തുടർച്ചയായ 5-ാം ദിവസവും ഓഹരി വിപണിയിൽ നേട്ടം, നിഫ്റ്റി 12,250ന് മുകളിൽ, സെൻസെക്സ് 552 പോയിന്റിലെത്തി

ഊർജ്ജ, സാമ്പത്തിക ഓഹരികളുടെ നേട്ടത്തിൽ ബെഞ്ച്മാർക്ക് സൂചികകൾ തുടർച്ചയായ അഞ്ചാം ദിവസവും നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 552.90 പോയിൻറ് അഥവാ 1.34 ശതമാനം ഉയർന്ന് 41893.06 പോയിന്റിൽ എത്തി. നിഫ്റ്റി 143.20 പോയിൻറ് അഥവാ 1.18 ശതമാനം ഉയർന്ന് 12263.50ൽ എത്തി. ഏകദേശം 1478 ഓഹരികൾ ഇന്ന് മുന്നേറി, 1106 ഓഹരികൾ ഇടിഞ്ഞു, 186 ഓഹരികൾക്ക് ഇന്ന് മാറ്റമില്ല.

ബജാജ് ഫിൻ‌സെർവ്, റിലയൻസ് ഇൻഡസ്ട്രീസ്, ഇൻ‌ഡസ് ഇൻ‌ഡ് ബാങ്ക്, എച്ച്ഡി‌എഫ്സി ബാങ്ക്, കൊട്ടക് മഹീന്ദ്ര ബാങ്ക് എന്നിവ നിഫ്റ്റിയിൽ മികച്ച നേട്ടമുണ്ടാക്കി. മേഖല സൂചികകളിൽ, ബാങ്ക്, ഊർജ്ജം, ഐടി, മെറ്റൽ മേഖല സൂചികകൾ മികച്ച നേട്ടമുണ്ടാക്കിയപ്പോൾ എഫ്എംസിജി, ഫാർമ ഓഹരികൾ ഇന്ന് സമ്മർദ്ദത്തിലായിരുന്നു. ബി‌എസ്‌ഇ മിഡ്‌കാപ്പ്, സ്‌മോൾക്യാപ് സൂചികകൾ 0.3 മുതൽ 0.5 ശതമാനം വരെ ഉയർന്നു. നിഫ്റ്റി പ്രൈവറ്റ് ബാങ്ക് സൂചിക രണ്ട് ശതമാനത്തിലധികം നേട്ടമുണ്ടാക്കി.

തുടർച്ചയായ 5-ാം ദിവസവും ഓഹരി വിപണിയിൽ നേട്ടം, നിഫ്റ്റി 12,250ന് മുകളിൽ, സെൻസെക്സ് 552 പോയിന്റിലെത്തി

രണ്ടാം പാദ ഫലം പ്രഖ്യാപിച്ചതിന് തൊട്ടുപിന്നാലെ നവംബർ 6 ന് അദാനി പവർ ഓഹരി വില 4 ശതമാനം ഉയർന്നു. സെപ്റ്റംബർ 30 ന് അവസാനിച്ച പാദത്തിൽ കമ്പനിയുടെ ഏകീകൃത അറ്റാദായം 2,228.05 കോടി രൂപയായി ഉയർന്നു. കമ്പനിയുടെ വരുമാനം ഈ പാദത്തിൽ മെച്ചപ്പെട്ടു. കഴിഞ്ഞ വർഷം ഇതേ കാലയളവിൽ 3.88 കോടി രൂപയുടെ അറ്റാദായമാണ് കമ്പനി നേടിയിരുന്നത്. ഈ വർഷം മൊത്തം വരുമാനം 8,792.28 കോടി രൂപയായി ഉയർന്നു. കഴിഞ്ഞ വർഷം ഇത് 6,815.22 കോടി രൂപയായിരുന്നു.

യുഎസ് തെരഞ്ഞെടുപ്പ് ഫലവുമായി ബന്ധപ്പെട്ട വിപണിയിലെ ചാഞ്ചാട്ടത്തെക്കുറിച്ചുള്ള ആശങ്കകൾക്കിടയിലും ആഗോള വിപണി മികച്ച നേട്ടം കൈവരിച്ചു. യുഎസ് വിപണികൾ 7.1% ഉയർന്നു. ഇത് നിരവധി മാസങ്ങളിലെ ഏറ്റവും മികച്ച ആഴ്ചകളിലൊന്നായിരുന്നു. ഡോളർ നേട്ടം കൈവരിച്ചത്ടോ വെള്ളിയാഴ്ച സ്വർണ വില ഇടിഞ്ഞു. ഡോളർ സൂചിക കരുത്ത് കാട്ടിയതിന്റെ അടിസ്ഥാനത്തിൽ വെള്ളിയാഴ്ച രൂപയുടെ വ്യാപാരം ദുർബലമായി. 

ഓഹരി വിപണിയിൽ ഇന്ന് 1% നേട്ടം, നിഫ്റ്റി 11,800 ന് മുകളിൽ; ഫിനാൻസ് ഓഹരികൾ മുന്നേറി