ബർഗർ കിംഗ് ഇന്ത്യയുടെ ഓഹരികൾ ഇന്ന് ബിഎസ്ഇയിലും എൻഎസ്ഇയിലും ശക്തമായ അരങ്ങേറ്റം നടത്തി. ഇഷ്യു വില 60 രൂപയായിരുന്ന ബർഗർ കിംഗ് ഓഹരി വില ഏകദേശം 119 രൂപയായി ഉയർന്നു. നിക്ഷേപകരിൽ നിന്ന് മികച്ച പ്രതികരണം ലഭിച്ച 810 കോടി രൂപയുടെ ബർഗർ കിംഗ് ഐപിഒ ഡിസംബർ 2 ന് ഒരു ഓഹരിക്ക് 59-60 രൂപ എന്ന നിരക്കിലാണ് സബ്സ്ക്രിപ്ഷനായി തുറന്നത്.
ബർഗർ കിംഗിന് ഓഹരി വിപണിയിൽ വമ്പൻ തുടക്കം, ഓഹരി വില ഇരട്ടിയായി ഉയർന്നു
നിലവിൽ, ബർഗർ കിംഗ് ഓഹരികൾ എൻഎസ്ഇയിൽ 110 രൂപയ്ക്കാണ് വ്യാപാരം നടത്തുന്നത്. പ്രാരംഭ ഓഹരി വിൽപനയിൽ ഡിസംബർ 2 ന് സബ്സ്ക്രിപ്ഷൻ ആരംഭിച്ച് ഏതാനും മണിക്കൂറുകൾക്കുള്ളിൽ തന്നെ ഓഹരികൾ വിറ്റഴിഞ്ഞിരുന്നു. 450 കോടി രൂപയുടെ പുതിയ ഓഹരികൾ ഐപിഒയിൽ ഉൾപ്പെടുത്തിയിട്ടുണ്ട്. ബർഗർ കിംഗ് ഇന്ത്യ ആങ്കർ നിക്ഷേപകരിൽ നിന്ന് 364.5 കോടി രൂപ സമാഹരിച്ചു.
അതേസമയം, ബ്രെഡ്, ബിസ്ക്കറ്റ് നിർമാതാക്കളായ മിസ്സിസ് ബെക്ടേഴ്സ് ഫുഡ് സ്പെഷ്യാലിറ്റീസ് ഐപിഒ ഡിസംബർ 15 ന് മൂലധന വിപണികളിൽ എത്തും. ഡിസംബർ 17 ന് അവസാനിക്കും.
Click it and Unblock the Notifications
Sign in with Google