ജിയോ വരിക്കാർക്ക് കൂടുതൽ ഡാറ്റ നൽകി കിടിലൻ ഓഫറുകൾ; പുതിയ റീച്ചാർജ് പായ്ക്കുകൾ ഇതാ..

റിലയൻസ് ജിയോ പുതിയ ഡാറ്റ ആഡ്-ഓൺ പ്രീപെയ്ഡ് പായ്ക്കുകൾ പുറത്തിറക്കി. പുതിയ ആഡ്-ഓൺ പായ്ക്കുകൾക്ക് പ്രതിദിന ഡാറ്റാ പരിധിയില്ല. നിലവിലുള്ള പ്ലാൻ തീരുന്നതിന് മുമ്പും മാസത്തിലെ ഏത് സമയത്തും ഈ പ്ലാൻ വാങ്ങാൻ കഴിയുമെന്ന് കമ്പനി പ്രസ്താവനയിൽ അറിയിച്ചു. മൂന്ന് പ്രീപെയ്ഡ് ആഡ്-ഓൺ പായ്ക്കുകൾ പ്രതിദിനം 2 ജിബി ഡാറ്റ നൽകുന്നതും ഏകദേശം പ്രതിമാസം 200 രൂപ നിരക്കിനോട് അടുത്ത് വരുന്നതുമാണ്.

മൂന്ന് പായ്ക്കുകൾ

• 151 രൂപയുടെ പായ്ക്ക് - 30 ജിബി ഡാറ്റ
• 201 രൂപയുടെ പായ്ക്ക് - 40 ജിബി ഡാറ്റ
• 251 രൂപയുടെ പായ്ക്ക് - 50 ജിബി ഡാറ്റ

ഫേസ്ബുക്ക് - ജിയോ കരാർ: ഇടപാടിനെക്കുറച്ച് മാർക്ക് സുക്കർബർഗിന്റെ വെളിപ്പെടുത്തൽ

നിലവിലുള്ള അടിസ്ഥാന പ്ലാൻ തീർന്നു പോകാതിരിക്കാനുള്ള ഈ പായ്ക്കുകൾ ഉപഭോക്താവിന്റെ നിലവിലുള്ള ജിയോ പ്ലാനിലേക്ക് ചേർക്കാൻ കഴിയുമെന്നാണ് പ്രത്യേകത. ഈ ആഡ്-ഓൺ പാക്കുകളുടെ സാധുത റീചാർജ് ചെയ്യുന്ന സമയത്ത് ഉപഭോക്താവ് തിരഞ്ഞെടുത്ത അടിസ്ഥാന പദ്ധതിയുടെ സാധുതയെ ആശ്രയിച്ചിരിക്കും.

ഇതിനുപുറമെ, റിലയൻസ് ജിയോ പുതിയ വാർഷിക പ്രീ-പെയ്ഡ് ഡാറ്റ പ്ലാനും പ്രഖ്യാപിച്ചു. 336 ദിവസത്തെ സാധുത നൽകുന്ന 2,121 രൂപയുടെ പ്ലാനിന് പുറമേയാണ് പുതിയ 2,399 രൂപയുടെ പ്ലാൻ. എന്നിരുന്നാലും, 2,399 പ്ലാൻ 365 ദിവസത്തെ സാധുത നൽകുന്നു, കൂടാതെ പ്രതിദിനം 2 ജിബി ഡാറ്റയും വാഗ്ദാനം ചെയ്യുന്നു. കൊറോണ വൈറസ് മഹാമാരിയെ ചെറുക്കുന്നതിനായി രാജ്യത്ത് ലോക്ക്ഡൌൺ പ്രഖ്യാപിച്ചിരിക്കുന്നതിനാൽ ഇന്ത്യയിൽ ധാരാളം പേർ വീട്ടിൽ ഇരുന്ന ജോലി ചെയ്യുന്ന സമയത്താണ് ഈ പുതിയ ഡാറ്റ പായ്ക്കുകൾ ആരംഭിച്ചിരിക്കുന്നത്. കൊറോണ വൈറസ് ലോക്ക്ഡൗൺ കാരണം എല്ലാ ജിയോ ഉപയോക്താക്കൾക്കും ആറ് മാസത്തേക്ക് ജിയോയും ഫേസ്ബുക്കും പ്രതിദിനം 25 ജിബി ഡാറ്റ സൗജന്യമായി നൽകുമെന്ന് അടുത്തിടെ ഒരു വ്യാജ വാർത്ത വൈറലായിരിന്നു. വൈറല്‍ സന്ദേശത്തില്‍ പറയുന്ന വെബ്‍സൈറ്റ് യുആര്‍എല്‍ വ്യാജമാണ്. ഒരു വെബ്‍ഹോസ്റ്റിംഗ് വെബ്‍സൈറ്റിന്‍റെ അഡ്രസാണ് നല്‍കിയിരിക്കുന്നത്. കഴിഞ്ഞ വര്‍ഷം ഒക്ടോബറിലും ഈ വ്യാജ സന്ദേശം പ്രചരിച്ചിരുന്നുവത്രേ.

റിലയൻസ് ജിയോയിൽ കൈവച്ച് ഫേസ്ബുക്ക്; 9.9 ശതമാനം ഓഹരികൾ സ്വന്തമാക്കി