എസ്ബിഐയിൽ നിന്ന് വായ്പയെടുത്തവ‍ർക്ക് രണ്ട് വ‍ർഷം വരെ ആശ്വാസം, അറിയേണ്ട കാര്യങ്ങൾ

ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) റീട്ടെയിൽ ഉപഭോക്താക്കൾക്ക് വായ്പകളുടെ പുന: സംഘടനയ്ക്കുള്ള യോഗ്യത പരിശോധിക്കുന്നതിനായി ഒരു പോർട്ടൽ ആരംഭിച്ചു. യോഗ്യതയുള്ള റീട്ടെയിൽ വായ്പക്കാർക്കുള്ള വ്യവസ്ഥകൾ എസ്‌ബി‌ഐ മാനേജിംഗ് ഡയറക്ടർ സി‌എസ് ഷെട്ടി പ്രഖ്യാപിച്ചു. മൊറട്ടോറിയത്തിൽ 1 മുതൽ 24 മാസം വരെ ഉപയോക്താക്കൾക്ക് തിരഞ്ഞെടുക്കാൻ കഴിയുന്ന വളരെ ലളിതമായ പുന: സംഘടന പാക്കേജാണിതെന്ന് ഷെട്ടി പറഞ്ഞു. ടോപ്പ്-അപ്പ് ഭവനവായ്പ ലഭിക്കുന്നതിന് വായ്പക്കാർക്ക് ഓപ്ഷൻ നൽകുമെന്നും അദ്ദേഹം പറഞ്ഞു.

നിശ്ചിത തുക

മൊറട്ടോറിയത്തിന്റെ വിപുലീകരണത്തിന് ഒരു നിശ്ചിത തുക ബാധകമാണ്. യോഗ്യതയുള്ള ഉപഭോക്താക്കളിൽ നിന്ന് മറ്റ് ഉപഭോക്താക്കളെ അപേക്ഷിച്ച് 0.35% അധിക പലിശ ഈടാക്കും.

ആവശ്യക്കാർ

റീട്ടെയിൽ വായ്പക്കാരിൽ നിന്ന് പുന: സംഘടനയ്ക്കായി എസ്‌ബി‌ഐക്ക് ഇതുവരെ അധികം അഭ്യർത്ഥനകൾ ലഭിച്ചിട്ടില്ല. 3,500 ഉപഭോക്താക്കൾ അവരുടെ യോഗ്യത പരിശോധിക്കുന്നതിനായി പോർട്ടലിലേക്ക് പ്രവേശിച്ചു. അതിൽ 111 പേർ മാത്രമാണ് യോഗ്യത നേടിയത്. സെപ്റ്റംബർ അവസാനത്തോടെ പുന: സംഘടന ലഭിക്കാനിടയുള്ള ഉപഭോക്താക്കളുടെ ശതമാനത്തെക്കുറിച്ച് മികച്ച ചിത്രം ലഭിക്കുമെന്നും അദ്ദേഹം പറഞ്ഞു.

നടപടിക്രമങ്ങൾ

എസ്‌ബി‌ഐ ഉപഭോക്താക്കളോട് പോർട്ടലിൽ പ്രവേശിക്കുമ്പോൾ അവരുടെ അക്കൗണ്ട് നമ്പർ ആവശ്യപ്പെടും. ഒറ്റത്തവണ പാസ്‌വേഡ് മൂല്യനിർണ്ണയം പൂർത്തിയാക്കി ആവശ്യമായ വിവരങ്ങൾ നൽകിയ ശേഷം, ഉപഭോക്താവിനെ അവരുടെ യോഗ്യതയെക്കുറിച്ച് അറിയിക്കുകയും ഒരു റഫറൻസ് നമ്പർ സ്വീകരിക്കുകയും ചെയ്യാം. ഈ റഫറൻസ് നമ്പർ 30 ദിവസത്തേക്ക് സാധുവായിരിക്കും. തുടർന്നുള്ള മറ്റ് നടപടിക്രമങ്ങൾ പൂർത്തിയാക്കാൻ ഉപഭോക്താവിന് ബാങ്ക് ശാഖ സന്ദർശിക്കാം. രേഖകളുടെ പരിശോധനയ്ക്ക് ശേഷം പുന: സംഘടന പ്രക്രിയ പൂർത്തിയാക്കും.

റിസർവ് ബാങ്ക് പ്രഖ്യാപനം

കൊവിഡ് -19 അനുബന്ധ സമ്മർദ്ദത്തിനുള്ള പരിഹാരമായി ഓഗസ്റ്റ് 6 ന് ആണ് റിസർവ് ബാങ്ക് വായ്പകളുടെ പുന: സംഘടന പ്രഖ്യാപിച്ചത്. വ്യക്തിഗത വായ്പക്കാർക്ക് ഈ ചട്ടക്കൂട് ബാധകമാണെന്ന് കരുതപ്പെടുന്നു.