വില 310 രൂപയിൽ താഴെ, മികച്ച വരുമാനം, ഈ പൊതുമേഖലാ ഓഹരി വാങ്ങണോ, വിദഗ്ധരുടെ വിലയിരുത്തൽ അറിയാം

കഴിഞ്ഞ ഒരു വർഷത്തിനിടെ മികച്ച ലാഭം നിക്ഷേപകർക്ക് നൽകിയ പൊതുമേഖലാ ഓഹരികളിലൊന്നാണ് ഭാരത് ഇലക്ട്രോണിക്‌സ്. 2024 ജൂൺ പാദത്തിൽ ശ്രദ്ധേയമായ പ്രവർത്തനം കാഴ്ചവെയ്ക്കാനും കമ്പനിക്ക് സാധിച്ചു. അതുകൊണ്ടു തന്നെ ഓഹരി വരും ദിവസങ്ങളിലും മുകളിലേക്ക് ഉയരാനുള്ള സാധ്യതയുണ്ട്. വിപണി വിദഗ്ധരും ഓഹരിയിൽ പോസിറ്റീവാണ്. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ പരിശോധിക്കാം.

വരുമാനത്തിൽ വർധനവ്

2024 ജൂണിൽ അവസാനിച്ച പാദത്തിൽ മികച്ച പ്രകടനമാണ് ഭാരത് ഇലക്ട്രോണിക്‌സ് നടത്തിയത്. അറ്റാദായം 46.1 ശതമാനം വർദ്ധനവോടെ 776 കോടി രൂപയായി. കമ്പനിയുടെ വരുമാനം 4,199 കോടി രൂപയിലെത്തി. . ഇബിഐടിഡിഎയ്ക്ക് മുമ്പുള്ള വരുമാനം 41 ശതമാനം വർധിച്ച് 937 കോടി രൂപയായി. മാർജിൻ ഒരു വർഷം മുമ്പത്തെ 19 ശതമാനത്തിൽ നിന്ന് 22.3 ശതമാനമായി ഗണ്യമായി മെച്ചപ്പെട്ടു. ജൂൺ പാദത്തിൽ 4,105.14 കോടി രൂപയുടെ വിറ്റുവരവാണ് കമ്പനി നേടിയത്. 76,705 കോടി രൂപയാണ് 2024 ജൂലൈ 1 വരെ കമ്പനിയുടെ ഓർഡർ ബുക്ക്.

ഓഹരി വിപണിയിലെ പ്രകടനം

എൻഎസ്ഇയിൽ 306.30 രൂപ എന്നതാണ് നിലവിൽ ഭാരത് ഇലക്ട്രോണിക്‌സ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 2.03 ശതമാനം ഇടിവ് ഓഹരി നേരിട്ടു. അതേസമയം ആറ് മാസം കൊണ്ട് 65.93 ശതമാനം വളർച്ചയാണ് ഓഹരി നേടിയത്. ജൂലൈയിൽ, സ്റ്റോക്ക് 3 ശതമാനത്തിലധികം ഉയർന്നു.

ഒരു വർഷത്തിനിടെ 144.36 ശതമാനം നേട്ടമുണ്ടാക്കാനും പൊതുമേഖലാ ഓഹരിക്ക് സാധിച്ചു. 340.50 രൂപയാണ് ഓഹരിയുടെ 52 ആഴ്ചയിലെ ഏറ്റവും ഉയർന്ന ഓഹരി വില. 123.50 രൂപയാണ് ഓഹരിയുടെ 52 ആഴ്ചയിലെ ഏറ്റവും താഴ്ന്ന ഓഹരി വില.

ഓഹരി വിശകലം

1. ഓം മെഹ്‌റ, ടെക്‌നിക്കൽ അനലിസ്റ്റ്, സാംകോ സെക്യൂരിറ്റീസ്

ഓഹരി അതിൻ്റെ 10-ദിവസം, 50-ദിവസത്തെ മൂവിംഗ് ആവറേജിന് (ഡിഎംഎ) മുകളിലാണ് വ്യാപാരം ചെയ്യുന്നത്. എന്നാൽ അതിൻ്റെ 20 ഡിഎംഎയ്ക്ക് താഴെയാണ്. ഇത് ഹ്രസ്വകാല സമ്മിശ്ര പ്രവണതയെ സൂചിപ്പിക്കുന്നു. എന്നിരുന്നാലും, പ്രാഥമിക പ്രവണത പോസിറ്റീവ് ആയി തുടരുന്നു. വോളിയം പങ്കാളിത്തം ശരാശരിയായി തുടരുന്നു. ഓഹരി 306-326 രൂപ പരിധിയിൽ തുടരാൻ സാധ്യതയുണ്ട്.

2. രാജേഷ് പല്വിയ, എസ്വിപി - ടെക്നിക്കൽ ആൻഡ് ഡെറിവേറ്റീവ് റിസർച്ച്, ആക്സിസ് സെക്യൂരിറ്റീസ്

ദിവസേനയുള്ള സമയ ഫ്രെയിമിൽ ഓഹരി അതിൻ്റെ 20-ദിവസത്തെ എസ്എംഎയ്ക്ക് താഴെയുള്ളതാണ്. ഇത് സമീപകാലത്ത് ദൗർബല്യം കാണിക്കുന്നു. നിർണായകമായ സപ്പോർട്ട് സോൺ ഏകദേശം 290-285 ലെവലാണ്. ഈ സപ്പോർട്ട് ലെവലിൻ്റെ ഏതെങ്കിലും ലംഘനം 260-240 ലെവലിലേക്ക് കൂടുതൽ തകർച്ചയിലേക്ക് നയിച്ചേക്കാം. ആർഎസ്ഐ നെഗറ്റീവ് വ്യതിചലനം കാണിക്കുന്നു. അതുകൊണ്ടു തന്നെ ലാഭ ബുക്കിംഗ് നിർദ്ദേശിക്കുന്നു.

ബ്രോക്കറേജ് വിലയിരുത്തൽ

ആഗോള ബ്രോക്കറേജ് സ്ഥാപനമായ മോർഗൻ സ്റ്റാൻലി ഓഹരിക്ക് 'ഓവർ വെയ്റ്റ്' റേറ്റിംഗ് നൽകുകയും ടാർഗെറ്റ് വില 364 രൂപയായി ഉയർത്തുകയും ചെയ്തു. അതേസമയം യുബിഎസ് ഓഹരിയുടെ 'ബൈ' റേറ്റിംഗിൽ നിന്നും 'ന്യൂട്രൽ' ആയി താഴ്ത്തി. ഇതൊക്കെയാണെങ്കിലും, അടുത്ത 12 മാസത്തേക്ക് ബ്രോക്കറേജ് അതിൻ്റെ വില ലക്ഷ്യം ₹ 333 ൽ നിന്ന് ₹ 340 ആയി ഉയർത്തി.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.