്റപ്പണികളും അനുബന്ധ പ്രവർത്തനങ്ങളും ഉൾപ്പെടെയുള്ള ഉൽപ്പന്ന പിന്തുണ നൽകുകയാണ് കമ്പനിയുടെ ഉദ്ദേശ്യമെന്ന് സെപ്തംബർ 27 ന് എക്സ്ചേഞ്ച് ഫയലിംഗിൽ സ്ഥാപനം പറഞ്ഞു.

വരുമാനത്തിൽ വർധനവ്

2025 ജൂൺ പാദത്തിൽ ഭെല്ലിന്‍റെ അറ്റാദായം 47 ശതമാനം വർധിച്ച് 791 കോടി രൂപയായി. 2024 സാമ്പത്തിക വർഷത്തിലെ ജൂൺ പാദത്തിൽ 538.5 കോടി രൂപയായിരുന്നു അറ്റാദായം. കമ്പനിയുടെ വിൽപ്പന 2024 ജൂൺ പാദത്തിലെ 3,532.9 കോടി രൂപയിൽ നിന്ന് 2025 ജൂൺ പാദത്തിൽ 20 ശതമാനത്തിലധികം ഉയർന്ന് 4,243.6 കോടി രൂപയായി.

സെപ്തംബർ 25 ന്, അന്താരാഷ്ട്ര ബ്രോക്കറേജ് മാക്വാരി ഭാരത് ഇലക്‌ട്രോണിക്‌സിൻ്റെ 'മികച്ച പ്രകടനം'(outperform) റേറ്റിംഗ് നൽകുകയും ശക്തമായ വളർച്ചാ സാധ്യതകൾ ചൂണ്ടിക്കാട്ടി ടാർഗെറ്റ് വില ഉയർത്തുകയും ചെയ്തിരുന്നു.

മ്യൂച്വൽ ഫണ്ട് ഹോൾഡിംഗ് കുറഞ്ഞു

2024 ജൂൺ പാദത്തിൻ്റെ അവസാനത്തോടെ, മ്യൂച്വൽ ഫണ്ട് ഹോൾഡിംഗ് സ്റ്റോക്കിൽ മുമ്പത്തെ 18.06% ൽ നിന്ന് 16.08% ആയി കുറഞ്ഞു. മുൻ പാദത്തിലെ 17.56 ശതമാനവുമായി താരതമ്യം ചെയ്യുമ്പോൾ എഫ്ഐഐകളോ എഫ്‌പിഐകളോ ഹോൾഡിംഗ് ഒന്നാം പാദത്തിൽ 17.43 ശതമാനമായി ചുരുങ്ങി.

ഭാരത് ഇലക്ട്രോണിക്‌സ്

രാജ്യത്തെ ഏറ്റവും പ്രമുഖ പ്രതിരോധ സാങ്കേതികവിദ്യ കമ്പനിയാണ് ഭാരത് ഇലക്ടോണിക്സ് അഥവാ ബെല്‍. 1954-ല്‍ ആരംഭിച്ച നവരത്ന പദവിയുള്ള ഈ പൊതുമേഖല സ്ഥാപനം, പ്രതിരോധ മന്ത്രാലത്തിന്റെ കീഴിലുള്ള 9 കമ്പനികളിലൊന്നാണ്. റഡാര്‍, സവിശേഷ ഇലക്ടോണിക്സ് പ്രതിരോധ സാമഗ്രികള്‍, ടെലികോം തുടങ്ങി തന്ത്രപ്രധാന മേഖലകളിലെ ഇലക്ട്രോണിക്സ് സംവിധാനങ്ങള്‍ നിര്‍മിക്കുന്നു.

ബിഎസ്ഇയുടെ കണക്കനുസരിച്ച് 2,09,936.85 കോടി രൂപയാണ് ബിഇഎല്ലിൻ്റെ വിപണി മൂലധനം.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.