ഈ ഓഹരി കൂടെയുണ്ടോ, ഷെയർ ഒന്നിന് 6.50 രൂപ ലാഭ വിഹിതം കിട്ടും, ഓഹരി വാങ്ങാനും ബ്രോക്കറേജ് നിർദ്ദേശം

ബുധനാഴ്ച ഇടിവോടുകൂടിയാണ് ഓഹരി വിപണിയുടെ തുടക്കം.പല പ്രമുഖ കമ്പനികളുടെ ഓഹരികളും ഇടിവ് രേഖപ്പെടുത്തിയിട്ടുണ്ട്. ഇതൊരു താൽക്കാലിക പ്രതിഭാസമാകും എന്ന വിശ്വാസത്തിലാണ് നിക്ഷേപകർ മുന്നോട് പോകുന്നത്. എന്നാൽ എല്ലാവരും വലിയ ജാഗ്രത പാലിക്കുകയും ചെയ്യുന്നുണ്ട്.

ഇടിവ് നേരിട്ട് മാരികോ ലിമിറ്റഡ്

ഇന്ത്യയിലെ പ്രമു(ഫാസ്റ്റ് മൂവിങ് കണ്‍സ്യൂമര്‍ ഗുഡ്‌സ്) കമ്പനിയായ മാരികോ ലിമിറ്റഡ് ഓഹരികളിലും ബുധനാഴ്ച രാവിലെ ഇടിവാണുണ്ടായത്. ഓഹരി 0.58 ശതമാനം ഇടിഞ്ഞ് 522.50 രൂപയിൽ എത്തി.

6.5 രൂപ ഇടക്കാല ലാഭവിഹിതം

ചൊവ്വാഴ്ച മാരികോയുടെ ഡയറക്ടർ ബോർഡ് ചേരുകയും രണ്ടാമത്തെ ഇടക്കാല ലാഭ വിഹിതം പ്രഖ്യാപിക്കുകയും ചെയ്തിരുന്നു. 1 രൂപ വീതമുള്ള ഇക്വിറ്റി ഷെയറിന് 6.50 രൂപ എന്ന രീതിയിലാണ് ഇടക്കാല ലാഭവിഹിതം കമ്പനി പ്രഖ്യാപിച്ചത്. ഇടക്കാല ലാഭവിഹിതത്തിന്‍റെ റെക്കോർഡ് തീയതിയായി കമ്പനി 2024 മാർച്ച് 6 നിശ്ചയിച്ചിട്ടുണ്ട്.

കഴിഞ്ഞ കുറച്ച് ദിവസങ്ങളായി മാരികോയുടെ ഓഹരികളിൽ ഇടിവ് രേഖപ്പെടുത്തുണ്ട്. ഒരാഴ്ചയ്ക്കിടെ 2.54 ശതമാനമാണ് കമ്പനിയുടെ ഓഹരികൾ ഇടിഞ്ഞത്.

വിപണിയിലെ പ്രകടനം

ബിഎസ്ഇയിൽ മാരികോ ഓഹരികളുടെ 52 ആഴ്‌ചയിലെ ഉയർന്ന വില യഥാക്രമം 595.00 രൂപയും 52 ആഴ്‌ചയിലെ കുറഞ്ഞ വില 462.95 രൂപയുമാണ്. 67,606.53 കോടി രൂപയാണ് കമ്പനിയുടെ വിപണി മൂലധനം. കഴിഞ്ഞ 6 മാസങ്ങളിൽ കമ്പനിയുടെ ഓഹരികളിൽ 6.70 ശതമാനം ഇടിവുണ്ടായിട്ടുണ്ട്. അതേ സമയം കഴിഞ്ഞ 2 വർഷങ്ങളിൽ 6% സൂം ചെയ്തു. 5 വർഷത്തിനിടെ മാരിക്കോ ഓഹരികൾ ഉയർന്നത് 54 ശതമാനമാണ്.

ബ്രോക്കറേജ് ശുപാർശകൾ

ബിഒബി ക്യാപിറ്റൽ

ബിഒബി ക്യാപിറ്റൽ മാർക്കറ്റ്സ് ഈ ഓഹരിയിൽ വാങ്ങൽ നിർദേശം നൽകിയിരിക്കുന്നു. 2024 ജനുവരി 30-ലെ ബിഒബി ക്യാപിറ്റലിന്‍റെ ബ്രോക്കറേജ് റിപ്പോർട്ട് അനുസരിച്ച് മാരികോ ഓഹരികൾ മുന്നേറുമെന്നാണ് വിലയിരുത്തൽ. ടേക് പ്രോഫിറ്റ്(ടിപി) 646 രൂപയിൽ നിന്നും 618 രൂപയായി കുറച്ച് നിശ്ചയിച്ചിട്ടുണ്ട്. ഭക്ഷ്യ പോർട്ട്‌ഫോളിയോ, ഉൽപ്പന്ന ലോഞ്ചുകൾ, ബ്രാൻഡ് നിക്ഷേപങ്ങൾ എന്നിവയിൽ തുടർച്ചയായ ശ്രദ്ധ കേന്ദ്രീകരിക്കുന്നത് വോളിയം വീണ്ടെടുക്കലിനും ലാഭകരമായ വളർച്ചയ്ക്കും സഹായിക്കുമെന്നും ബിഒബി ക്യാപിറ്റൽ വിലയിരുത്തുന്നു.

10000 രൂപയുടെ എസ്ഐപി നൽകിയത് 19 ലക്ഷം; നേട്ടം മാത്രം നൽകിയ 10 മ്യൂച്വൽ ഫണ്ടുകൾ, കൂടെ കൂട്ടുന്നോ?

അറ്റാദായത്തിൽ വർധന

2023 ഡിസംബർ 31 ന് അവസാനിച്ച പാദത്തിൽ മാരികോയുടെ അറ്റാദായം 386 കോടി രൂപയായി ഉയർന്നു. അതേ സമയം പ്രവർത്തനങ്ങളിൽ നിന്നുള്ള വരുമാനം കഴിഞ്ഞ സാമ്പത്തിക വർഷത്തെ സമാന പാദത്തിലെ 2470 കോടി രൂപയിൽ നിന്ന് 1.9% ഇടിഞ്ഞ് 2422 കോടി രൂപയായി. 2023 ഡിസംബർ പാദത്തിൽ കമ്പനിയുടെ ഇബിഐടിഡിഎയിൽ 12.5 ശതമാനം വർധിച്ച് 513 കോടി രൂപയായി. കഴിഞ്ഞ സാമ്പത്തിക വർഷത്തിലെ സമാന പാദത്തിൽ 456 കോടി രൂപയായിരുന്നു ഇത്.

മാരികോ ഡിവിഡന്‍റ് ചരിത്രം

2000 സെപ്റ്റംബർ 4 മുതൽ കമ്പനി 61 ലാഭവിഹിതം പ്രഖ്യാപിച്ചു. കഴിഞ്ഞ 12 മാസങ്ങളിൽ, മാരികോ ഒരു ഓഹരിക്ക് 7.50 രൂപ വീതം ഇക്വിറ്റി ഡിവിഡന്‍റ് പ്രഖ്യാപിച്ചു.

മാരിക്കോ ലിമിറ്റഡ്

ആഗോള ബ്യൂട്ടി, വെൽനസ് വിഭാഗങ്ങളിൽ പ്രവർത്തിക്കുന്ന ഇന്ത്യയിലെ മുൻനിര ഉപഭോക്തൃ ഉൽപ്പന്ന കമ്പനികളിലൊന്നാണ് മാരിക്കോ ലിമിറ്റഡ്. മുംബൈയാണ് ആസ്ഥാനം. ഏഷ്യയിലെയും ആഫ്രിക്കയുമടക്കം ലോകത്തെ 25-ലധികം രാജ്യങ്ങളിൽ മാരികോയുടെ സാന്നിധ്യമുണ്ട്. മുടി സംരക്ഷണം, ചർമ്മ സംരക്ഷണം, ഭക്ഷ്യ എണ്ണകൾ, ആരോഗ്യകരമായ ഭക്ഷണങ്ങൾ, പുരുഷ സൗന്ദര്യം, തുണി സംരക്ഷണം എന്നീ വിഭാഗങ്ങളിൽ പ്രമുഖ ബ്രാൻഡുകളാണ് കമ്പനിക്ക് കീഴിലുള്ളത്.

2024 ഏപ്രിൽ 1-ന് കമ്പനിയുടെ അഡീഷണൽ ഡയറക്ടറായി (നോൺ ഇൻഡിപെൻഡന്‍റ് നോൺ എക്‌സിക്യൂട്ടീവ്) നിഖിൽ ഖട്ടാവു ചുമതലയേൽക്കുമെന്നും മാരികോ അറിയിച്ചു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.