ഇടിവിന് ഇടവേള നൽകി കൊച്ചിൻ ഷിപ്പ്‌യാർഡ്, ഓഹരി വില വീണ്ടും 1800 കടന്നു, മുന്നേറ്റം തുടരുമോ..?

നിക്ഷേപകരുടെ ഹൃദയം തകർത്ത് കൊണ്ട് കഴിഞ്ഞ കുറേ നാളുകളായി പൊതുമേഖലാ ഓഹരിയായ കൊച്ചിൻ ഷിപ്പ്‌യാർഡ് ലിമിറ്റഡ് താഴേക്ക് വീഴുകയായിരുന്നു. ഒരു മാസത്തിനിടെ 12 ശതമാനത്തോളം നഷ്ടമാണ് ഓഹരി നേരിട്ടത്. എന്നാൽ തുടർച്ചയായ നഷ്ടത്തിന് ഇടവേള നൽകി വെള്ളിയാഴ്ച 10 ശതമാനം മുന്നേറ്റമാണ് കൊച്ചിൻ ഷിപ്പ്‌യാർഡ് ഓഹരി നേടിയത്. അതോടെ ഓഹരി വില വീണ്ടും 1800 രൂപ കടന്നു. വരും ദിവസങ്ങളിലും ഓഹരി മുന്നേറ്റം തുടരാനുള്ള സാധ്യതയുണ്ടെന്നാണ് വിലയിരുത്തൽ. നമുക്ക് വിശദമായി പരിശോധിക്കാം.

കുതിപ്പിന് കാരണം

എഫ്ടിഎസ്ഇ ഓൾ വേൾഡ് ഇൻഡെക്സിൽ ഇടംനേടിയതിന്‍റെ കരുത്തിലാണ് കൊച്ചിൻ ഷിപ്പ്‌യാർഡ് ഓഹരിയുടെ മുന്നേറ്റം. ഇൻഡെക്സിൽ ഇടംപിടിക്കുന്നതോടെ കൊച്ചിൻ ഷിപ്പ്‍യാർഡിന്‍റെ ഓഹരികളിലേക്ക് 3 കോടി ഡോളറിന്‍റെ (ഏകദേശം 250 കോടി രൂപ) അധിക നിക്ഷേപം എത്തുമെന്ന് കരുതുന്നു. മാത്രമല്ല, അടുത്തയാഴ്ചയോടെ ലാഭവിഹിത വിതരണം നടക്കുമെന്നതും കൊച്ചിൻ ഷിപ്പ്‍യാർഡ് ഓഹരികളെ നിക്ഷേപകർക്ക് പ്രിയമുള്ളതാക്കി.

ഓഹരി വില

എൻഎസ്ഇയിൽ 1,846.05 രൂപ എന്ന നിലയിലാണ് വെള്ളിയാഴ്ച കൊച്ചിൻ ഷിപ്പ്‌യാർഡ് ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 2.37 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. ആറ് മാസത്തിനിടെ 106 ശതമാനം വളർച്ചയാണ് പൊതുമേഖലാ ഓഹരി നേടിയത്. 170.91 ശതമാനമാണ് 2024-ൽ ഇതുവരെ നേടിയ വളർച്ചയുടെ ശതമാനം.

കഴിഞ്ഞ ഒരു വർഷത്തിനിടെ 255.41 ശതമാനം മുന്നേറ്റത്തോടെ മൾട്ടിബാഗർ ഓഹരികളുടെ പട്ടിയകയിൽ ഇടം നേടാനും കൊച്ചിൻ ഷിപ്പ്‌യാർഡ് ഓഹരിക്ക് സാധിച്ചു. 2,979.45 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 435.60 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

സാങ്കേതിക കാര്യങ്ങൾ

ഓഹരി 5-ദിവസം, 10- 150-ദിന, 200-ദിന സിമ്പിൾ മൂവിംഗ് ആവറേജുകളേക്കാൾ (എസ്എംഎ) ഉയർന്ന് ട്രേഡ് ചെയ്തു. എന്നാൽ 20-ദിവസം, 30-, 50-ദിന, 100-ദിന എസ്എംഎകളേക്കാൾ കുറവാണ്. ഓഹരിയുടെ 14 ദിവസത്തെ ആപേക്ഷിക ശക്തി സൂചിക (ആർഎസ്ഐ) 42.64 ആയി. 30-ന് താഴെയുള്ള ഒരു ലെവൽ അമിതമായി വിറ്റഴിക്കപ്പെട്ടതിന്‍റെ സൂചനയാണ്. അതേസമയം 70-ന് മുകളിലുള്ള മൂല്യം അമിതമായി വാങ്ങിയതായി കണക്കാക്കുന്നു.

പ്രൈസ്-ടു-ബുക്ക് (പി/ബി) മൂല്യമായ 8.79 എന്നതിനെതിരെ ഓഹരിയുടെ പ്രൈസ്-ടു-ഇക്വിറ്റി (പി/ഇ) അനുപാതം 49.93 ആണ്. ഇക്വിറ്റിയിൽ 17.60 റിട്ടേണുമായി 33.62 ആണ് ഒരു ഷെയറിൻ്റെ വരുമാനം (ഇപിഎസ്). 2024 ജൂൺ വരെ, പ്രമോട്ടർമാർക്ക് കമ്പനിയിൽ 72.86 ശതമാനം ഓഹരിയുണ്ട്.

ബ്രോക്കറേജ് വിലയിരുത്തൽ

കൊച്ചിൻ ഷിപ്പ്‌യാർഡ് ഓഹരിയിൽ അനലിസ്റ്റുകൾ സമ്മിശ്രമായി തുടരുന്നു. അഞ്ച് അനലിസ്റ്റുകളിൽ മൂന്ന് പേർ "വാങ്ങൽ" റേറ്റിംഗ് നൽകി. ഒരാൾക്ക് "ഹോൾഡ്" ശുപാർശയുണ്ട്. മറ്റൊരാൾ "വിൽക്കുക" എന്ന് നിർദ്ദേശിക്കുന്നു.

ഓഹരിയുടെ സമീപകാല പിന്തുണ 1,800 രൂപയിലും തുടർന്ന് 1,700 രൂപയിലും 1,630 രൂപയിലും കാണാനാകും. ഉയർന്ന തലത്തിൽ, 1,860-2,050 രൂപ പരിധിയിൽ പ്രതിരോധം കണ്ടെത്തിയേക്കാമെന്നാണ് വെൽത്ത് മിൽസ് സെക്യൂരിറ്റീസ് ഇക്വിറ്റി സ്ട്രാറ്റജി ഡയറക്ടർ ക്രാന്തി ബഥിനി പറഞ്ഞത്.

ഓഹരിയുടെ പിന്തുണ 1,700 രൂപയിലും പ്രതിരോധം 1,860 രൂപയിലുമായിരിക്കും. 1,860 രൂപ നിലവാരത്തിന് മുകളിലുള്ള നിർണായക ക്ലോസ് 1,950 രൂപയിലേക്ക് കൂടുതൽ ഉയർച്ചയുണ്ടാക്കുമെന്ന് ആനന്ദ് രതിയിലെ ടെക്‌നിക്കൽ റിസർച്ച് അനലിസ്റ്റായ ജിഗർ എസ് പട്ടേൽ പറഞ്ഞു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.