ആഗോള വിപണി ഉയ‍ർന്നു, ഇന്ത്യൻ വിപണിയിലും തുടക്കം നേട്ടത്തിൽ, ഓട്ടോ ഓഹരികൾക്ക് മുന്നേറ്റം

ഇന്ത്യൻ സൂചികകൾ ഇന്ന് നേട്ടത്തിൽ വ്യാപാരം ആരംഭിച്ചു. ‌‌‌‌നിഫ്റ്റി 11,100 ന് മുകളിലാണ് വ്യാപാരം നടത്തുന്നത്. രാവിലെ 09:17ന് സെൻസെക്സ് 185.58 പോയിൻറ് അഥവാ 0.50% ഉയ‍ർന്ന് 37574.24 ൽ എത്തി, നിഫ്റ്റി 61.20 പോയിൻറ് അഥവാ 0.55% ഉയർന്ന് 11,111.50 ൽ എത്തി. ഏകദേശം 916 ഓഹരികൾ രാവിലെ മുന്നേറിയപ്പോൾ, 202 ഓഹരികൾ ഇടിഞ്ഞു, 53 ഓഹരികൾ മാറ്റമില്ലാതെ തുട‍ർന്നു. ഓട്ടോ, ഇൻഫ്ര, മെറ്റൽ, ഫാർമ ഓഹരികളുടെ പിന്തുണയോടെയാണ് നിഫ്റ്റി ഇന്ന് 11,100 ന് മുകളിൽ ഉയർന്നത്. 

ആഗോള വിപണി ഉയ‍ർന്നു, ഇന്ത്യൻ വിപണിയിലും തുടക്കം നേട്ടത്തിൽ, ഓട്ടോ ഓഹരികൾക്ക് മുന്നേറ്റം

മെറ്റൽ, ബാങ്ക്, ഓട്ടോ സൂചികകൾ ഓപ്പണിംഗ് സെഷനിൽ 1.5 ശതമാനം വീതം ഉയർന്നു. ഒൻജിസി, ടാറ്റാ സ്റ്റീൽസ്, ബജാജ് ഫിനാൻസ്, ആക്സിസ് ബാങ്ക്, എൻടിപിസി, മാരുതി എന്നിവയാണ് ബിഎസ്ഇ സെൻസെക്സിൽ ഇന്ന് മുന്നേറുന്ന ഓഹരികൾ. ടിസിഎസ്, ഇൻഫോസിസ്, നെസ്ലെ ഇന്ത്യ, ഹിന്ദുസ്ഥാൻ യുണീലിവ‍‍ർ എന്നിവയാണ് ഇന്ന് നഷ്ടത്തിൽ വ്യാപാരം നടത്തുന്നത്. 

നിഫ്റ്റി മിഡ്‌ക്യാപ്പും നിഫ്റ്റി സ്‌മോൾക്യാപ്പും യഥാക്രമം 1.8 ശതമാനവും രണ്ട് ശതമാനവും ഉയർന്നു. 

ഓഹരി വിപണിയിൽ ഇന്ന് നേട്ടത്തിൽ തുടക്കം; ഇൻ‌ഫോസിസ്, ആർ‌ഐ‌എൽ ഓഹരികൾ മികച്ച നേട്ടക്കാർ