സിലിക്കൺ വാലിക്ക് ശേഷം ചുവന്ന് വിപണി; നിക്ഷേപകർക്ക് 7.3 ലക്ഷം കോടിയുടെ നഷ്ടം; ഇടിവിന്റെ കാരണങ്ങളറിയാം

ഹിൻഡൻബർഗ് വഴി അദാനി നിന്നുണ്ടായ പ്രതിസന്ധിയി മറികടക്കാൻ തുടങ്ങുന്ന ഇന്ത്യന്‍ വിപണിക്ക് തിരിച്ചടിയായത് പ്രധാനമായും അമേരിക്കയിലെ സിലിക്കണ്‍ വാലി ബാങ്കിന്റെ തകർച്ചയാണ്. സിലിക്കൺ വാലി ഇന്ത്യൻ വിപണിയിൽ ചോരപ്പുഴ ഒഴുക്കി. കഴിഞ്ഞ മൂന്ന് ട്രേഡിംഗ് സെഷനുകളിലായി നിക്ഷേപകര്‍ക്ക് നഷ്ടമായത് 7.3 ലക്ഷം കോടിയാണ്. സെന്‍സെക് 2110 പോയിന്റാണ് ഇക്കാലയളവില്‍ ഇടിഞ്ഞത്.

തിങ്കളാഴ്ച സെന്‍സെക്സ് 897 പോയന്റ് താഴ്ന്ന് 58,238ലും നിഫ്റ്റി 258 പോയിന്റ് ഇടിഞ്ഞ് 17,154.30 ലുമാണ് ക്ലോസ് ചെയ്തത്. തിങ്കളാഴ്ചത്തെ തിരിച്ചടി ഏറ്റവും കൂടുതൽ ബാധിച്ചത് ഇന്ത്യൻ ബാങ്കുകളെയാണ്. കര്‍ശനമായ നിയന്ത്രണ ചട്ടക്കൂടിലാണെന്ന് ഇന്ത്യൻ ബാങ്കുകളെന്ന വിശകലനങ്ങൾക്കിടയിലും ബാങ്കിം​ഗ് ഓഹരികൾ ഇടി‍ഞ്ഞു. തിങ്കളാഴ്ച വിപണിയെ ബാധിച്ച പ്രധാന ഘടകങ്ങൾ നോക്കാം.

സിലിക്കൺ വാലി

സിലിക്കൺ വാലി ബാങ്ക് തകർച്ചയിൽ അമേരിക്കൻ ഭരണകൂടം നടപടികളിലേക്ക് കടക്കുമ്പോഴും വിപണിയെ ബാധിച്ചു. നിക്ഷേപകരുടെ പണം മുഴുവന്‍ തിരിച്ചുകൊടുക്കുമെന്ന് യുഎസ് ഭരണകൂടം വ്യക്തമാക്കിയിട്ടും വിപണി ഇടിഞ്ഞു. ആ​ഗോള വത്കരണ കാലത്ത് ലോകത്തിന്റെ ഏത് കോണിൽ നടക്കുന്ന സാമ്പത്തിക സംഭവ വികാസങ്ങൾക്കും വിപണിയെ സ്വാധീനിക്കാനാകും. ഇതിൽ നിന്ന് ഇന്ത്യയ്ക്ക് മാത്രമായി മാറി നിൽക്കാൻ സാധിക്കില്ലെന്ന് നോവവൺ ക്യാപിറ്റൽ സിഇഒ സുനില്‍ സംഗായ് പറഞ്ഞു. 

അന്താരാഷ്ട്ര വിപണി

വാൾസ്ട്രീറ്റിൽ നിന്നുള്ള തകർച്ച പിന്തുടർന്നാണ് ഏഷ്യന്‍ വിപണികള്‍ തുടങ്ങിയത്. കഴിഞ്ഞയാഴ്ച ഡൗ ജോണ്‍സ് 4.4 ശതമാനവും എസ് ആന്റ് പി 500 4.5 ശതമാനവും നാസ്ഡാക്ക് 4.7 ശതമാനവും ഇടിഞ്ഞു. ജപ്പാന്റെ നിക്കി 1.1 ശതമാനം ഇടിഞ്ഞപ്പോള്‍ ഓസ്ട്രേലിയയുടെ ASX 200 0.5 ശതമാനം താഴ്ന്നു.

ബാങ്കിം​ഗ് ഓഹരികളിലെ ഇടിവ്

ബാങ്കുകളുടെ ഓഹരികള്‍ ആഗോള തലത്തില്‍ ഇടിഞ്ഞതിനെ തുടര്‍ന്ന് ബാങ്ക് നിഫിറ്റി തിങ്കളാഴ്ച 2.3 ശതമാനം നഷ്ടത്തിലായി. ഇന്‍ഡസ്ഇന്‍ഡ് ബാങ്കാണ് ഏറ്റവും വലിയ ഇടിവ് നേരിട്ടത്. 7 ശതമാനം ഇൻഡസ്ഇൻഡ് ബാങ്ക് ഓഹരികൾ താഴ്ന്നു. പൊതുമേഖലാ ബാങ്ക് ഓഹരികള്‍ക്ക് 5 ശതമാനം വരെ നഷ്ടമുണ്ടായി. 

ഫെഡ് റിസർവ്

സിലിക്കൺ വാലി പ്രതിസന്ധിയുടെ പശ്ചാത്തലത്തിൽ ഫെഡ് റിസർവ് ഇത്തവണ നിരക്ക് വർധനവിനുള്ള സാധ്യത കുറഞ്ഞുവെങ്കിലും ഫെബ്രുവരിയിലെ ഉപഭോക്തൃ വില സൂചികയിലും ഫെബ്രുവരിയിലെ പ്രൊഡ്യൂസർ പ്രൈസ് ഇൻഡക്‌സിലുമാണ് നിക്ഷേപകർ ഉറ്റുനോക്കുന്നത്. പ്രതീഷിച്ചതിലും കൂടുതൽ വർധനവുണ്ടായാൽ 50 അടിസ്ഥാന നിരക്കോ അതിലധികമോ നിരക്ക് വർധനവ് പ്രതീക്ഷിക്കാം.