ലാഭവിഹിതത്തിനൊപ്പം അധിക ഓഹരികൾ നേടാൻ അവസരം; ഈ ഓഹരികൾ കോർപ്പറേറ്റ് നടപടികളിലേക്ക്; കയ്യിലുണ്ടോ?

ഈ വാരത്തില്‍ നടക്കുന്ന കോര്‍പ്പറേറ്റ് നടപടികള്‍ പരിശോധിച്ചാല്‍ വിവിധ കമ്പനികള്‍ ലാഭവിഹിതവും അവകാശ ഓഹരികളും ബോണസ് ഓഹരികളും നല്‍കുന്നുണ്ട്. മില്‍ക് ഫുഡ് ലിമിറ്റഡ്, വീരം സെക്യൂരിറ്റീസ്, ടാല്‍ബ്രോസ് ഓട്ടോമേറ്റീവ് കോംമ്പോണന്‍സ് എന്നി ഓഹരികള്‍ ഈ ആഴ്ച എക്‌സ് ഡിവിഡന്റ ട്രേഡ് ചെയ്യും. എസ്ഇപിസി ലിമിറ്റഡാണ് ഈ വാരം അവകാശ ഓഹരികള്‍ നല്‍കുന്നത്. ആല്‍ഫലോജിക് ഇന്‍ഡസ്ട്രീസ് ഈ വാരത്തില്‍ ബോണസ് ഓഹരികള്‍ നല്‍കും.

ടാല്‍ബ്രോസ് ഓട്ടോ

2 രൂപ മുഖവിലയുള്ള ഓഹരികള്‍ 10 ശതമാനമാണ് ലാഭവിഹിതം പ്രഖ്യാപിച്ചിട്ടുള്ളത്. ഓഹരി ഉടമയ്ക്ക് പ്രതിയോഹരി 20 പൈസ ലാഭവിഹിതം ലഭിക്കും. ഇതിനുള്ള എക്‌സ് ഡിവിഡന്റ് തീയതി നവംബര്‍ 28 ആണ്.

വീരം സെക്യൂരിറ്റീസ്

2 രൂപ മുഖവിലയുള്ള വീരം സെക്യൂരിറ്റീസ് ഓഹരി 2.50 ശതമനമാണ് ലാഭവിഹിതം പ്രഖ്യാപിച്ചിട്ടുള്ളത്. ഓഹരിയൊന്നിന് 50 െൈപസായണ് നിക്ഷേപകന് ലഭിക്കുക. എക്‌സ് ഡിവിഡന്റ് തീയതി നവംബര്‍ 28.

 

മില്‍ക്ഫുഡ്

10 രൂപ മുഖവിലയുള്ള മില്‍ക്ഫുഡ് ഓഹരികള്‍ 25 ശതമാനമാണ് ലാഭവിഹിതം പ്രഖ്യാപിച്ചിട്ടുള്ളത്. പ്രതിയോഹരി 2.50 രൂപ ലാഭവിഹിതം ലഭിക്കും. ഓഹരി നവംബര്‍ 29 ന് എക്‌സ് ഡിവിഡന്റ് ട്രേഡ് ചെയ്യും.

എക്സ് ഡിവിഡന്റ്

ഓഹരി എക്‌സ്-ഡിവിഡന്റ് ആയി മാറുന്ന ദിവസമാണ് എക്സ് ഡിവിഡന്റ് തീയതി. അതിനാൽ എക്സ് ഡിവിഡന്റ് തീയതി മുതൽ ഓഹരി ഡിവിഡന്റിന്റെ മൂല്യം വഹിക്കില്ല. റെക്കോർഡ് തീയതിക്ക് മുൻപ് കമ്പനികളുടെ റെക്കോർഡിൽ പേരുള്ളവർക്കാണ് ലാഭവിഹിതം ലഭിക്കുക. നിലവിൽ T+1 സെറ്റിൽമെന്റ് രീതി പിന്തുടരുന്നതിനാൽ റെക്കോർഡ് തീയതിയും എക്സ് ഡിവിഡന്റ് തീയതിയും ഒരേ ദിവസമാണ്. ഈ ദിവസത്തിന് മുൻപ് ഓഹരി സ്വന്തമാക്കുന്നവർക്കാണ് ലാഭവിഹിതം ലഭിക്കുക.

ബോണസ് ഇഷ്യു

നിലവിലുള്ള ഓഹരി ഉടമകള്‍ക്ക് കമ്പനി അധിക ഓഹരികള്‍ അനുവദിക്കുന്ന കോര്‍പ്പറേറ്റ് നടപടിയാണ് ബോണ്‌സ ഇഷ്യു. ലാഭവിഹിതം പണമായി നല്‍കുന്നതിന് ബദലായി കമ്പനികള്‍ ബോണസ് ഇഷ്യു പരിഗണിക്കാറുണ്ട്. ആല്‍ഫാലോജിക് ഇന്‍ഡസ്ട്രീസ് 1:1 അനുപാതത്തിലാണ് ബോണസ് ഇഷ്യു അനുവദിക്കുന്നത്. ഒരു ഓഹരി കയ്യിലുള്ളവര്‍ക്ക് അധികമായി ഒരെണ്ണം കൂടി ലഭിക്കും. എക്‌സ് ബോണസ് തീയതി ഡിസംബര്‍ 1 ആണ്.

അവകാശ ഓഹരി

കയ്യിലുള്ള ഓഹരിക്ക് ആനുപാതികമായി കമ്പനി നേരിട്ട് പുതിയ ഓഹരികള്‍ അനുവദിക്കുന്നതാണ് അവകാശ ഓഹരി. വിപണിയില്‍ നിന്ന് ഓഹരി വാങ്ങുന്നതിന് പകരം വിലകിഴിവില്‍ കമ്പനിയില്‍ നിന്ന് നേരിട്ട് ഓഹരികള്‍ വാങ്ങാന്‍ സാധിക്കും. ഈ വാരം അവകാശ ഓഹരിക്ക് റെക്കോര്‍ഡ് തീയതി കുറിച്ചത് എസ്ഇപിസി ലിമിറ്റഡാണ്.

1:36 അനുപാതത്തിലാണ് അവകാശ ഓഹരികള്‍ നല്‍കുന്നത്. അതായത്, റെക്കോര്‍ഡ് തീയതിയില്‍ കയ്യില്‍ 36 എസ്ഇപിസി ഓഹരികള്‍ ഉള്ളവര്‍ക്ക് ഒരു അവകാശ ഓഹരിക്ക് അപേക്ഷിക്കാം. 13 രൂപ നിരക്കിലാണ് അവകാശ ഓഹരികള്‍ അനുവദിക്കുക. റെക്കോര്‍ഡ് തീയതി നവംബര്‍ 28. റൈറ്റ്‌സ് ഇഷ്യുുവിന് അപേക്ഷിക്കാവുന്ന തീയതി ഡിസംബര്‍ 6 മുതല്‍ 18 വരെ.

തിങ്കളാഴ്ച അവധി

​ഗുരു നാനക് ജയന്തി പ്രമാണിച്ച് നവംബർ 27 ന് തിങ്കളാഴ്ച ഇന്ത്യൻ ഓഹരി വിപണി അവധിയായിരിക്കും. സിഖിസത്തിന്റെ സ്ഥാപകനും ആദ്യ സിഖ് ​ഗുരുവുമായ ശുരു നാനക് ദേവിന്റെ പിറന്നാൾ ദിവസമാണ് ​ഗുരു നാനക് ജയന്തിയായി ആഘോഷിക്കുന്നത്. വിപണിയിലെ അടുത്ത അവധി ഡിസംബർ 25 ക്രിസ്തുമസിനാണ്.

അറിയിപ്പ്

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിനു നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ സ്വീകരിക്കും മുമ്പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ടസാധ്യതകള്‍ക്ക് വിധേയമാണ്. മേല്‍ സൂചിപ്പിച്ച വിവരങ്ങള്‍ ലഭ്യമായ സൂചകങ്ങളെ അടിസ്ഥാനമാക്കി ലേഖകന്‍ തയ്യാറാക്കിയതാണ്. ലേഖനം വായിച്ചിട്ട് സ്വീകരിക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.