ഭവന വായ്പക്കാർക്ക് ആശ്വാസം, എസ്ബിഐ വായ്പ പലിശ നിരക്ക് കുറച്ചു

ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) വായ്പകളുടെ എം‌സി‌എൽ‌ആർ നിരക്ക് 15 ബേസിസ് പോയിന്റ് കുറച്ചതായി പ്രഖ്യാപിച്ചു. 2020 മെയ് 10 മുതൽ പ്രതിവർഷം 7.40 ശതമാനത്തിൽ നിന്ന് എംസി‌എൽ‌ആർ പ്രതിവർഷ നിരക്ക് 7.25 ശതമാനമായി കുറയും.

കുറവ് ഇങ്ങനെ

ബാങ്കിന്റെ തുടർച്ചയായ പന്ത്രണ്ടാമത്തെ എംസി‌എൽ‌ആർ നിരക്ക് കുറയ്ക്കലാണിത്. കുറച്ചതിനുശേഷം, യോഗ്യതയുള്ള ഭവനവായ്പ അക്കൌണ്ടുകളിലെ (എം‌സി‌എൽ‌ആറുമായി ലിങ്ക് ചെയ്തിട്ടുള്ള) ഇ‌എം‌ഐകൾക്ക് 30 വർഷത്തെ വായ്പയ്ക്ക് ഏകദേശം 255 രൂപ കുറവ് ലഭിക്കുമെന്ന് എസ്ബിഐ അറിയിച്ചു.

ഉടൻ ഇഎംഐ കുറയില്ല

എം‌സി‌എൽ‌ആർ നിരക്കുകൾ ബാങ്കിന്റെ സ്വന്തം ഫണ്ടുകളുടെ ചിലവ് അടിസ്ഥാനമാക്കിയുള്ളതാണ്. നിങ്ങളുടെ ഭവനവായ്പ എസ്‌ബി‌ഐയുടെ എം‌സി‌എൽ‌ആർ നിരക്കുമായി ബന്ധിപ്പിച്ചിട്ടുണ്ടെങ്കിൽ, എം‌സി‌എൽ‌ആർ അടിസ്ഥാനമാക്കിയുള്ള വായ്പകൾക്ക് സാധാരണയായി ഒരു വർഷത്തെ പുന: സജ്ജീകരണ ക്ലോസ് ഉള്ളതിനാൽ ഏറ്റവും പുതിയ നിരക്ക് കുറയ്ക്കൽ ഉടനടി നിങ്ങളുടെ ഇ‌എം‌ഐകളെ കുറയ്ക്കില്ല.

ഫിക്സഡ് ഡിപ്പോസിറ്റ് പലിശ

എസ്ബിഐ ബാങ്ക് ഫിക്‌സഡ് ഡെപ്പോസിറ്റുകളുടെ (എഫ്ഡി) പലിശനിരക്കും വെട്ടിക്കുറച്ചു. 2020 മെയ് 12 മുതൽ പ്രാബല്യത്തിൽ വരുന്ന എസ്‌ബി‌ഐ റീട്ടെയിൽ ടേം ഡെപ്പോസിറ്റുകളുടെ പലിശനിരക്ക് മൂന്ന് വർഷം വരെ കാലാവധികൾക്ക് 20 ബി‌പി‌എസ് കുറച്ചു. രണ്ട് മാസത്തിനുള്ളിൽ എഫ്ഡി നിരക്കുകൾ മൂന്നാം തവണയാണ് കുറയ്ക്കുന്നത്.

മുതിർന്ന പൗരന്മാർക്ക്

മുതിർന്ന പൗരന്മാർക്കായി, എസ്‌ബി‌ഐ വീ കെയർ ഡെപ്പോസിറ്റ് എന്ന പുതിയ നിക്ഷേപ പദ്ധതി അവതരിപ്പിച്ചു. "ഈ പുതിയ ഉൽ‌പ്പന്നത്തിന് കീഴിൽ, മുതിർന്ന പൗരന്മാരുടെ ടേം ഡെപ്പോസിറ്റുകൾ‌ക്ക് 5 വർഷവും അതിനുമുകളിലും കാലാവധിയിലാണ് നിക്ഷേപിച്ചിരിക്കുന്നതെങ്കിൽ പലിശ നിരക്കിൽ 30 ബേസിസ് പോയിന്റ് അധികമായി ലഭിക്കും. ഈ പദ്ധതി 2020 സെപ്റ്റംബർ 30 വരെ ബാധകമായിരിക്കുമെന്നും ബാങ്ക് അറിയിച്ചു.

എസ്ബിഐ

ആസ്തി, നിക്ഷേപം, ശാഖകൾ, ഉപഭോക്താക്കൾ, ജീവനക്കാർ എന്നിവരുടെ കാര്യത്തിൽ ഏറ്റവും വലിയ വാണിജ്യ ബാങ്കാണ് എസ്‌ബി‌ഐ. രാജ്യത്തെ ഏറ്റവും വലിയ മോർട്ട്ഗേജ് വായ്പ നൽകുന്ന ബാങ്ക് കൂടിയാണിത്. ഭവനവായ്പയിൽ 34 ശതമാനം വിപണി വിഹിതവും വാഹന വായ്പ വിഭാഗത്തിൽ 34.86 ശതമാനം വിപണി വിഹിതവും ബാങ്ക് അവകാശപ്പെടുന്നു. 2019 ഡിസംബർ 31 ലെ കണക്കനുസരിച്ച് ബാങ്കിന് 31 ലക്ഷം കോടി രൂപയുടെ നിക്ഷേപ അടിത്തറയുണ്ട്.