15 ശതമാനം ഇടിഞ്ഞ് മണപ്പുറം ഫിനാൻസ് ഓഹരി, തിരിച്ചടിയായത് ആർബിഐയുടെ ഈ തീരുമാനം, വിൽക്കണോ..?

വെള്ളിയാഴ്ച ഓഹരി വിപണിയിൽ ആദ്യ സെഷനിൽ തന്നെ കനത്ത നഷ്ടം നേരിട്ട ഓഹരികളിലൊന്നാണ് മണപ്പുറം ഫിനാൻസ് ലിമിറ്റഡ്. ഏകദേശം 15 ശതമാനത്തിന് മുകളിലാണ് നേരിട്ട നഷ്ടം. അതോടെ ഓഹരി വില 150 രൂപയിലേക്ക് താഴ്ന്നു. എന്താണ് ഇടിവിന് കാരണമെന്നും ഓഹരി വിപണിയിലെ പ്രകടനം എങ്ങനെയാണെന്നും നമുക്ക് പരിശോധിക്കാം.

ഇടിവിന് കാരണം

മണപ്പുറം ഫിനാൻസിൻ്റെ അനുബന്ധ സ്ഥാപനമായ ആശിർവാദ് മൈക്രോഫിനാൻസിനെതിരായ ആർബിഐയുടെ നടപടികളാണ് മണപ്പുറം ഫിനാൻസ് ഓഹരിയെ താഴേക്ക് വലിച്ചിട്ടത്. കഴിഞ്ഞ ദിവസം റിസർവ് ബാങ്ക് ഓഫ് ഇന്ത്യ ആശിർവാദ് മൈക്രോ ഫിനാൻസ് ലിമിറ്റഡ്, ആരോഹൻ ഫിനാൻഷ്യൽ സർവീസസ് ലിമിറ്റഡ്, ഡിഎംഐ ഫിനാൻസ്, നവി ഫിൻസെർവ് എന്നീ സ്ഥാപനങ്ങളോട് ലോണുകളുടെ അനുമതിയും വിതരണവും നിർത്താൻ ആവശ്യപ്പെട്ടിരുന്നു. മെറ്റീരിയൽ സൂപ്പർവൈസറി പ്രശ്‌നങ്ങൾ ചൂണ്ടിക്കാട്ടിയാണ് നടപടി.

ഈ എൻഎഫ്ബിസികളുടെ വിലനിർണ്ണയ നയം സംബന്ധിച്ച് ആശങ്കകളുണ്ട്. അവ അധികമാണെന്നും ചട്ടങ്ങൾ പാലിക്കുന്നില്ലെന്നുമാണ് ആർബിഐ പറയുന്നത്. മണപ്പുറം ഫിനാൻസിൻ്റെ മൈക്രോലെൻഡിംഗ് വിഭാഗമാണ് ആശിർവാദ് മൈക്രോഫിനാൻസ്. കുറഞ്ഞ വരുമാനമുള്ള സ്ത്രീകൾക്ക് മൈക്രോഫിനാൻസ് വായ്പകൾ വാഗ്ദാനം ചെയ്യുന്നു. 2024 സാമ്പത്തിക വർഷത്തിൽ, മണപ്പുറം ഫിനാൻസിൻ്റെ മൊത്തം വരുമാനത്തിൽ 27 ശതമാനം സംഭാവന നൽകിയത് ആശിർവാദ് മൈക്രോഫിനാൻസ് ആണ്.

ഓഹരി വിപണി

എൻഎസ്ഇയിൽ 13.03 ശതമാനം ഇടിവോടെ 154.22 രൂപ എന്നതാണ് മണപ്പുറം ഫിനാൻസ് ഓഹരിയുടെ നിലവിലെ (11.50 AM) ഓഹരി വില. കഴിഞ്ഞ അഞ്ച് ദിവസത്തിനിടെ 16.32 ശതമാനം ഇടിവ് ഓഹരി നേരിട്ടു. 26.32 ശതമാനം നഷ്ടമാണ് ഒരു മാസത്തിനിടെ ഓഹരിക്ക് സംഭവിച്ചത്. 230.40 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 125.3 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് ശുപാർശകൾ

ആർബിഐ നിയന്ത്രണങ്ങൾ വരുമാനത്തെ ദോഷകരമായി ബാധിക്കുമെന്ന് ചൂട്ടിക്കാട്ടി അന്താരാഷ്ട്ര ബ്രോക്കറേജ് ജെഫറീസ് മണപ്പുറം ഫിനാൻസ് ഓഹരിയെ 'ഹോൾഡ്' ആയി തരംതാഴ്ത്തി. അതേസമയം ബാങ്ക് ഓഫ് അമേരിക്ക അതിൻ്റെ 'വാങ്ങുക' കോൾ ആവർത്തിക്കാൻ തീരുമാനിച്ചു, എന്നാൽ അതിൻ്റെ ലക്ഷ്യ വില ഒരു ഷെയറിന് 220 രൂപയായി കുറച്ചു.റെക്കോർഡ് വണ്ടിയിൽ നിന്നും ഇറങ്ങാതെ സ്വർണം, വില വീണ്ടും കൂടി, 1 പവൻ വാങ്ങിയാൽ കീശ കീറും

മോർഗൻ സ്റ്റാൻലി മണപ്പുറത്തെ "ഓവർ വെയ്റ്റ്" എന്ന മുൻ റേറ്റിംഗിൽ നിന്ന് "ഇക്വൽവെയ്റ്റ്" ആയി തരംതാഴ്ത്തി, കൂടാതെ അതിൻ്റെ വില ലക്ഷ്യം ₹170 ആയി കുറച്ചു. അടുത്തിടെയുള്ള ആർബിഐ ഉപരോധം ലാഭത്തെയും ദീർഘകാലത്തേയും കാര്യമായി ബാധിക്കുമെന്ന് അതിൽ പറയുന്നു.

മണപ്പുറത്ത് കവറേജ് ഉള്ള 18 അനലിസ്റ്റുകളിൽ, 12 പേർക്ക് ഇപ്പോഴും സ്റ്റോക്കിൽ "വാങ്ങൽ" റേറ്റിംഗ് ഉണ്ട്, നാല് പേർ "ഹോൾഡ്" എന്ന് പറയുന്നു, അവരിൽ രണ്ട് പേർക്ക് സ്റ്റോക്കിൽ "വിൽക്കുക" കോൾ ഉണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.