മൾട്ടിബാഗർ എനർജി ഓഹരി വാങ്ങാം, ലാഭം ഉറപ്പെന്ന് ബ്രോക്കറേജ്, ടാർഗെറ്റ് വില അറിയാം

ബ്രോക്കറേജ് സ്ഥാപനമായ ആക്സിസ് സെക്യൂരിറ്റീസ് ഇപ്പോൾ വാങ്ങാൻ ഐനോക്സ് വിൻഡ് ഓഹരി ശുപാർശ ചെയ്യുന്നു. ചുരുങ്ങിയ സമയത്തിനുള്ളിൽ 10 ശതമാനത്തിലധികം വളർച്ച നേടാൻ ഓഹരിക്ക് സാധിക്കുമെന്നാണ് ബ്രോക്കറേജ് വിലയിരുത്തുന്നത്. ഐനോക്‌സ് വിൻഡ് നിലവിൽ 250 രൂപയിൽ താഴെയാണ്. കഴിഞ്ഞ ഒരു വർഷത്തിനിടെ 360 ശതമാനത്തോളം വളർച്ച നേടാൻ ഐനോക്സ് വിൻഡ് ഓഹരിക്ക് സാധിച്ചിട്ടുണ്ട്. ഓഹരിയുടെ കൂടുതൽ കാര്യങ്ങൾ നമുക്ക് പരിശോധിക്കാം.

ഓഹരി വില

ഐനോക്‌സ് വിൻഡിൻ്റെ നിലവിലെ ഓഹരി വില 241.60 രൂപയാണ്. ബിഎസ്ഇയിൽ 31,499.66 കോടി രൂപ വിപണി മൂല്യമുണ്ട്. സെപ്തംബർ 10ന് വ്യാപാരസമയത്ത് ഓഹരി വില 52 ആഴ്‌ചയിലെ ഏറ്റവും ഉയർന്ന നിരക്കായ 246 രൂപയിലെത്തി. 2024-ൽ ഇതുവരെ 86.6 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

ബോണസ് ഇഷ്യു

ഐനോക്സ് വിൻഡ് 3:1 അനുപാതത്തിൽ ഒരു ബോണസ് ഇഷ്യു നൽകി. 2024 മെയ് 24-ന് കമ്പനിയുടെ ഓഹരികൾ 3:1 ബോണസിന് എക്‌സ്-ബോണസായി മാറി. അനുപാതം അനുസരിച്ച്, യോഗ്യരായ ഷെയർഹോൾഡർമാർക്ക് നിലവിലുള്ള 1 ഇക്വിറ്റി ഷെയറിൽ കമ്പനി 3 പുതിയ സൗജന്യ ഓഹരികൾ ബോണസായി നൽകി.

ബ്രോക്കറേജ് വിലയിരുത്തൽ

ഐനോക്സ് വിൻഡിന്‍റെ ഇപിസി പ്രോജക്റ്റ് വിഭാഗമായ റെസ്കോ ഗ്ലോബൽ മാർക്യൂ നിക്ഷേപകരിൽ നിന്ന് 350 കോടി രൂപയുടെ ഇക്വിറ്റി സമാഹരണത്തിന് അംഗീകാരം നൽകിയിട്ടുണ്ട്. തുടർന്ന്, ഐനോക്‌സ് ഗ്രീൻ എനർജി ലിമിറ്റഡിൻ്റെ ബാലൻസ് ഷീറ്റിൽ സൂക്ഷിച്ചിരിക്കുന്ന സബ്‌സ്റ്റേഷൻ ആസ്തികൾ (നോൺ-കോർ) ഐനോക്‌സ് ഗ്രീൻ എനർജിയിൽ നിന്ന് വേർപെടുത്തി റെസ്‌കോ ഗ്ലോബലിലേക്ക് ലയിപ്പിക്കുകയും അതുവഴി രണ്ട് ബിസിനസുകൾക്കുമുള്ള സിനർജികൾ ക്രമീകരിക്കുകയും ചെയ്യും.

2025 സാമ്പത്തിക വർഷം മുതൽ ഉയർന്ന ഓർഡർ എക്‌സിക്യൂഷൻ കമ്പനി പ്രതീക്ഷിക്കുന്നതായി ബ്രോക്കറേജ് പറഞ്ഞു. ഉയർന്ന മെഗാവാട്ട് എക്സിക്യൂട്ട് ചെയ്യാനുള്ള ശേഷിയും വിതരണ ശൃംഖലയുടെ സന്നദ്ധതയും കമ്പനിക്കുണ്ട്.

ടാർഗെറ്റ് വില

270 രൂപ ടാർഗെറ്റ് വിലയോടെ ഐനോക്സ് വിൻഡ് ഓഹരി വാങ്ങാമെന്നാണ് ബ്രോക്കറേജ് സ്ഥാപനമായ ആക്സിസ് സെക്യൂരിറ്റീസ് ശുപാർശ ചെയ്യുന്നത്. നിലവിലെ ഓഹരി വിലയുമായി താരതമ്യപ്പെടുത്തുമ്പോൾ ഏകദേശം 12 ശതമാനത്തിന്‍റെ വളർച്ച.

വരുമാനത്തിൽ വർധനവ്

30-06-2024 അവസാനിച്ച പാദത്തിൽ കമ്പനിയുടെ ഏകീകൃത മൊത്ത വരുമാനം 650.52 കോടി രൂപ റിപ്പോർട്ട് ചെയ്തിട്ടുണ്ട്. ഇത് കഴിഞ്ഞ പാദത്തിലെ മൊത്തം വരുമാനം 563.07 കോടി രൂപയിൽ നിന്ന് 15.53 ശതമാനം വർധവനിനെ സൂചിപ്പിക്കുന്നു. കഴിഞ്ഞ പാദത്തിൽ നികുതിക്ക് ശേഷമുള്ള അറ്റാദായം 50.38 കോടി രൂപയാണ്.

പ്രൊമോട്ടർ/എഫ്ഐഐ ഹോൾഡിംഗ്‌സ്

പ്രൊമോട്ടർമാർ കമ്പനിയിൽ 30-ജൂൺ-2024 വരെ 48.27 ശതമാനം ഓഹരികൾ കൈവശം വച്ചപ്പോൾ എഫ്ഐഐകൾക്ക് 13.37 ശതമാനം, ഡിഐഐകൾ 9.75 ശതമാനം.

ഐനോക്സ് വിൻഡ്

ഐപിപികൾ, യൂട്ടിലിറ്റികൾ, പൊതുമേഖലാ സ്ഥാപനങ്ങൾ, കോർപ്പറേറ്റുകൾ, റീട്ടെയിൽ നിക്ഷേപകർ എന്നിവർക്ക് സേവനം നൽകുന്ന ഇന്ത്യയിലെ മുൻനിര വിൻഡ് എനർജി സൊല്യൂഷൻ ദാതാക്കളിൽ ഒന്നാണ് ഐനോക്സ് വിൻഡ്. ഗുജറാത്ത്, ഹിമാചൽ പ്രദേശ്, മധ്യപ്രദേശ് എന്നിവിടങ്ങളിൽ 1,600 മെഗാവാട്ട് ഉൽപ്പാദന ശേഷിയുള്ള മൂന്ന് അത്യാധുനിക ഉൽപ്പാദന പ്ലാൻ്റുകൾ കമ്പനിക്കുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.