അറിഞ്ഞില്ലേ..? ഈ 12 ഓഹരികൾ വാങ്ങിക്കൂട്ടി മ്യൂച്വൽ ഫണ്ട്, നിങ്ങൾ വാങ്ങിയാലും മികച്ച ലാഭം

ഇന്ത്യയിലെ ഏറ്റവും വലിയ ഫ്ലെക്സി ക്യാപ് ഫണ്ടായ പരാഗ് പരീഖ് ഫ്ലെക്സി ക്യാപ് ഫണ്ട് കൂടുതൽ ഓഹരികളിൽ നിക്ഷേപം നടത്തിയിരിക്കുകയാണ്. ആക്സിസ് ബാങ്ക് , എച്ച്ഡിഎഫ്സി ബാങ്ക് , ഐസിഐസിഐ ബാങ്ക് , കൊട്ടക് മഹീന്ദ്ര ബാങ്ക് , ഐടിസി തുടങ്ങി 12 ഓഹരിലാണ് മ്യൂച്വൽ ഫണ്ട് കോടികളുടെ നിക്ഷേപം നടത്തിയിരിക്കുന്നത്. അതേസമയം മാരുതി സുസുക്കിയുടെ ഏകദേശം 50,000 ഓഹരികൾ വെട്ടിക്കുറച്ചു. സിപ്ല, ഡോ. റെഡ്ഡീസ് ലബോറട്ടറീസ്, ഇഐഡി പാരി ഇന്ത്യ, ഇന്ത്യൻ എനർജി എക്സ്ചേഞ്ച്, പവർ ഗ്രിഡ് കോർപ്പറേഷൻ ഓഫ് ഇന്ത്യ, സൈഡസ് ലൈഫ് സയൻസസ്, സൈഡസ് വെൽനസ് എന്നിവയാണ് എക്സ്പോഷർ വർദ്ധിപ്പിച്ച മറ്റ് ഏഴ് ഓഹരികൾ.

കൂടുതൽ നിക്ഷേപം സൈഡസിൽ

എക്സ്പോഷർ വർദ്ധിപ്പിച്ച 12 ഓഹരികളിൽ, ഫണ്ട് സൈഡസ് വെൽനസിന്‍റെ ഓഹരികളാണ് കൂടുതൽ കൂട്ടിച്ചേർത്തത്. ഏകദേശം 1.76 കോടി. അതോടെ
സെപ്റ്റംബറിൽ മൊത്തം ഹോൾഡിംഗ് 2.20 കോടിയായി ഉയർന്നു. ഓഗസ്റ്റിൽ ഇത് 44 ലക്ഷമായിരുന്നു. പവർ ഗ്രിഡ് കോർപ്പറേഷൻ ഓഫ് ഇന്ത്യയുടെ 98.72 ലക്ഷം ഓഹരികളും ഇന്ത്യൻ എനർജി എക്സ്ചേഞ്ചിന്റെ 72.43 ലക്ഷം ഓഹരികളും കൂട്ടിച്ചേർത്തു.

മാരുതി സുസുക്കിയുടെ ഏകദേശം 50,000 ഓഹരികൾ പോർട്ട്ഫോളിയോയിൽ നിന്ന് വിറ്റു. ഓഗസ്റ്റിൽ 27.46 ലക്ഷത്തിൽ നിന്ന് സെപ്റ്റംബറിൽ മൊത്തം ഓഹരികളുടെ എണ്ണം 26.96 ലക്ഷമായി. സെപ്റ്റംബറിൽ ഐപിസിഎ ലബോറട്ടറീസിൽ നിന്ന് പൂർണ്ണമായി പുറത്തുകടന്നു, പരാഗ് പരീഖ് ഫ്ലെക്സി ക്യാപ് ഫണ്ടിന്റെ പോർട്ട്ഫോളിയോയിൽ നിന്ന് 2.18 ലക്ഷം ഓഹരികൾ വിറ്റുതീർന്നു.

ഫ്ലെക്സിക്യാപ്പ് ഫണ്ടിന്‍റെ പോർട്ട്ഫോളിയോയിലെ ആകെ സ്റ്റോക്കുകളുടെ എണ്ണം ഓഗസ്റ്റിൽ 28 ആയിരുന്നെങ്കിൽ സെപ്റ്റംബറിൽ 27 ആയി രേഖപ്പെടുത്തി. 2025 സെപ്റ്റംബർ 30 ലെ കണക്കനുസരിച്ച്, ഫണ്ടിന്റെ AUM 1.19 ലക്ഷം കോടി രൂപയാണ്. 2025 ഓഗസ്റ്റിൽ ഇത് 1.15 ലക്ഷം കോടി രൂപയായിരുന്നു.

LPG Prices: വീട്ടമ്മമാർക്ക് സന്തോഷ വാർത്ത, എൽപിജി സിലിണ്ടർ വില കുറയും, കാരണം ഇതാണ്

പരാഗ് പരീഖ് ഫ്ലെക്സി ക്യാപ് ഫണ്ട്

2013 മെയ് 24 ന് ആരംഭിച്ച പരാഗ് പരീഖ് ഫ്ലെക്സി ക്യാപ് ഫണ്ട് രാജീവ് തക്കർ, റൗണക് ഓങ്കർ, രാജ് മേത്ത, റുക്കുൻ താരചന്ദാനി, തേജസ് സോമൻ, മാൻസി കരിയ, ഐശ്വര്യ ധർ എന്നിവർ കൈകാര്യം ചെയ്യുന്നു. പ്രധാനമായും ഇക്വിറ്റി, ഇക്വിറ്റി സംബന്ധിയായ സെക്യൂരിറ്റികളുടെ സജീവമായി കൈകാര്യം ചെയ്യുന്ന ഒരു പോർട്ട്‌ഫോളിയോയിൽ നിന്ന് ദീർഘകാല മൂലധന വളർച്ച സൃഷ്ടിക്കുക എന്നതാണ് ഫണ്ടിന്റെ നിക്ഷേപ ലക്ഷ്യം. ഇന്ത്യൻ ഇക്വിറ്റികൾ, വിദേശ ഇക്വിറ്റികൾ, അനുബന്ധ ഉപകരണങ്ങൾ, ഡെറ്റ് സെക്യൂരിറ്റികൾ എന്നിവയിൽ പദ്ധതി നിക്ഷേപിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.