ഹ്രസ്വകാലം കൊണ്ട് 37% റിട്ടേൺ വേണോ? ഇപ്പോൾ വാങ്ങാൻ ബ്രോക്കറേജ് നിർദ്ദേശിക്കുന്ന 2 ബാങ്കിം​ഗ് ഓഹരികളിതാ

രണ്ട് ദിവസത്തെ നഷ്ടത്തിന് ശേഷം നഷ്ടത്തിലാണ് വിപണി ബുധനാഴ്ച വ്യാപാരം ആരംഭിച്ചത്. സെൻസെക്‌സ് 285.44 പോയിന്റ് താഴ്ന്ന് 65,116.48ലും നിഫ്റ്റി 100.10 പോയിന്റ് ഇടിഞ്ഞ് 19,334.40 ലുമാണ് വ്യാപാരം തുടങ്ങിയത്. നഷ്ടം കുറച്ചു കൊണ്ടു വന്ന ശേഷം ഒരു മണിയോടെ
സെൻസെക്‌സ് 65,358.74ലും നിഫ്റ്റി 19,409.20 ലുമാണുള്ളത്. കനത്ത ചാഞ്ചാട്ടം നേരിടുന്ന വിപണിയിൽ ഹ്രസ്വാകാലത്തേക്ക് മികച്ച റിട്ടേൺ ലഭിക്കാൻ ചില ഓഹരികളെ നിർദ്ദേശിക്കുകയാണ് ബ്രോക്കറേജ് സ്ഥാപനമായ എൽകെപി സെക്യൂരിറ്റീസ്.

പൊതുമേഖലാ ബാങ്കിം​ഗ് ഓഹരികളായ ബാങ്ക് ഓഫ് ബറോഡ, കാനറ ബാങ്ക് എന്നിവയാണ് ബ്രോക്കറേജ് സ്ഥാപനമായ എൽകെപി സെക്യൂരിറ്റീസ് വാങ്ങാനായി നിർദ്ദേശിക്കുന്നത്. അടുത്ത മൂന്ന് മുതൽ ആറ് മാസത്തിനുള്ളിൽ ഓഹരികൾ 37 ശതമാനം വരെ ഉയരാം. കഴിഞ്ഞ വർഷത്തെ സ്വാതന്ത്ര്യ ദിനം മുതൽ ഇതുവരെയുള്ള 1 വർഷ കാലയളവിൽ ബാങ്ക് ഓഫ് ബറോഡ ഓഹരികൾ 55 ശതമാനം മുന്നേറ്റമാണ് നടത്തിയത്. ഇതേ കാലയളവിൽ കാനറ ബാങ്ക് ഓഹരികൾക്ക് 42 ശതമാനമായിരുന്നു മുന്നേറ്റം.

ബാങ്ക് ഓഫ് ബറോഡ

അഡ്വാന്‍സിലും ഡെപ്പോസിറ്റിലും ശക്തമായ വളര്‍ച്ച കാണിക്കുന്ന ബാങ്കിന് മികച്ച ലിക്വിഡിറ്റി പൊസിഷനും ആകര്‍ഷകമായ വാല്യുവേഷനുമാണ് ബ്രോക്കറേ് എടുത്ത കാണിക്കുന്നത്. കുറഞ്ഞ സ്ലിപ്പേജുകളും ഉയർന്ന അസറ്റിന്റെ ഗുണനിലവാരം ഉയർന്ന പ്രൊവിഷൻ കവറേജ് എന്നിവ ബാങ്കിനെ മികച്ചതാക്കുന്നു. ബാങ്ക് ഓഫ് ബറോഡ ഓഹരികൾ 250-265 രൂപ നിലവാരത്തിലേക്ക് നീങ്ങാൻ സാധ്യതയുണ്ടെന്നാണ് ബ്രോക്കറേജ് പ്രതീക്ഷിക്കുന്നത്. ഓഹരിക്ക് 174 രൂപയിൽ പിന്തുണയുണ്ട്.

ഓഹരി 190- 193 രൂപ പരിധിയിൽ വാങ്ങാനാണ് ബ്രോക്കറേജ് നിർദ്ദേശിക്കുന്നത്. അടുത്ത 3 മുതൽ 6 മാസത്തേക്ക് ടാർഗെറ്റ് വിലയായ 250- 265 രൂപയാണ് ബ്രോക്കറേജ് നിശ്ചയിക്കുന്നത്. ഇത് 37 ശതമാനം നേട്ടമാണ്. 187.75 രൂപയിലാണ് ഓഹരി ബുധനാഴ്ച ട്രേഡ് ചെയ്യുന്നത്.

210.80 രൂപയാണ് ഓഹരിയുടെ 52 ആഴ്ചയിലെ ഉയർന്ന വില. 117 രൂപയാണ് 52 ആഴ്ച താഴ്ന്ന വില. ഒരു വർഷത്തിനിടെ 55 ശതമാനം മുന്നേറിയ ഓഹരി മൂന്ന് വർഷത്തിനിടെ 306.72 റിട്ടേണാണ് നിക്ഷേപകന് നൽകിയത്.

കാനറ ബാങ്ക്

കഴിഞ്ഞ 12 പാദങ്ങളിൽ ആസ്തി ​ഗുണവിലവാരം മെച്ചപ്പെടുത്താനും സ്ഥിരമായ വളർച്ച രേഖപ്പെടുത്തുന്നു ഈ ബാങ്കിം​ഗ് ഓഹരിക്ക് സാധിച്ചിട്ടുണ്ട്. ഓഹരി 328-336 രൂപ നിലവാരത്തിൽ വാങ്ങാനാണ് ബ്രോക്കറേജ് സ്ഥാപനമായ എൽകെപി സെക്യൂരിറ്റീസ് നിർദ്ദേശിക്കുന്നത്.

3 മുതൽ 6 മാസ കാലയളവിൽ ഓഹരി 400- 430 രൂപ നിലവാരത്തിലേക്ക് കുതിക്കാം. 300 രൂപയാണ് ഓഹരിയുടെ സപ്പോർട്ട് ലെവൽ. നിലവിൽ 329 രൂപയിൽ വ്യാപാരം നടക്കുന്ന കാനറ ബാങ്ക് ഓഹരി 28 ശതമാനം വരെ ഉയരുമെന്നാണ് ബ്രോക്കറേജിന്റെ നിരീക്ഷണം.

351.40 രൂപയാണ് കാനറ ബാങ്ക് ഓഹരിയുടെ 52 ആഴ്ചയിലെ ഉയർന്ന വില. 207.50 രൂപയാണ് 52 ആഴ്ചയിലെ താഴ്ന്ന വില. 1 വർഷത്തിനിടെ 42 ശതമാനം മുന്നേറ്റം നടത്തിയ ഓഹരി മൂന്ന് വർഷത്തിനിടെ 224.48 ശതമാനം റിട്ടേണാണ് നൽകിയത്.

അറിയിപ്പ്

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.