ഓഹരി വിപണിയിൽ നേട്ടം, ഐടി, പി‌എസ്‌യു ബാങ്ക് സൂചികകൾ ഒഴികെ മറ്റെല്ലാ മേഖലകൾക്കും നേട്ടം

ബെഞ്ച്മാർക്ക് സൂചികകൾ കഴിഞ്ഞ ദിവസത്തെ ചില നഷ്ടങ്ങൾ വീണ്ടെടുത്ത് നേട്ടത്തിൽ ക്ലോസ് ചെയ്തു. നിഫ്റ്റി 11,850 ന് മുകളിലെത്തി. ബാങ്ക് നിഫ്റ്റി, ഫാർമ ഓഹരികൾ ഇന്ന് മികച്ച പ്രകടനം കാഴ്ച്ച വച്ചു. സെൻസെക്സ് 376.60 പോയിൻറ് അഥവാ 0.94 ശതമാനം ഉയർന്ന് 40,522.10 ലും നിഫ്റ്റി 121.60 പോയിന്റ് അഥവാ 1.03 ശതമാനം ഉയർന്ന് 11,889.40 ലും എത്തി. ഏകദേശം 1249 ഓഹരികൾ ഇന്ന് മുന്നേറിയപ്പോൾ, 1354 ഓഹരികൾ ഇടിഞ്ഞു, 178 ഓഹരികൾ മാറ്റമില്ലാതെ തുടർന്നു.

ഓഹരി വിപണിയിൽ നേട്ടം, ഐടി, പി‌എസ്‌യു ബാങ്ക് സൂചികകൾ ഒഴികെ മറ്റെല്ലാ മേഖലകൾക്കും നേട്ടം

കൊട്ടക് മഹീന്ദ്ര ബാങ്ക്, ശ്രീ സിമൻറ്സ്, നെസ്‌ലെ, ഏഷ്യൻ പെയിന്റ്സ്, ബജാജ് ഫിനാൻസ് എന്നിവയാണ് നിഫ്റ്റിയിൽ മികച്ച നേട്ടമുണ്ടാക്കിയത്.
ടി‌സി‌എസ്, ഇൻ‌ഫോസിസ്, ഒ‌എൻ‌ജി‌സി, വിപ്രോ, എച്ച്ഡി‌എഫ്‌സി എന്നിവയ്ക്കാണ് ഏറ്റവും കൂടുതൽ നഷ്ടം നേരിട്ടത്. ഐടി, പി‌എസ്‌യു ബാങ്ക് സൂചികകൾ ഒഴികെ മറ്റെല്ലാ മേഖലാ സൂചികകളും ഇന്ന് നേട്ടത്തിൽ വ്യാപാരം അവസാനിപ്പിച്ചു. ബി‌എസ്‌ഇ മിഡ്‌കാപ്പ്, സ്‌മോൾ‌ക്യാപ് സൂചികകളും ഇന്ന്‌ ഉയർന്നു.

ഓഹരി വിപണി ഇന്ന് നേട്ടത്തിൽ, നിഫ്റ്റി 11,940 ന് താഴെ; പവർഗ്രിഡിന് ഏറ്റവും കൂടുതൽ നേട്ടം