പഴയ കുതിപ്പിലേക്ക് തിരിച്ചെത്തി കൊച്ചിൻ ഷിപ്പ്‌യാർഡ് ഓഹരി, ഇന്നത്തെ നേട്ടം 6%, മുന്നേറ്റം തുടരുമോ..?

കേരളത്തിന്‍റെ അഭിമാനമാണ് കേന്ദ്രപൊതുമേഖലാ സ്ഥാപനമായ കൊച്ചിൻ ഷിപ്പ്‌യാർഡ് ലിമിറ്റഡ്. ഓഹരി വിപണിയിലും മികച്ച പ്രകടനം നടത്താൻ പൊതുമേഖലാ സ്ഥാപനത്തിന് സാധിച്ചു. കഴിഞ്ഞ ഒരു വർഷത്തിനിടെ ഏകദേശം 300 ശതമാനത്തിന് മുകളിൽ വളർച്ചയാണ് ഓഹരി നേടിയത്. 2024 ജൂലൈ 8 ന് 2977.10 രൂപ എന്ന റെക്കോർഡ് ഉയരത്തിൽ എത്തിയ ഓഹരി എന്നാൽ പിന്നീടുള്ള ദിവസങ്ങളിൽ താഴേക്ക് പതിച്ചു. കഴിഞ്ഞ രണ്ട് മാസത്തിനുള്ളിൽ ഏകദേശം 30 ശതമാനത്തോളം നഷ്ടമാണ് ഓഹരി നേരിട്ടത്.

എന്നാൽ ബുധനാഴ്ച ഓഹരി വിപണിയുടെ ആദ്യ സെഷനിൽ തന്നെ മികച്ച നേട്ടമുണ്ടാക്കാൻ ഓഹരിക്ക് സാധിച്ചു. ആറ് ശതമാനത്തിന് മുകളിൽ വളർച്ചയാണ് ഓഹരി നേടിയത്. എന്താണ് മുന്നേറ്റത്തിന് കാരണമെന്നും കൊച്ചിൻ ഷിപ്പ്‌യാർഡ് ഓഹരിയുടെ പ്രവർത്തനം എങ്ങനെയാണെന്നും പരിശോധിക്കാം.

കുതിപ്പിന് കാരണം

കൊച്ചിൻ ഷിപ്പ്‌യാർഡ് ഉൾപ്പെടെയുള്ള ഇന്ത്യയിലെ കപ്പൽ നിർമ്മാതാക്കൾ നിർമ്മിക്കുന്ന 1.45 ലക്ഷം കോടി രൂപയുടെ മൂലധന ഏറ്റെടുക്കൽ നിർദ്ദേശങ്ങൾക്ക് ഡിഫൻസ് അക്വിസിഷൻ കൗൺസിൽ അംഗീകാരം നൽകിയതാണ് ഓഹരിയുടെ കുതിപ്പിന് ഇന്ധനം നൽകിയത്.

ഓഹരി വില

എൻഎസ്ഇയിൽ 1,941.25 രൂപ എന്നതാണ് നിലവിൽ (11.30 PM) കൊച്ചിൻ ഷിപ്പ്‌യാർഡ് ലിമിറ്റഡ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 3.03 ശതമാനം നഷ്ടം ഓഹരി നേരിട്ടു. 19.48 ശതമാനമാണ് ഒരു മാസത്തെ ഇടിവ്. അതേസമയം ആറ് മാസത്തെ വളർച്ച പരിശോധിച്ചാൽ 120 ശതമാനം മുന്നേറ്റം പൊതുമേഖലാ ഓഹരി നേടിയിട്ടുണ്ടെന്ന് കാണാം. 2024-ൽ ഇതുവരെ 184.88 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 325.17 ശതമാനം വളർച്ചയോടെ മൾട്ടിബാഗർ ഓഹരികളുടെ പട്ടികയിൽ ഇടം നേടാനും കൊച്ചിൻ ഷിപ്പ്‌യാർഡിന് സാധിച്ചു. അതായത് കഴിഞ്ഞ ഒരു വർഷമായി ഓഹരി കൈവശം വച്ചവർക്ക് മികച്ച ലാഭം നൽകാൻ ഓഹരിക്ക് സാധിച്ചിട്ടുണ്ട്.

വളരുമോ തളരുമോ..?

കഴിഞ്ഞ കുറേ നാളുകളായി വലിയ ഇടിവ് കൊച്ചിൻ ഷിപ്പ്‌യാർഡ് ലിമിറ്റഡ് ഓഹരി നേരിടുന്നുണ്ട്. എന്നാൽ ഇന്ന് വലിയ നേട്ടമുണ്ടാക്കാൻ ഓഹരിക്ക് സാധിച്ചിട്ടുണ്ട്. ഓഹരിയുടെ കുതിപ്പ് വരും ദിവസങ്ങളിലും തുടരാൻ സാധ്യതയുണ്ടോ എന്ന് നമുക്ക് നോക്കാം.

കൊച്ചിൻ ഷിപ്പ്‌യാർഡ് ഓഹരികൾ 100 മുതൽ 150 രൂപ വരെ കൂടുതൽ ഇടിവ് നേരിടാൻ സാധ്യതയുണ്ടെന്നാണ് ടെക്‌നിക്കൽ അനലിസ്റ്റ് സർവേന്ദ്ര ശ്രീവാസ്തവയുടെ അഭിപ്രായപ്പെടുന്നത്. കൊട്ടക് ഇൻസ്റ്റിറ്റ്യൂഷണൽ ഇക്വിറ്റീസ് കൊച്ചിൻ ഷിപ്പ്‌യാർഡിന് 740 രൂപ ന്യായവില കണക്കാക്കിയിട്ടുണ്ട്. നേരത്തെ ഓഹരിയുടെ വില 540 രൂപയായിരുന്നു. എന്നിരുന്നാലും, ബ്രോക്കറേജ് ഓഹരിയിലെ വിൽപ്പന കോൾ നിലനിർത്തി.

സാങ്കേതിക കാര്യങ്ങൾ

സാങ്കേതികതയുടെ കാര്യത്തിൽ, ഓഹരിയുടെ ആപേക്ഷിക ശക്തി സൂചിക (RSI) 29.2 ആണ്. ഇത് ചാർട്ടുകളിൽ സ്റ്റോക്ക് അമിതമായി വിറ്റഴിക്കപ്പെടുന്നു എന്നതിൻ്റെ സൂചനയാണ്. കൊച്ചിൻ ഷിപ്പ്‌യാർഡ് ഓഹരികൾ 5 ദിവസം, 10 ദിവസം, 20 ദിവസം, 30 ദിവസം, 50 ദിവസം, 100 ദിവസം എന്നിവയേക്കാൾ കുറവാണ് വ്യാപാരം നടത്തുന്നത്, എന്നാൽ 150 ദിവസം, 200 ദിവസം ചലിക്കുന്ന ശരാശരിയേക്കാൾ ഉയർന്നതാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.