ബെഞ്ച്മാർക്ക് സൂചികകൾ ഇന്ന് നേട്ടത്തിൽ ക്ലോസ് ചെയ്തു. നിഫ്റ്റി 11900 ന് മുകളിൽ ഉയർന്നു. ഓട്ടോ ഓഹരികൾ ഇന്ന് കുതിച്ചുയർന്നു. സെൻസെക്സ് 127.01 പോയിൻറ് അഥവാ 0.31 ശതമാനം ഉയർന്ന് 40685.50 ലും നിഫ്റ്റി 33.90 പോയിൻറ് അഥവാ 0.9 ശതമാനം ഉയർന്ന് 11930.40 എന്ന നിലയിലും എത്തി. ഏകദേശം 1656 ഓഹരികൾ ഇന്ന് മുന്നേറിയപ്പോൾ, 1019 ഓഹരികൾ ഇടിവ് രേഖപ്പെടുത്തി. 142 ഓഹരികൾ മാറ്റമില്ലാതെ തുടർന്നു.
നിഫ്റ്റി 11,900ന് മുകളിൽ, ഓട്ടോ ഓഹരികളുടെ നേട്ടത്തിൽ സെൻസെക്സ് 127 പോയിന്റ് ഉയർന്നു
മാരുതി സുസുക്കി, എം ആൻഡ് എം, ടാറ്റാ സ്റ്റീൽ, പവർ ഗ്രിഡ് കോർപ്പറേഷൻ, ബജാജ് ഓട്ടോ എന്നിവയാണ് നിഫ്റ്റിയിൽ മികച്ച നേട്ടമുണ്ടാക്കിയ ഓഹരികൾ. അൾട്രാടെക് സിമൻറ്, ശ്രീ സിമൻറ്സ്, എച്ച്സിഎൽ ടെക്, എച്ച്യുഎൽ, ഗെയിൽ എന്നിവയ്ക്കാണ് ഇന്ന് നഷ്ടം നേരിട്ടത്. മേഖലാ സൂചികകളിൽ ഫാർമ ഒഴികെയുള്ള മറ്റ് സൂചികകൾ നേട്ടത്തിൽ ക്ലോസ് ചെയ്തു. ഓട്ടോ ഓഹരികൾ ഇന്ന് ഏകദേശം 3 ശതമാനം നേട്ടം കൈവരിച്ചു. ബിഎസ്ഇ മിഡ്കാപ്പ്, സ്മോൾക്യാപ് സൂചികകളും ഇന്ന് ഉയർന്നു.
Click it and Unblock the Notifications
Sign in with Google